The Phnom Penh Post Search

Search form

Logo of Phnom Penh Post newspaper Phnom Penh Post - ភ្លក្ស​ភីហ្សា​ប្រើ​បាយ​ជា​ទ្រនាប់​ជំនួស​ឲ្យ​សម្បក​ម្សៅ​នៅ Ajisen Ramen




ភ្លក្ស​ភីហ្សា​ប្រើ​បាយ​ជា​ទ្រនាប់​ជំនួស​ឲ្យ​សម្បក​ម្សៅ​នៅ Ajisen Ramen

ភីហ្សា​ដែល​គេ​យក​បាយ​មក​ចម្អិន​ជំនួស​សម្បក​ធ្វើ​ពី​ម្សៅ​។
ភីហ្សា​ដែល​គេ​យក​បាយ​មក​ចម្អិន​ជំនួស​សម្បក​ធ្វើ​ពី​ម្សៅ​។ ឈឹម ស្រីនាង

ភ្លក្ស​ភីហ្សា​ប្រើ​បាយ​ជា​ទ្រនាប់​ជំនួស​ឲ្យ​សម្បក​ម្សៅ​នៅ Ajisen Ramen

ភ្នំពេញ: ខណៈ​ហាង​បម្រើ​ភីហ្សា​​បាន​​ផុស​ព្រោងព្រាង​មិន​ថា​នៅ​រាជធានី​ភ្នំពេញ និង​តាម​បណ្ដា​ខេត្ត​នានា​នោះ​ភីហ្សា​បែប​ប្លែក​មួយ​ទៀត​ដែល​គេ​ប្រើ​បាយ​ចម្អិន​ជំនួស​សម្បក​ម្សៅ​នោះ​ត្រូវ​បាន​ហាង Ajisen Ramen បង្កើត​ឡើង​ដើម្បី​បម្រើ​រសនិយម​របស់​ប្រជាជន​អាស៊ី​ដែល​ចូលចិត្ត​ទទួលទាន​បាយ​ឲ្យ​ធ្ងន់​ពោះ។

ស្ថិត​នៅ​តាម​មហាវិថី​កម្ពុជា​ក្រោម​កៀក​នឹង​ស្ពាន​អាកាស​៧​មករា ហាង Ajisen Ramen មាន​ប្រភព​មកពី​ប្រទេស​ជប៉ុន និង​មាន​ប្រវត្តិ​តាំងពី​ឆ្នាំ​ ១៩៦៨ ​មក​ម្ល៉េះ។

ជាមួយ​នឹង​រូប​តុក្កតា​កូនក្មេង​កាន់​ចានមី​ដ៏​គួរ​ឲ្យ​ស្រឡាញ់​ហាង​ដែល​មាន​តុបតែង​ផ្នែក​ខាង​ក្រៅ​ពណ៌​ក្រហម​ស្រស់​នោះ​មាន​ឈ្មោះ​ល្បី​ត្រង់​ថា​មី​របស់​វា​មាន​សរសៃ​ស្ដើង​រីឯ​ទឹកស៊ុប​វិញ​ត្រូវ​បាន​រម្ងាស់​ពី​ឆ្អឹង​ជ្រូក​ដោយ​ប្រើ​រយៈពេល​ច្រើន​ម៉ោង។

បើ​ទោះ​ជា​ស្លាក​យីហោ Ajisen Ramen ដែល​ហាក់​សំដៅ​លើ​មី​ក៏​ពិត​មែន​ប៉ុន្តែ​ហាង​នេះ​មាន​បម្រើ​ម្ហូប​អាហារ​ប្លែកៗ​ជាច្រើន​ទៀត។

ក្រៅពី​មី​ជប៉ុន​ទឹកស៊ុប​ឆ្អឹង​ជ្រូក​ក្នុង​​នោះ​ក៏​មាន​បាយ​ភីហ្សា​រសជាតិ​ជប៉ុន​កម្ដៅ​ដោយ​បន្ទះ​ដែក​មូល​ដែល​មាន​សាច់​មាន់​ឈីស ប៉េងប៉ោះ ស្លឹកខ្ទឹម និង​គ្រឿងផ្សំ​ជាច្រើន​ធ្វើឲ្យ​រសជាតិ​របស់​វា​រឹត​តែ​ប្លែក។ ពិសេស​នោះ​គឺ​ការ​ប្រើ​បាយ​ជំនួស​សម្បក​ម្សៅ។

សព្វថ្ងៃ​ហាង Ajisen Ramen បាន​ពង្រីក​ខ្លួន​ ៧០០ ​ហាង​ជុំវិញ​ពិភពលោក​ដោយ​នៅ​រាជធានី​ភ្នំពេញ ហាង​នេះ​ស្ថិត​នៅ​ផ្ទះ​លេខ​ ៧៨៩ តាម​បណ្ដោយ​ផ្លូវ​លេខ​ ១២៨ ៕

អត្ថបទគួរចាប់អារម្មណ៍