The Phnom Penh Post Search

Search form

Logo of Phnom Penh Post newspaper Phnom Penh Post - ព្រុយត្រី​សាល់​ម៉ុន​ អាំង​អំបិល​ម្ទេស ១ ចាន​ ៦០០០៛ ​នៅ The Street




ព្រុយត្រី​សាល់​ម៉ុន​ អាំង​អំបិល​ម្ទេស ១ ចាន​ ៦០០០៛ ​នៅ The Street

Content image - Phnom Penh Post
ព្រុយត្រី​សាល់ម៉ុន​ប្រឡាក់​អំបិល​ម្ទេស​អាំង​នៅ​ The Street​។ ឈឹម ស្រីនាង

ព្រុយត្រី​សាល់​ម៉ុន​ អាំង​អំបិល​ម្ទេស ១ ចាន​ ៦០០០៛ ​នៅ The Street

ភ្នំពេញ: រសជាតិ​ចំណី​អាហារ​លក់​តាម​ចិញ្ចើម​ថ្នល់​ដែល​ឆ្ងាញ់​តែង​តែ​អន្ទង​ចិត្ត​មនុស្ស​គ្រប់វ័យ​ឲ្យ​ឈប់​ម៉ូតូ​ឡាន​ចុះទទួលទាន។

សព្វ​ថ្ងៃមាន​ហាង​អាហារ​ជា​ច្រើន​បាន​នាំ​យក​រសជាតិ​ចំណី​ចំណុក​តាម​ចិញ្ចើម​ថ្នល់ទាំង​អស់​មក​កែ​ច្នៃ​លក់​ ដោយ​មាន​កន្លែង​អង្គុយ និង​ចំណត​ងាយ​ស្រួលជា​ង​មុន។

ក្នុង​ចំណោម​នោះ The Street គឺ​ជា​ស្លាក​យីហោ​ហាង​មួយ​ដែល​មាន​បម្រើ​នូវ​មុខ​ម្ហូប​តាម​ចិញ្ចើម​ថ្នល់​ប្រកប​​ដោយ​អនាម័យ។ ​បើក​ដំណើរ​ការ​​បាន​ពីរ​ខែ ហាង​អាហារ​នេះ​មាន​រូបភាព​គូរ​ជា​ផ្លូវ​ ​មាន​អំពូល​ភ្លើង ​អគារចាស់ៗ និង​មាន​បំពាក់កង្ហារ​បី​បួន។

នៅ​កន្លែង​អង្គុយ​ធ្វើ​ពីតុ​កៅអី​​មាន​ភ្ញៀវ​ជា​​យុវវ័យ​ជជែក​គ្នា​បណ្ដើរ​ ទទួល​ទាន​បណ្ដើរ​។

ម្ហូប​អាហារ​នៅក្នុង​ហាង​នេះ​មាន​ដូច​ជា​ប្រហិត​ភ្នំភ្លើង​ទឹកកក សាច់ជ្រូក​អាំង​ចង្កាក់ ជើង​មាន់​បំពង​ខ្ទឹមស ​ឆ្អឹង​ជំនី​របំពង​ខ្ទឹមស ​ព្រុយ​ត្រី​សាល់ម៉ុន​ប្រឡាក់​អំបិល​ម្ទេសអាំង និង​អាហារ​ជាច្រើន​មុខ​ទៀត។

ចំពោះ​ព្រុយ​ត្រីសាល់​ម៉ុន​ប្រឡាក់​អំបិល​​ម្ទេស​អាំង​វិញ វាជា​ព្រុយ​ជាប់​សាច់ និង​ខ្លាញ់​ដែលត្រូវ​​បាន​គេ​យក​ទៅ​ប្រឡាក់​គ្រឿង​អាំង និង​លាប​នូវ​ទឹក​ជ្រលក់​ម្ទេស ហើយ​បន្ដ​អាំ​ង​ឲ្យ​ក្រៀម​ឆ្ងាញ់។

នៅពេល​អាំង​ឆ្អិន វា​មាន​សភាព​ស្រួយ និង​​រស​ជាតិ​ហឹរ​ប្រៃ​ផ្អែម អម​ដោយ​ទឹកត្រីកោះ​កុង​ផង​ដែរ​។

ហាង​ The Street មាន​អាស័យដ្ឋា​ន​នៅផ្ទះ​លេខ ២០២ ផ្លូវ ១៤៣ សង្កាត់​បឹងកេង​កង ២​ ខណ្ឌ​ចំការ​មន ទូរស័ព្ទលេខ ០៦០៦៦៦ ៦៣៦៕

អត្ថបទគួរចាប់អារម្មណ៍