The Phnom Penh Post Search

Search form




Logo of Phnom Penh Post newspaper Phnom Penh Post - ភោជនីយដ្ឋាន​ស៊ូស៊ី​បាឡែន​ជប៉ុន ​ស្វាគមន៍​វត្ដមាន​សាច់​ត្រី​យក្ស​មក​កាន់​តុ​អាហារ​វិញ

ភោជនីយដ្ឋាន​ស៊ូស៊ី​បាឡែន​ជប៉ុន ​ស្វាគមន៍​វត្ដមាន​សាច់​ត្រី​យក្ស​មក​កាន់​តុ​អាហារ​វិញ

Content image - Phnom Penh Post
សាច់​បាឡែន​ពណ៌​ក្រមៅ​ដូច​សាច់គោ​ត្រូវ​បាន​បញ្ចូល​ក្នុង​ឈុត​ស៊ូស៊ី​ពិសេស​នៅ​ជប៉ុន​។ រូបថត AFP

ភោជនីយដ្ឋាន​ស៊ូស៊ី​បាឡែន​ជប៉ុន ​ស្វាគមន៍​វត្ដមាន​សាច់​ត្រី​យក្ស​មក​កាន់​តុ​អាហារ​វិញ

ក្រុងតូក្យូ: អ្នករត់​តុ​បាន​ស្រែក​បន្លឺ​ឡើង​ថា «​សាស៊ីមិ ២ ចាន និង​ស្ដេក ៣ ចាន​» នៅ​ភោជនីយដ្ឋាន​ត្រី​បាឡែន​ពេញនិយម​មួយ​ក្នុង​ទីក្រុង​តូក្យូ អំឡុង​សេវាកម្ម​អាហារ​ថ្ងៃត្រង់​ដែល​ការបន្ដ​ពាណិជ្ជកម្ម​ត្រីបាឡែន​ឡើងវិញ​បាន​បង្កើត​ក្ដីសង្ឃឹម​ជាថ្មី​។

លោក មីស៊ូតុ តានិ បាន​ចំណាយពេល ៤៦ ឆ្នាំ​នៃ​អាយុ ៦៤ ឆ្នាំ​រៀបចំ និង​ចម្អិន​សាច់​បាឡែន និង​ផ្ដល់​សេវាកម្ម​ចម្រុះ​ដល់​អតិថិជន​នៅ​ភោជនីយដ្ឋាន​។ បុរស​ធ្វើការ​យក​ប្រាក់ខែ​ពាក់អាវ​ពណ៌​ស​ប្រញាប់ប្រញាល់​បាយ​ថ្ងៃត្រង់​ភ្លាមៗ មុនពេល​ចូល​ការិយាល័យ​វិញ​ទាំង​នារីៗ​នៅ​លីវ និង​ចាស់ៗ​ចូល​និវត្ដន៍​។

ស្ដេក​បាឡែន​គឺជា​អាហារ​ពេញនិយម​បំផុត​មួយ​តម្លៃ ៩៨០ យ៉េន (៩ ដុល្លារ​)​។ ដុំ​សាច់​រាង​ចតុកោណ​ស្ដើងៗ​ជាមួយ​បាយ ស៊ុបមីសួ បន្លែ និង​តែ​ទឹកកក សម្រាប់​បម្រើ​អតិថិជន​។ លើស​ពី​នេះ​សាច់ឆៅ សាស៊ីមិ ក៏​ពេញនិយម​ប្រចាំ​ភោជនីយដ្ឋាន សាច់ឆៅ ស្បែក​ឆៅ និង​សួត​ឆៅ​។

Content image - Phnom Penh Post
ភោជនីយដ្ឋាន​មាន​តាំង​រូប​បាឡែន​តាម​ប្រភេទ​នីមួយៗ​។ រូបថត AFP

ពាណិជ្ជកម្ម​បាឡែន​បាន​ជំរុញ​បង្កើន​ការនាំ​ចូល​ពី​បណ្ដា​ប្រទេស​ផ្សេងៗ និង​ក្រុម​អ្នក​យុទ្ធនាការ​ដែល​ក្រុម​សកម្មជន​បាន​និយាយ​ថា ពូជ​បាឡែន​មួយ​ក្នុង​ចំណោម ៣ ប្រភេទ​ត្រូវ​បាន​គំរាមកំហែង​ជិត​ផុតពូជ និង​បាឡែន​អនុ​ក្រុម​ ២ ​​ទៀត​កំពុង​ប្រឈម​ខ្លាំង ។

ប៉ុន្ដែ​មេចុងភៅ​បាឡែន តានិ មាន​បំណង​លើកស្ទួយ​អត្ថប្រយោជន៍​សុខុមាលភាព​តាមរយៈ​សាច់​បាឡែន​។

លោក​បាន​ប្រាប់ AFP ថា​៖ «​វា​មាន​កាឡូរី​ទាប​ជាង​សាច់គោ ៥ ដង កាឡូស្ដេរ៉ូ ១០ ដង និង​ខ្លាញ់​ទាប​ជាង​សាច់មាន់ ២ ដង​។ វា​មាន​ទាំង​ជាតិ​ដែក​ផង​ដែរ តែ​នៅ​បរទេស​មនុស្ស​ភាគច្រើន​មិនដឹង​ទេ​»​។

ទោះ​ជា​យ៉ាងណា​មនុស្ស​ទាំងអស់​មិនមែន​សុទ្ធតែ​គាំទ្រ​ការលក់​សាច់​បាឡែន​របស់​លោក តានិ ឡើយ​។ ក្នុង​ឆ្នាំ​ ២០១៥ ​ពេល​​ទីភ្នាក់ងារ​ស៊ើបអង្កេត​បរិស្ថាន បាន​ធ្វើ​ពិសោធ​កម្រិត​ជាតិ​បារ៉ត​លើ​សាច់​បាឡែន​លក់​ក្នុង​ប្រទេស​ជប៉ុន ពួកគេ​ក៏​បាន​រកឃើញ​វា​ផ្ទុក​សារធាតុ​គីមី​នេះ​។

កំពុង​អាំង​សាច់​បាឡែន​លោក តានិ បាន​ពន្យល់​ថា​លោក​ត្រូវ​រើ​ពី​ទីក្រុង​សេន​ដៃ ភាគ​ខាងជើង ក្រោយពី​គ្រោះ​ស៊ូណាមិ​ក្នុង​ឆ្នាំ​ ២០១១ និង​តម្លៃ​សាច់​បាឡែន​បាន​ហក់​ឡើង​ចំពេល​ការផ្គត់ផ្គង់​ធ្លាក់​ចុះ​ខ្លាំង​។

ក្នុង​ក្រុង​តូក្យូ លោក​មិន​ដែល​ជួប​បញ្ហា​ចំពោះ​សាច់​បាឡែន​ឡើយ​។ ទោះ​ជប៉ុន​នៅតែ​ស្ថិត​ក្នុង​ក្រុម​គណៈកម្មការ​បាឡែន​អន្ដរជាតិ​ក្ដី តែ​ត្រី​បាឡែន​ដែល​ចាប់​ក្នុង​ដែនសមុទ្រ​អង់តាក់ទិក​សម្រាប់​ការស្រាវជ្រាវ​នៅតែ​ក្លាយ​ជា​មុខម្ហូប​សាស៊ីមិ និង​ស្ដេក​នៅ​ទូទាំង​ប្រទេស​ដដែល​។

Content image - Phnom Penh Post
សាច់​បាឡែន​អាច​ត្រូវ​បាន​បរិភោគ​ឆៅ ឬ​ចម្អិន​ជា​ស្តេក​។ រូបថត AFP

ជាទូទៅ​ដោយ​ជប៉ុន​ដើរ​ចេញ​ពី​គណៈកម្មការ IWC និង​បន្ដ​អាជីវកម្ម​បាឡែន​ឡើងវិញ បរិមាណ​សាច់​ក៏​បាន​ធ្លាក់ចុះ​។ ជប៉ុន​គ្រោង​ប្រមាញ់​បាឡែន​ជាង ៦០០ ក្បាល​ប្រចាំ​ឆ្នាំ​ហើយ​ពេល​នេះ​ការ​ប្រមាញ់​នៅ​មាន​ចំនួន ២២៧ ក្បាល​រហូត​ដល់​ដំណាច់ឆ្នាំ​។

លោក តានិ បាន​សារភាព​ថា​៖ «​ខ្ញុំ​មាន​ការបារម្ភ​ដែល​បរិមាណ​សាច់​ត្រី​បាឡែន​នឹង​បន្ដ​ធ្លាក់​ចុះ​»​។

ជប៉ុន​បាន​ការពារ​ចំពោះ​ការប្រមាញ់​បាឡែន​យក​សាច់​ដ៏ចម្រូងចម្រាស​ជា​ផ្នែក​មួយ​នៃ​ប្រពៃណី​កេរដំណែល​អាហារ​ដ៏សម្បូរបែប​របស់​ខ្លួន​។

លោក តានិ បាន​ឯកភាព​ថា​៖ «​ប្រទេស​ណា​ដែល​អត់​មាន​ការថែរក្សា​កេរដំណែល​អាហារ​របស់​ខ្លួន​នឹង​មិនមាន​អនាគត​ល្អ​នោះ​ទេ​»៕ HR

អត្ថបទគួរចាប់អារម្មណ៍

  • អាមេរិក​ផ្តល់​ជំនួយ ​៤២ ​ម៉ឺន​ដុល្លារ​ទៀត ​ដើម្បី​ស្រាវជ្រាវ​សំណល់​គ្រាប់​បែក​ចង្កោម

    ភ្នំពេញៈ រដ្ឋាភិបាល​អាមេរិក​បាន​សម្រេច​ផ្ដល់​ជំនួយ​ជាង​ ៤២​ ម៉ឺន​ដុល្លារ​បន្ថែម​ទៀត ដល់​មជ្ឈមណ្ឌល​កំចាត់​មីន​កម្ពុជា ហៅ​កាត់​ថា CMAC ដើម្បី​ស្រាវជ្រាវ​​សំណល់​គ្រាប់​បែក​ចង្កោម​ដែល​

  • ប្រាក់ចំណេញ​សុទ្ធ Qantas ធ្លាក់ ៦,៥ ​ភាគរយ

    ក្រុងស៊ីដនីៈ ក្រុមហ៊ុន​អាកាសចរណ៍ Qantas Airways កាលពី​ថ្ងៃ​ព្រហស្បតិ៍​បាន​ចេញ​ផ្សាយ​ការធ្លាក់ចុះ​ប្រាក់​ចំណេញ​សុទ្ធ​ប្រចាំ​ឆ្នាំ ៦,៥ ភាគរយ ដោយសារ​ការធ្លាក់ចុះ​ប្រាក់​ចំណេញ​ក្នុង​គ្រា​ដែល​ប្រេង​ឆៅ​មាន​តម្លៃ​កាន់តែ​ខ្ពស់ និង​ការធ្លាក់​ថ្លៃ​ប្រាក់​ដុល្លារ​អូស្ត្រាលី​កាន់តែ​ខ្លាំង​។

  • តោខៀវ​ឲ្យ Roma ខ្ចី​ជើង​ខ្សែការពារ Zappacosta

    ក្រុងមីឡានៈ ក្លិប Roma បានប្រកាស​កាលពី​ថ្ងៃ​ពុធ​ថា ខ្សែការពារ Davide Zappacosta នៅ​ក្លិប Chelsea បាន​ចូលរួម​ក្លិប Roma ក្នុង​លក្ខខណ្ឌ​ខ្ចី​ជើង ៦ ​ខែ ប៉ុន្តែ​អាច​បន្ត​រហូតដល់​ចុងរដូវកាល​នេះ​ក៏បាន​ដែរ​។ ​

  • កូរ៉េ​ខាងជើង​មិន​ចរចា​ពី​បញ្ហា​នុយក្លេអ៊ែរ​ទេ បើសិន​ US ​នៅតែ​បន្ត​វិធានការ​យោធា​បង្ក​អារិភាព​នោះ

    ក្រុងសេអ៊ូលៈ កូរ៉េ​ខាងជើង​បាន​ថ្លែង​កាលពី​ថ្ងៃ​ព្រហស្បតិ៍​ថា​ខ្លួន​ «​មិន​ចាប់អារម្មណ៍​» ​នៅក្នុង​ការចរចា​នោះទេ លុះណា​តែ​ក្រុង​វ៉ាស៊ីនតោន​ឈប់​ «​វិធានការ​យោធា​បង្ក​អរិភាព​កាន់តែ​ខ្លាំង​ឡើង​ជាមួយ​ខ្លួន​នោះ​» ខណៈ​ប្រេសិត​ពិសេស​ជាន់ខ្ពស់​អាមេរិក​ម្នាក់​បាន​ទស្សនកិច្ច​ទៅកាន់​ក្រុង​សេអ៊ូល​ដោយ​ផ្តោត​ទៅ​លើ​ការធ្វើឲ្យ​កិច្ចចរចា​ពី​បញ្ហា​នុយក្លេអ៊ែរ​ជាមួយ​ក្រុង​ព្យុងយ៉ាង ដំណើរការ​ឡើងវិញ​។