ភ្នំពេញ: ប្រហុក ផ្អក ម៉ាំ កាពិ និង​គ្រឿងបុក​ ផ្ទាប់​អន្លក់​ច្រើន​មុខ អាចជា​បន្ទុក​ក្នុងការ​ចម្អិន​សម្រាប់​អ្នក​ដែល​ពុំមាន​ពេល​វេលា​​គ្រប់គ្រាន់​ដើរ​ផ្សារ។ឆ្លើយ​តបនឹង​ចំណូល​ចិត្ត​អាហារ​បែបនេះ ​ហាង​អាហារ​ខ្មែរ​ដែល​ទើបបើក​បម្រើការ​បាន​ ២-៣ សប្ដាហ៍​មាន​អតិថិជន​ចូល​ទទួលទាន​ច្រើន​កុះករ​ស្ទើរ​មិនគួ​រឲ្យ​ជឿ ជាមួយ​ជម្រើស​ម្ហូប​ប្រហុក ផ្អក ម៉ាំ កាពិ ចំនួន ១៧ មុខ​ដូចជា ប្រហុកឡាប ខប្រហុក ត្រីកប់ ទឹកគ្រឿងឦ​សាន ប្រហុក​ចិញ្ច្រាំ​ឆៅ កាពិផៅ ខមាំ ប្រហុក​គ្រឿង​អាំង ផ្អកចំហុយ ផ្អក​ចៀន កាពិបុក និងម៉ាំ​ឆៅពោះ​វៀន​តាន់។