The Phnom Penh Post Search

Search form

Logo of Phnom Penh Post newspaper Phnom Penh Post - ភ្លក្ស​ស៊ុប​ផ្សិត​ធម្មជាតិ​នៅ​ភោជនីយដ្ឋាន​អេស៊ីម៉ា

ភ្លក្ស​ស៊ុប​ផ្សិត​ធម្មជាតិ​នៅ​ភោជនីយដ្ឋាន​អេស៊ីម៉ា

ភ្លក្ស​ស៊ុប​ផ្សិត​ធម្មជាតិ​នៅ​ភោជនីយដ្ឋាន​អេស៊ីម៉ា

130709_22a
ឈុតស៊ុបផ្សិតធម្មជាតិនៅភោជនីយដ្ឋានអេស៊ីម៉ា បណ្ដោយមហាវិថីព្រះមុនីវង្ស ឈឹម ស្រីនាង

ភ្នំពេញ : បច្ចុប្បន្ន ការ​ធាត់​ឡើង​ទម្ងន់​គឺជា​សត្រូវ​ដ៏​ធំ​នៃ​រូបសម្បត្តិ​របស់​មនុស្ស​យើង មិន​ថា​បុរស​ឬ​ស្ត្រី​ឡើយ។ ដូច្នេះ​ហើយ​បាន​ជា​របបអាហារ​បន្លែ និង​ផ្សិត​ត្រូវ​បាន​អ្នក​ថែ​រាង​ជាច្រើន​ងាក​មក​ចាប់​អារម្មណ៍។ ជាង​នេះ​ទៅ​ទៀត ប្រភេទ​ផ្សិត​ខ្លះ​ក្រៅ​ពី​មាន​គុណប្រយោជន៍​ចំពោះ​សុខភាព វា​ថែម​ទាំង​មាន​រសជាតិ​ឆ្ងាញ់ អាច​ញ៉ាំ​ជំនួស​សាច់​ថែម​ទៀត​ផង។

ខុស​ប្លែក​ពី​សូគីស៊ុប និង​ស៊ុប​ឆ្នាំងដី​ដែល​មាន​លក់​ព្រោងព្រាត​នៅ​រាជធានី​ភ្នំពេញ ស៊ុប​ផ្សិត​ពិសេស​ពី​ភោជនីយដ្ឋាន​អេស៊ីម៉ា​ទើប​នឹង​បើក​ថ្មី​នេះ​ផ្សំ​ឡើង​ដោយ​ផ្សិត​គ្រប់​ប្រភេទ។

គ្រឿងផ្សំ​របស់​ផ្សិត​មួយ​មុខ​នេះ​រួម​មាន មាន់ខ្មៅ សាច់គោ​អូស្ត្រាលី ផ្សិតសមុទ្រ ផ្សិត​រសជាតិ​ក្ដាម ផ្សិតម្ជុល ស្ពៃក្ដោប​ចិន ស្លឹកតាំងអោ ផ្សិតឈើ​និង​បន្លែបង្ការ​ជាច្រើន​មុខ​ទៀត។

សេវាកម្ម​ដែល​ខុស​ប្លែក​ពី​ភោជនីយដ្ឋាន​លក់​ស៊ុប​ដទៃ​ទៀត​នោះ​គឺ នៅ​ពេល​ចាប់​ផ្ដើម​ទទួលទាន បុគ្គលិក​បម្រើ​ការ​នឹង​រត់​មក​ដួស​ស៊ុប និង​គ្រឿងផ្សំ​ដាក់​ចាន​តាម​លំដាប់លំដោយ​ឲ្យ​ភ្ញៀវ​អាច​ទទួលទាន​ក្នុង​បរិយាកាស​ស្រស់ស្រាយ​ក្នុង​បន្ទប់​មាន​ផ្ទាំង​រូបភាព​ផ្សិត បន្លែ និង​អំពូល​ចង្កៀង​ដ៏​ស្រទន់​ផង​ដែរ។

Content image - Phnom Penh Post

សម្រាប់​ភ្ញៀវ​២​នាក់ ឈុត​ស៊ុប​អាហារ​ពេល​ថ្ងៃ​នេះ​មាន​តម្លៃ​៣១​ដុល្លារ។ សម្រាប់​អតិថិជន​ទៅ​ជា​ក្រុម​៤​នាក់​ឈុត​ស៊ុប​នេះ​មាន​តម្លៃ​៥០,៩៥​ដុល្លារ ៦​នាក់​មាន​តម្លៃ​៧៧​,៩០​ដុល្លារ ៨​នាក់​តម្លៃ​១២១​ដុល្លារ ១២​នាក់​តម្លៃ​១៧៣​ដុល្លារ និង​១៦​នាក់ តម្លៃ​២២៧,៤០​ដុល្លារ។

សម្រាប់​ឈុត​ស៊ុប​វិញ​មាន​បួន​បែប​គឺ ស៊ុបប៉ូវ ស៊ុបហឹរ ស៊ុបបួស និង​ស៊ុបពិសេស​ដែល​សុទ្ធសឹង​មិន​ប្រើ​ប៊ីចេង​។ ក្នុង​ឈុត​នីមួយ​ៗ​សម្បូរ​ទៅ​ដោយ​បន្លែ និង​ផ្សិត​រួម​ទាំង​សាច់​សត្វ​ដូចជា មាន់ខ្មៅ ព្រាប កន្ធាយ សាច់គោ​អាមេរិក សាច់គោ​អូស្ត្រាលី​អន្ទង់ចិន ត្រីសាល់ម៉ុន ផ្ទី ភ្លៅ​កង្កែប តាំងអោ។ល។ ផ្សិត​មួយ​ចំនួន​ជា​ពពួក​កម្រ ដែល​ដុះ​នៅ​លើ​ភ្នំ​កម្ពស់​៣៥០០​ម៉ែត្រ ក្នុង​សីតុណ្ហភាព​៣០ អង្សា​ក្រោម​សូន្យ​នៅ​ជប៉ុន កូរ៉េ និង​ចិន​។

ភោជនីយដ្ឋាន​ដែល​ប្រកាន់​ខ្ជាប់​នូវ​គោលការណ៍ «អាហារ​ដើម្បី​សុខភាព និង​សម្ផស្ស​» និង​មាន​សាខា​នៅ​បណ្ដា​ប្រទេស​អាស៊ី​មួយ​នេះ ក៏​មាន​ផ្ដល់​នូវ​ឈុត​អាហារ​ថ្ងៃត្រង់ រួម​មាន​បាយ អន្ទង់​អាំង ត្រី​សាល់ម៉ុន​អាំង ឆា​ផ្សិត​ចម្រុះ និង​ស៊ុប​ផ្សិត​ផង​ដែរ។

ភោជនីយដ្ឋាន​អេស៊ីម៉ា ក៏​មាន​បន្ទប់​វីអាយភី​សម្រាប់​មនុស្ស​៣០​នាក់​។ សម្រាប់​ព័ត៌មាន​បន្ថែម​សូម​ទាក់ទង​អេស៊ីម៉ា តាមរយៈ​លេខ ០២៣ ៨០១ ២២២ និង​អ៊ីមែល reservation@ashimacambodia.com

អត្ថបទគួរចាប់អារម្មណ៍