ក្រុងលីយ៉ុង: ទោះបីវាជាភោជនីយដ្ឋានបែបបុរាណ Culina Hortus នៅតែមានភាពលេចធ្លោខ្លាំងអស់បណ្ដាភោជនីយដ្ឋាននានាក្នុងទីក្រុងលីយ៉ុងអ្វីដែលគួរឲ្យមានប្រជាប្រិយភាពនោះគឺបន្លែសុទ្ធសាធ ១០០ ភាគរយដែលកម្របំផុតក្នុងចំណោមហាងអាហារនៅបារាំង។
ភោជនីយដ្ឋាន Culina Hortus ក្នុងទីក្រុងលីយ៉ុងផ្ដល់ការលក់ស្រាទំពាំងបាយជូរគុណភាពខ្ពស់ សេវាកម្មល្អឥតខ្ចោះ និងអាហារប្រណីត។
លោក Adrien Zedda ចុងភៅអាយុ ២៤ ឆ្នាំដែលធ្វើការជាមួយមេចុងភៅល្បីៗ និងត្រូវបានស្គាល់ច្រើនក្នុងការចូលរួមកម្មវិធីទូរទស្សន៍ Top Chef និយាយថា៖ «ខ្ញុំធ្វើដូចគេឯងដែរ លើកលែងតែការមិនប្រើសាច់ ឬសូម្បីតែត្រី»។
លោកបន្ដថា៖ «ការលំបាកដ៏ពិតប្រាកដគឺធ្វើជាភោជនីយដ្ឋានបម្រើម្ហូបបន្លែសុទ្ធ ១០០ ភាគរយក្នុងប្រទេសបារាំង»។
ចុងភៅរូបនេះបាននិយាយថា៖ «ការលំបាកដ៏ពិតប្រាកដគឺការផ្គាប់ភ្ញៀវដែលមិនមែនជាអ្នកទទួលទានបន្លែសុទ្ធ។ ពួកគេគិតថា ម្ហូបគ្មានសាច់គឺសុទ្ធតែជាសាលាដ និងគ្រាប់ធញ្ញជាតិ ខណៈយើងបម្រើអាហារបន្លែសុទ្ធសាធ ដែលមានជម្រើស និងលក្ខណៈខុសប្លែកពីនេះ»។
យោងតាមមគ្គុទេ្ទសក៍ចំណានៗភោជនីយដ្ឋាន Culina Hortus (មានន័យជាភាសាឡាតាំងថា សួនបន្លែ) ស្ថិតនៅឯកោក្នុងទីផ្សារភោជនីយដ្ឋាន តែជំនួសភោជនីយដ្ឋានអត់សាច់ធំៗនៅមានតិចតួចបំផុតក្នុងប្រទេសបារាំង។
លោក ផូ ខូដុល អ្នកនាំពាក្យឲ្យមគ្គុទេ្ទសក៍សិល្បៈអាហាររបស់ Michelin បានសម្គាល់ថា នេះពិតជាទំនោរបែបថ្មី ដែលហាងជាច្រើនផ្ដើមបម្រើម្ហូបបន្លែសុទ្ធដល់ភ្ញៀវ»៕ HR