The Phnom Penh Post Search

Search form

Logo of Phnom Penh Post newspaper Phnom Penh Post - ផ្អក​ត្រីប្រា​ខេត្ត​សៀមរាប​ ពី​ហាង​កញ្ញា ឧត្តម​




ផ្អក​ត្រីប្រា​ខេត្ត​សៀមរាប​ ពី​ហាង​កញ្ញា ឧត្តម​

Content image - Phnom Penh Post
ម្ហូប​ផ្អក​ត្រីប្រា​សៀមរាប អម​ដោយ​បន្លែ​អន្លក់​ស្រស់ៗ​។ ហុង មិនា

ផ្អក​ត្រីប្រា​ខេត្ត​សៀមរាប​ ពី​ហាង​កញ្ញា ឧត្តម​

ភ្នំពេញ: ស្ថិត​នៅ​ជិត​វត្ត​នាគវ័ន ភោជនីយ​ដ្ឋាន កញ្ញា​ឧត្តម ​មាន​ម្ចាស់ហាង​ជាអ្នក​មក​ពី​ទឹក​ដី​សៀមរាប ដែល​បាន​នាំ​យក​រូបមន្ដ​ផ្ទះបាយ​ប្រចាំ​គ្រួសារ ដូច​ជា​ផ្អក​ត្រីប្រា​សៀមរាប ​ជាដើម​​មក​ចម្អិន​ម្ហូប​បម្រើជូន​ភ្ញៀវ​។

គ្រឿងផ្សំ​ងាយៗ​សម្រាប់ចម្អិន​​ម្ហូប​ខ្មែរ​មួយ​នេះ​រួម​មាន ផ្អក​ត្រីប្រា ខ្ទឹមស ប្រេង​ឆា ប៉េងប៉ោះ ស្វាយខ្ចី ពពាយ ត្រសក់ ការ៉ុដ ត្រប់ស្រួយ សណ្ដែក​កួរ សាលាដ និង​ម្ទេស។ គ្រឿង​ផ្សំរសជាតិ​មាន ស្ករ​ត្នោត អំបិល និង​ប៊ីចេង។

វិធី​ចម្អិនងាយៗ​គឺ​ ដំបូងត្រូវ​យក​ផ្អក​មក​លាង​ទឹកបន្សាប​ជាតិ​ប្រៃ​បន្តិច រួច​យក​វា​ទៅ​ប្រលាក់​ស្ករ​ត្នោត ប៊ីចេង និង​ខ្ទឹមស​ចិញ្ច្រាំ ដោយ​ផ្អាប់វា​ទុក​ប្រមាណ​ជាកន្លះ​ម៉ោង។

ផ្អក​ដែល​ប្រឡាក់​គ្រឿង​រួច​ត្រូវ​យក​ទៅចៀន​ដោយ​ប្រើ​ប្រេង​តិច​បំផុត និង​ប្រើ​កម្ដៅ​ភ្លើងតិចៗ ហើយ​ឧស្សាហ៍​ប្រែ​វា​កុំ​ឲ្យ​ខ្លោច។

បន្ទាប់មក​ទៀត​ចិត​បន្លែ​អន្លក់​ជា​ចំណិត​មាន​ប៉េងប៉ោះ ស្វាយខ្ចី ពពាយ ត្រសក់ ការ៉ុដ ត្រប់ស្រួយ សណ្ដែក​កួរ រៀប​ដាក់ចាន សិន​រៀប​សាលាដ និង​ម្ទេស​ដាក់​ចាន​ផ្សេង​ទៀត​ រួច​ដួស​ផ្អក​ត្រីប្រា​ចៀន​រួច​ដាក់​ពីលើ​ជាការស្រេច។

ភោជនីយដ្ឋាន​កញ្ញាឧត្តម​មានអាសយដ្ឋាន​នៅ​ផ្ទះ​លេខ ១៥ ផ្លូវ​លេខ​ ៦០៨ ផ្លូវ​ជួសជុល​រថយន្ដ​ ខាង​កើត​​រង្វង់​មូល​ទួលគោក រាជធានី​ភ្នំពេញ៕

អត្ថបទគួរចាប់អារម្មណ៍