The Phnom Penh Post Search

Search form




Logo of Phnom Penh Post newspaper Phnom Penh Post - ផ្អក​សាច់​ជ្រូក​ចៀន​ ភាយ​ក្លិន​រំដេង​ពីលើ​អាកាស​




ផ្អក​សាច់​ជ្រូក​ចៀន​ ភាយ​ក្លិន​រំដេង​ពីលើ​អាកាស​

Content image - Phnom Penh Post
ផ្អក​សាច់ជ្រូក​ចៀន​អប់​ក្លិន​រំដេង​ឈ្ងុយ​ឆ្ងាញ់​។ ឈឹម ស្រីនាង

ផ្អក​សាច់​ជ្រូក​ចៀន​ ភាយ​ក្លិន​រំដេង​ពីលើ​អាកាស​

សៀមរាប: ស្ថិតនៅ​ខាងលើ​ដំបូល​រោងកុន​ Platinum Cineplex ខេត្ត​សៀមរាប ​ភោជនីយដ្ឋាន G-Green Sky Dining ​មានការ​រចនា​តុបតែង​បែបទាន់​សម័យថ្មី​ជាមួយ​បរិយាកាស​ខ្យល់​បរិសុទ្ធ​នៅពេល​ល្ងាច។

ស្ថិតនៅ​ទីខ្ពស់​ ​ភ្ញៀវ​អាច​គយគន់​ទេសភាព​ស្រស់​ស្អាត​នាពេល​យប់​នៃ​ទីក្រុង​សៀមរាប ជាមួយ​ការទទួល​ទាន​អាហារ​ក្រោម​ពន្លឺ​ភ្លើង​ព្រឹមៗ។

G-Green Sky Dinining នៅ​សៀមរាប ជា​លក្ខណៈ ​Sky Bar ដែល​ដំបូងគេ​នៅក្នុង​ខេត្ត ទាំង​សេវាកម្ម​បម្រើ​ភ្ញៀវ ការ​តុបតែង​ហាង​គឺមាន​ភាពខុស​ប្លែក​ពី​ហាង​នានា​នៅ​ទីនោះ។​

ភ្ញៀវ​អាច​ជ្រើសរើស​កន្លែង​អង្គុយនៅ​ខាងក្នុង​ហាង​ក៏បាន ឬមួយ​ក៏​អង្គុយ​នៅ​ខាងក្រៅ​ហាង​ដើម្បី​មើល​ទេសភាព ស្រូប​ខ្យល់​អាកាស ទៅតាម​ចំណង់​ចំណូល​ចិត្ត​ដែល​ភ្ញៀវ​ចង់​ក៏បាន។

ភោជនីយដ្ឋាន ​និង​បារ៍​នេះ​ទើបតែ​បើក​បាន​ពីរ​បីខែ ដោយ​មាន​បម្រើ​ជូន​ពិសេស​ប្រភេទ​ស្រា​ Champagnes វីស្គី​ពិសេស ស្រា​ក្រឡុក រួមទាំង​កាហ្វេ​ផងដែរ។ ក្រៅពីនេះ​ក៏មាន​បម្រើ​ជូននូវ​ម្ហូប​បែប​ខ្មែរ អាស៊ី និង​អឺរ៉ុប។

សប្តាហ៍​នេះ​ភោជនីយដ្ឋាន​បាន​បង្ហាញ​ម្ហូប​ពិសេស​ប្រចាំ​ហាង​ដែល​ទទួល​ការពេញ​និយម​កុម្ម៉ង់​ច្រើន​គឺផ្អក​សាច់ជ្រូក​ពិសេស ជាមួយ​បា​យស មាន​រសជាតិ​ឆ្ងាញ់​ប្លែក​មាត់។ ផ្អក​សាច់ជ្រូក​នេះ​គឺជា​ស្នាដៃ​ធ្វើផ្ទាល់​ពីចុងភៅ​ប្រចាំ​ហាង​តែម្តង។

មើល​ខាងក្រៅ ហាង​ G-Green Sky Dinining ធ្វើឲ្យ​ភ្ញៀវខ្លះ​អាច​គិតថា​ វាមាន​តម្លៃ​ថ្លៃ តែផ្ទុយ​ទៅវិញ​តម្លៃ​​គ្រប់មុខ​ម្ហូប​ទាំងអស់​ថោក​សមរម្យ​​ដូចជា ទាទ្រង់​គ្រឿង ដុត​ស្រា​ប្រេនឌី មួយ​ចានតម្លៃ ២៦០០០ រៀល និង​គ្រំខ្មៅ ស្រូបទឹក​អម្ពិល​ទុំ តម្លៃ ២៦០០០ រៀល។

G-Green Sky Dinining ​ស្ថិតនៅ​ផ្លូវ​ស៊ីវត្ថា​ ភូមិ​ថ្មី ឃុំ​ស្វាយដង្គុំ​ខេត្ត​សៀមរាប៕

អត្ថបទគួរចាប់អារម្មណ៍