The Phnom Penh Post Search

Search form

Logo of Phnom Penh Post newspaper Phnom Penh Post - ភោជនីយដ្ឋាន ជើង​ជ្រូកខ​ថ្នាំបុរាណ​ចិន​ដំបូង​នៅ​កម្ពុជា




ភោជនីយដ្ឋាន ជើង​ជ្រូកខ​ថ្នាំបុរាណ​ចិន​ដំបូង​នៅ​កម្ពុជា

Content image - Phnom Penh Post
យុនណាន​ជំនាញ​ម្ហូបខជើង​ជ្រូក​ថ្នាំ​បុរាណ​ចិន​។ ឈឹម ស្រីនាង

ភោជនីយដ្ឋាន ជើង​ជ្រូកខ​ថ្នាំបុរាណ​ចិន​ដំបូង​នៅ​កម្ពុជា

ភ្នំពេញ: បង្កើត​ឡើង​នៅក្នុង​ប្រទេស​ថៃ​ជាមួយ​នឹង​បទពិសោធ​ច្រើនជាង ៣០ ឆ្នាំ ភោជនីយដ្ឋាន យុន​ណាន (Yunnan) ជំនាញ​ខាងមុខ​ម្ហូប​ជើង​ជ្រូកខ​បែប​ថ្នាំបុរាណ​ចិន មានការ​ពេញនិយម​យ៉ាងខ្លាំង​ពី​សំណាក់​ភ្ញៀវជាតិ និង​អន្តរជាតិ ដោយសារ​តែ​អាថ៌កំបាំង​នៃ​ការចម្អិន រសជាតិ​ឆ្ងាញ់​ពិសា​ ផ្គួបផ្សំ​នឹង​ការ​តុបតែង​ហាង​មានលក្ខណៈ​ចិនសម័យ​ទំនើប​តែម្ដង​។

ឥឡូវនេះ ភោជនីយដ្ឋាន យុនណាន​ បាន​រំលេច​វត្តមាន​នៅម្តុំ​បឹង​កេងកង រាជធានី​ភ្នំពេញ ប្រទេស​កម្ពុជា។ ​ជើង​ជ្រូក គឺជា​មុខម្ហូប​ដ៏ល្បី​មួយ​ដែលមាន​ដើមកំណើត នៅ​ប្រទេសថៃ។

រីឯ​ យុន​ណាន ​គឺជា​ឈ្មោះ​ខេត្តមួយ​នៃ​ប្រទេស​ចិន ដែលល្បី​ពី​គុណភាព​របស់​ជើង​ជ្រូក និង​ប្រភេទ​ផ្សេងៗគ្នា​នៃ​ថ្នាំបុរាណ​ចិន។

រសជាតិ​ពិសេស​តែមួយ​គត់​របស់​ជើងជ្រូក​យុនណាន បានមកពី​ការ​លាយ​បញ្ចូល​ដ៏ល្អ​ឥតខ្ចោះ​ជាមួយ​ថ្នាំបុរាណ​ចិន។​

Content image - Phnom Penh Post
បាយខជើងជ្រូក ពងទា សាច់ក្រក ផ្សិត ស្ពៃជ្រក់។ ឈឹម ស្រីនាង

មុខម្ហូប​ពិសេស​ប្រចាំ​ហាង​ដែល​ភោជនីយដ្ឋាន​យុន​ណាន​ណែនាំ​ជូន​មិត្ត​អ្នកអាន​គឺ បាយ​ជើង​ជ្រូក​ពិសេស​យុនណាន ស៊ុប​មាន់​ជាមួយ​ថ្នាំ​ចិន ដែល​ទទួលទាន​ជាមួយ​តែ​ពិសេស អ៊ូឡុង និង​បង្អែម​សណ្តែក​គ្រប់មុខ ដើម្បី​ជួយ​ឲ្យ​សុខភាពល្អ បន្ថយ​ជាតិខ្លាញ់ កាត់​ជាតិពុល បង្កើន​ថាមពល និង​បង្កើន​ប្រព័ន្ធ​ការពារ។​

វិធីងាយៗ​ក្នុង​ការធ្វើ «បាយ​ជើង​ជ្រូក​ពិសេស​យុនណាន»​ គឺ​ដំបូង យើង​ត្រូវ​យកជើង​ជ្រូក​មកខ ទុករយៈពេល ៤៥ នាទី រួច​កាត់​សាច់ជ្រូក​ដុំៗយក​ទៅចំហុយ​។ ចំណែកឯ​ ពងទា​វិញ​យើង​ត្រូវស្ងោរ​បក​វាហើយ​ដាក់​ត្រាំ​ក្នុងទឹក​ខ រយៈពេល ១២ ម៉ោង។ក្រោយមក យើង​ចាប់​ផ្តើម​ឆា​ផ្សិត​តុងកូវ និងចៀន​សាច់ក្រក​។

ចុងក្រោយ យើង​ត្រូវ​ដួសបាយមួយ​កូនចាន ដាក់​លើ​ចានបាយ ហើយ​ដាក់ជើង​ជ្រូកខ​ពីលើ និង​តម្រៀប សាច់ជ្រូក​ចំហុយ សាច់ក្រក ផ្សិត​តុងកូវ ពងទាខ និង​ជ្រក់ស្ពៃ​ នោះ​ជាការស្រេច​។

​ប្រសិន​មិត្ត​អ្នកអាន​ពុំមាន​ពេល​គ្រប់គ្រាន់​សម្រាប់​ធ្វើការ​ចម្អិនអាហារ​ដូចបាន​រៀបរាប់​ខាងលើ​នោះទេ លោកអ្នក​អាច​ទៅ​ភ្លក្សរសជាតិ​បាយ​ជើង​ជ្រូកខថ្នាំ​បុរាណ​ចិន​នៅ​ភោជនីយដ្ឋាន​យុនណាន ស្ថិតនៅ​ផ្ទះលេខ ១៤ ផ្លូវ ៥១ សង្កាត់​បឹង​កេងកង ១ ខណ្ឌ​ចំការ​មន រាជធានី​ភ្នំពេញ។

ព័ត៌មាន​បន្ថែម​សូមចូលទៅ​កាន់​ទំព័រ​ហ្វេសប៊ុក Yunnan Cambodia​៕

អត្ថបទគួរចាប់អារម្មណ៍