The Phnom Penh Post Search

Search form

Logo of Phnom Penh Post newspaper Phnom Penh Post - ភ្លក្ស​សង្វាក់​ដាក់កូន​ឈ្នាង​នៅ​ហាង 123 Pig ទី​កន្លែង​មាន​ផា​សុកភាព​




ភ្លក្ស​សង្វាក់​ដាក់កូន​ឈ្នាង​នៅ​ហាង 123 Pig ទី​កន្លែង​មាន​ផា​សុកភាព​

Content image - Phnom Penh Post
​ណែម​អាំង​ញ៉ាំ​ជាមួយ​នំ​បញ្ចុក និង​បន្លែ​អន្លក់​ដាក់​ក្នុង​កូន​ឈ្នាង​​​។ ឈឹម ស្រីនាង

ភ្លក្ស​សង្វាក់​ដាក់កូន​ឈ្នាង​នៅ​ហាង 123 Pig ទី​កន្លែង​មាន​ផា​សុកភាព​

ភ្នំពេញ: ហាង​តូចមួយ​ដែលមាន​យីហោ​ថា 123 Pig ជាហាង​លក់​ចំណីអាហារ​ មាន​ការច្នៃ​តុបតែង​បែប​ខ្មែរ​សម័យ​ទំនើប មាន​ទីតាំង​ស្ថិតនៅ​ផ្លូវ ១២៣ ហួស​វិទ្យាល័យ​ទួលទំពូង​បន្តិច។

ម្ចាស់​ហាងបាន​ច្នៃ​ផ្ទះ​ខ្មែរ​ម៉ូដចាស់​ឲ្យ​មាន​លក្ខណៈ​ជាខ្មែរ​នាសម័យ​ទំនើប​ ជាមួយ​ឈើ​មូល​តូចៗ​តម្រៀប​ជាជញ្ជំង។

ក្រៅពី​ល្បីបាញ់​ហយ​ដាក់កូន​ឈ្នាង ហាង​នេះ​ក៏មាន​លក់​នូវ​សង្វាក់ដែល​ជាប្រភេទ​សាច់​ត្រីស្រស់​បុកលាយ​គ្នា​ជាមួយ​រំដេង ខ្ទឹមស អំបិល​ ស្ករ និង​ម្ទេស​បង្កប់​ក្នុង​សាច់ត្រី ហើយ​ត្រូវបាន​គេខ្ចប់​វា​ដោយ​ស្លឹកចេក ហើយ​ផ្អាប់វា​ទុក​រយៈពេល ប្រមាណ​ជា ២ ថ្ងៃ។

សង្វាក់​ខុសពី​ណែម​បន្តិច​ត្រង់​ថា គេយក​វា​មក​អាំង ឬចំហុយ​មុន​បរិភោគ​ខណៈ​ដែល​ណែមគេ​ច្រើន​បកញ៉ាំ​ឆៅ​តែម្ដង។ជាទូទៅ ​សង្វាក់ គេច្រើន​ញ៉ាំ​ជាមួយ​នំ​បញ្ចុក បន្លែ​អន្លក់ដូច​ជា សាលាដ ជីរ​គ្រប់មុខ ត្រសក់ ស្លឹក​ស្បៃរឿង ស្ពៃក្តោប និង​ស្លឹ​ក​ជម្ពូ ជាដើម ដោយ​ជ្រលក់​ជាមួយ​ទឹកត្រី​ផ្អែម។

នៅហាង 123 Pig សង្វាក់​មួយ​ឈុត​មានតម្លៃ ៧០០០ រៀល​ដែល​អាច​ញ៉ាំ​មួយ​ចម្អែត​មនុស្ស​ម្នាក់​បាន៕​

អត្ថបទគួរចាប់អារម្មណ៍