The Phnom Penh Post Search

Search form

Logo of Phnom Penh Post newspaper Phnom Penh Post - ផ្អក​ចំហុយ​ពងទា​សាច់ជ្រូក​ចិញ្ច្រាំ​ ពី​ហាង ប៉រ ឃ្វីហ្ស៊ីន នៅ​សៀមរាប




ផ្អក​ចំហុយ​ពងទា​សាច់ជ្រូក​ចិញ្ច្រាំ​ ពី​ហាង ប៉រ ឃ្វីហ្ស៊ីន នៅ​សៀមរាប

ផ្អក​ចំហុយ​ពងទា​សាច់ជ្រូក​ចិញ្ច្រាំ​ជាមួយ​បន្លែ​គ្រប់​មុខ​ចម្រុះ​ពណ៌​។
ផ្អក​ចំហុយ​ពងទា​សាច់ជ្រូក​ចិញ្ច្រាំ​ជាមួយ​បន្លែ​គ្រប់​មុខ​ចម្រុះ​ពណ៌​។ ឈឹម ស្រីនាង

ផ្អក​ចំហុយ​ពងទា​សាច់ជ្រូក​ចិញ្ច្រាំ​ ពី​ហាង ប៉រ ឃ្វីហ្ស៊ីន នៅ​សៀមរាប

សៀមរាប: ស្ថិត​នៅ​ម្ដុំ​វត្តបូរ ខេត្ត​សៀមរាប ភោជនីយដ្ឋាន ប៉រ ឃ្វីហ្ស៊ីន (Por Cuisine) មាន​ឈ្មោះ​ល្បី​ខាង​កែច្នៃ​មុខម្ហូប​ខ្មែរ​ទាំងឡាយ​ឲ្យ​មាន​រសជាតិ​ថ្មី​ប្លែក​ដោយ​ផ្អែក​លើ​គ្រឿងផ្សំ​រូបមន្ត​ប្រចាំ​គ្រួសារ​តាំងពី​ឆ្នាំ​ ១៩៨១។

អ្នកស្រី ចែប លីអ៊ីង ម្ចាស់​ភោជនីយដ្ឋានប៉រ ឃ្វីហ្ស៊ីន (Por Cuisine) បង្ហាញ​ម្ហូបត្រី​ដូរី​ចៀន​រុំ​ស្លឹក​ខាត់ណា។

អ្នកស្រី ចែប លីអ៊ីង ដែល​ជា​ម្ចាស់​ហាង​ខាង​លើ​នេះ​បាន​ឲ្យ​ដឹង​ថា​ដោយសារ​តែ​ឪពុក​របស់​អ្នកស្រី​មាន​កេរ្តិ៍ឈ្មោះ​ជា​ចុងភៅ​ល្បី​ម្នាក់​ប្រចាំ​ខេត្ត​សៀមរាប​តាំងពី​ទសវត្សរ៍​ ៨០ ​មក​ដូច្នេះ​ហើយ​ទើប​អ្នកស្រី​ចង់​យក​រូបមន្ត​ប្រចាំ​គ្រួសារ​របស់​អ្នកស្រី​មក​ច្នៃ​ធ្វើ​ជា​ម្ហូប​ខ្មែរ​ដែល​មាន​លក្ខណៈ​ទំនើប​ស្រប​តាម​ចំណូលចិត្ត​ទាំង​ភ្ញៀវ​ខ្មែរ និង​បរទេស។

ក្នុង​ចំណោម​អាហារ​ទាំង​នោះ «ផ្អក​ចំហុយ​ពងទា​សាច់ជ្រូក​ចិញ្ច្រាំ​» មាន​គ្រឿង​ផ្សំ​ដូចជា ផ្អក​ត្រីឆ្ដោ ពង​ទា សាច់ជ្រូក​បី​ជាន់ អំបិល ស្ករស និង​ម្សៅស៊ុប។

បន្លែ​អន្លក់​មាន​ដូចជា កូន​ប៉េងប៉ោះ ត្រកួន​ស្រស់ ស្ពៃក្ដោប ស្ពៃបូកគោ ត្រសក់ ការ៉ុត ម្ទេស ស្លឹកខ្ទឹម និង​ក្រូចឆ្មារ។

វិធី​ចម្អិន​ងាយៗ​គឺ​ដំបូង​ត្រូវ​យក​ផ្អក និង​សាច់ជ្រូក​បី​ជាន់​មក​ចិញ្ច្រាំ​ឲ្យ​ម៉ដ្ឋ​រួច​ដាក់​អំបិល ស្ករស និង​ម្សៅស៊ុប​មួយ​ចឹប។ យក​ផ្អក​ដែល​ចិញ្ច្រាំ​រួច​ដួស​ដាក់​ចាន​ហើយ​​ក្រឡុក​ជាមួយ​ពងទា​សឹម​យក​ទៅ​ចំហុយ​ប្រមាណ​ ៣០ ​នាទី​បើក​ភ្លើង​តិចៗ។ ដាក់​ម្ទេស និង​ស្លឹក​ខ្ទឹម​ជា​ការ​ស្រេច៕

អត្ថបទគួរចាប់អារម្មណ៍