The Phnom Penh Post Search

Search form




Logo of Phnom Penh Post newspaper Phnom Penh Post - ភោជ​នីយ​ដ្ឋាន​ម្ហូប​ជប៉ុន ​ដែល​អ្នក​ទៅ​សៀម​រាប​កម្រ​រំលង​




ភោជ​នីយ​ដ្ឋាន​ម្ហូប​ជប៉ុន ​ដែល​អ្នក​ទៅ​សៀម​រាប​កម្រ​រំលង​

Content image - Phnom Penh Post
ភោជនីយ​ដ្ឋាន ហាស៊ិ ​បម្រើ​​អាហារ​ជប៉ុន​លំដាប់​ខ្ពស់​នៅ​ខេត្ដ​សៀមរាប​​។ រូប សហការី

ភោជ​នីយ​ដ្ឋាន​ម្ហូប​ជប៉ុន ​ដែល​អ្នក​ទៅ​សៀម​រាប​កម្រ​រំលង​

សៀមរាប: ខណៈ​ចំនួន​ភ្ញៀវ​ទេសចរ​ជប៉ុន​មក​កាន់​កម្ពុជា​ក្នុង​មួយឆ្នាំ​មាន​ប្រមាណ​ជា ២០ ម៉ឺន​នាក់​នោះ ទឹកដី​ខេត្ត​សៀមរាប​អង្គរ​ក៏មាន​ជម្រើស​ភោជ​នីយដ្ឋាន​បម្រើ​អាហារ​ជប៉ុន​ច្រើន​ដែរ។

ភ្ញៀវ​ទេសចរដែល​ទៅលេង​សៀមរាប​ហើយ​ចង់​ញុំា​ម្ហូប​ជប៉ុន​មាន​ស្តង់ដារ​ខ្ពស់​ជាមួយ នឹង​បរិយា​កាស​ស្រស់​ស្រាយ កន្លែង​អង្គុយ​មាន​ផាសុកភាព និង​សេវាកម្ម​ទាន់​ចិត្ត ហាស៊ិ (Hashi)​ អាច​ត្រូវបាន​ចាត់​ទុកជា​ហាង​អាហារ​ជប៉ុន​ដែល​ធំ​ជាងគេ​នៅ​ទឹកដី​ទេស​ចរណ៍​ប្រវត្តិ​សាស្ត្រ​នេះ។

អ្នក​នាង ធៀង កតិ​កា អ្នក​គ្រប់គ្រង​ទូទៅ​ភោជនីយ​ដ្ឋាន បានថ្លែង​ថា៖ «ហាស៊ិ​ ត្រូវបាន​បង្កើត​ឡើង​តាំង​ពីឆ្នាំ ២០១២ មក​ម្ល៉េះ ដោយសារ​ខ្ញុំ​ចូលចិត្ត​ញ៉ាំ​ម្ហូប​ជប៉ុន អ៊ីចឹង​ហើយក៏​បើក​ហាង​នេះ​ឡើង»។

Content image - Phnom Penh Post
​​​អាហារ​ជប៉ុននៅ​ភោជនីយដ្ឋាន​ហាស៊ិ​។ រូប សហការី

អ្នក​គ្រប់​គ្រង​ទូទៅ​រូបនេះ​បាន​រៀបរាប់​ថា៖ «មុន​ដំបូង​គឺខ្ញុំ​បើក​ជា​លក្ខណៈ​ហាង​តូចមួយ​ប៉ុណ្ណោះ​ដែល​មាន​កន្លែង​អង្គុយ​សម្រាប់តែ​ភ្ញៀវ ៧០ នាក់​ប៉ុណ្ណោះ បន្ទាប់​មកក៏​ចេះតែ​មាន​ការគាំ​ទ្រច្រើន អ៊ីចឹង​ហើយ​ក៏សម្រេច​ចិត្ត​ពង្រីក​ហាង​នេះ​ថ្មី ដែល​អាចផ្ទុក​រហូតដល់​ទៅ ៣០០ នាក់ ដោយ​មាន​បរិយាកាស​ល្អប្រសើរ​ជាង​មុន ទាំង​ការតុប​តែងហាង គឺ​កែច្នៃ​ និង​រចនា​ឡើង​ដោយ​គំនិត​ខ្លួនឯង​និង​ក្រុម​ការងារ​ទាំងអស់»។

ភោជ​នីយ​ដ្ឋាន ហាស៊ិ​ ត្រូវ​បាន​ទទួល​ស្គា​ល់ពី​ភ្ញៀវ​ថាជា​ហាង​​ដែល​មានការ​ចម្អិន និង​តុបតែង​ម្ហូប​តាមបែប​សិល្បៈ ដូចជា Teppanyaki។

Content image - Phnom Penh Post
ចុងភៅ​រៀប​ចំ​ឈុត​អាហារ​សាស៊ី​មីប​ម្រើភ្ញៀ​វ​។ រូប សហការី

អ្នក​នាង​ កតិកា អះអាង​ថា៖ «ហាង​របស់ខ្ញុំ​ពិសេស​ត្រង់​ថា កន្លែង​យើង​ស្អាត ទំនើប ទាន់​សម័យ សូម្បី​តែសម្ភារ​ប្រើប្រាស់​សម្រាប់​ស្តុកត្រី​គឺ​យើង​ជ្រើស​រើសយក​ម៉ាស៊ីន​ដែល​ល្អ ពិសេស​អាច​ស្តុកត្រី​ឲ្យស្រស់ មិនឲ្យ​ខូច​សាច់ត្រី​ឡើយ។ ម្យ៉ាង​ទៀត​ខ្ញុំអាច​និយាយ​ថា ស៊ូស៊ី​នៅ​ហាង​របស់​ខ្ញុំគឺ​សាច់​ស្រស់​ហើយ​ឆ្ងាញ់ ពីព្រោះ​កន្លែង​យើង​លក់​ដាច់​ អ៊ីចឹង​សាច់​ត្រី និង​សាច់​ដទៃ​ទៀត​គឺ​កុម៉្មង់​ចូលថ្មីៗ​រាល់ថ្ងៃ»។

ម្ហូប​ដែល​ពេញ​និយម​ក្នុងហាង​គឺ The Hashi sashimi ពិសេស​ក្នុងមួយ​ឈុត ៤៩ ដុល្លារ សាច់​គោ Tataki តម្លៃ ៩,៥០ ដុល្លារ Maguro Natou ៦,៥០ ដុល្លារ Kobe Beef (១៥០ក្រាម) ៨៩ ដុល្លារ Tako Yaki ៨ ដុំ តម្លៃ ៨ ដុល្លារ និង​ម្ហូប​ជាច្រើន​ទៀត ដោយ​មានតម្លៃ​ចាប់ពី ៣ ដុល្លារ​ទៅ។

ភោជ​នីយដ្ឋាន ហាស៊ិ បម្រើ​អាហារ​ជប៉ុន ស្ថិត​នៅ​ផ្ទះលេខ ៣១២ វត្ត​បូព៌ សាលា​កំរើក ខេត្ត​សៀមរាប៕​

អត្ថបទគួរចាប់អារម្មណ៍