The Phnom Penh Post Search

Search form




Logo of Phnom Penh Post newspaper Phnom Penh Post - ភ្លក្ស​ញ៉ាំ​ក្ដាម​ប្រៃ​រសជា​តិ​ជូរ​ហឹរ​ពី​ភោជ​នីយ​ដ្ឋាន One More




ភ្លក្ស​ញ៉ាំ​ក្ដាម​ប្រៃ​រសជា​តិ​ជូរ​ហឹរ​ពី​ភោជ​នីយ​ដ្ឋាន One More

Content image - Phnom Penh Post
ញាំ​ក្ដាមប្រៃ​រសជាតិ​ជូរ ប្រៃ ហឹរ ពី​ភោជនីយ​ដ្ឋាន One More​​។ ឈឹម ស្រីនាង

ភ្លក្ស​ញ៉ាំ​ក្ដាម​ប្រៃ​រសជា​តិ​ជូរ​ហឹរ​ពី​ភោជ​នីយ​ដ្ឋាន One More

ភ្នំពេញ: គូស​ប្លង់​ និង​ស្ថាបនា​ដោយ​ស្នាដៃ​ស្ថាបត្យករ​ខ្មែរ ភោជ​នីយដ្ឋាន One More មិនត្រឹម​តែ​រចនា​ឡើង​បែបខ្មែរ​បុរាណ​ដោយមាន​ជា​អគារ​ធំ​ស្កឹមស្កៃ ប្រក់​ដំបូល​គ្រឿង​ស្រកា​នាគ​ប៉ុណ្ណោះ​ទេ ទីនេះ​ថែម​ទាំង​មាន​បម្រើ​ម្ហូប​សែ​រាជវង្ស​ និង​ម្ហូបខ្មែរ​បែប​ស្រុកស្រែ​ចម្ការ​ដែល​មាន​អាយុ​កាល​ដ៏យូរ​លង់​មក​ហើយ​ផងដែរ។

ម្ហូប​ពិសេសៗ​ដែល​កម្រ​មាន​លក់​នៅ​តាម​ហាង​នានា​គឺ បង្កង​ឈូឈី​ គឺជា​បង្កង​ដែល​ខ្មែរយើង​មាន​ជាយូរ​មកហើយ​ដែល​មាន​រសជាតិ​ពិសេស ហើយ​ភ្ញៀវ​ចូលចិត្ត​កុម្ម៉ង់​ជាទី​បំផុត បាយក្តាំង​ណា​តាំង​គឺជា​បាយ​ក្តាំង​ដែល​បង្កើតឡើង​ដោយ​សម្តេច​តា​ជាមួយ​នឹង​បារាំង តាំងពី​ជំនាន់​បារាំង​ត្រី​កប់ បុកកំពឹស​ ប្រហុក​អាំង​ ញាំ​ក្ដាមប្រៃ សម្ល​ត្រពាំង​ខ្យង បង្អែម​គ្រាប់​កកោះ​រសជាតិ​ពី​បាត់​ដំបង​ សម្ល​ខួរ​ក្តាម ​មាន់​អំាង​អំបិល​ម្ទេស ​សម្លការី​ក្រហម​ ម្រះ ប្រហិត សាច់ស្រួយ​អង្រ្កង​និង​ប្រហិត​ពងទា​ប្រៃ​ជាដើម។

ក្នុង​ចំណោម​ម្ហូប​ទាំង​នោះ ញាំ​ក្ដាមប្រៃ​ ថ្វីដ្បិត​តែ​ជា​ម្ហូប​ស្រុកស្រែ​ចម្ការដែល​ងាយ​ធ្វើ​ក៏ពិត​មែន ប៉ុន្តែ​រសជាតិ​វា​នៅ​ហាង One More ទទួល​បាន​ការ​ពេញ​និយម​ច្រើន។ម្ហូបនេះ​ត្រូវការ​គ្រឿង​ផ្សំ​ដូចជា ក្ដាមប្រៃ ជីរ​រណារ ជីរ​នាង​វង ម្ទេស ស្ករស ម្សៅស៊ុប និង​ក្រូច​ឆ្មារ។

ដោយ​គ្រាន់​តែ​លាង​សម្អាត​ក្ដាមប្រៃ​ រួចបេះ​ច្របល់​ជាមួយ​ជីរ ម្ទេស ម្សៅស៊ុប ស្ករស រួច​ច្របាច់​ក្រូច​ឆ្មារ​ ច្របល់​ឲ្យចូល​ជាតិ​នោះ​ជាការ​ស្រេច។

ញាំ​ក្ដាមប្រៃ One More មួយ​ចាន​មាន​តម្លៃ ៤,៩ ដុល្លារ៕

អត្ថបទគួរចាប់អារម្មណ៍