The Phnom Penh Post Search

Search form




Logo of Phnom Penh Post newspaper Phnom Penh Post - ភ្លាក្ដាម​កញ្ឆែត ​ម្ទេស​ឆ្អិនឆ្អៅ ​ហឹរព្រឺ​សម្បុរ​ពីហាង​តារា​ល្បី វីជេ អាណូ




ភ្លាក្ដាម​កញ្ឆែត ​ម្ទេស​ឆ្អិនឆ្អៅ ​ហឹរព្រឺ​សម្បុរ​ពីហាង​តារា​ល្បី វីជេ អាណូ

Content image - Phnom Penh Post
ភ្លាក្ដាម​កញ្ឆែត​រសជាតិ​ឆ្ងាញ់ប្លែក​ពីហាង Christian បាយសាច់ជ្រូក​។ ហុង មិនា

ភ្លាក្ដាម​កញ្ឆែត ​ម្ទេស​ឆ្អិនឆ្អៅ ​ហឹរព្រឺ​សម្បុរ​ពីហាង​តារា​ល្បី វីជេ អាណូ

ភ្នំពេញ: បន្ថែម​ពីលើ​របរ​លក់បាយ​សាច់ជ្រូក​អាំង Christian ដែល​មានការ​កុម្ម៉ង់​យ៉ាង​គគ្រឹកគ​គ្រេង​តាម​អនឡាញ​ពីសំណាក់​មិត្តភក្ដិ​រួម​អាជីព​សិល្បៈ និង​មហាជន​ទូទៅ​នោះ តារា​ម៉ូដែល និង​ពិធី​ការិនី កញ្ញា សួន ភក្ដី ហៅ វី​ជេ អា​ណូ ក៏ទទួល​សំណូមពរ​ឲ្យនាង​បើកហាង។

ឆ្លើយតប​នឹង​ការទទូច​របស់​ប្រិយមិត្ត ឥឡូវនេះ​កញ្ញា​បានសម្រេច​ចិត្ត​បើកហាង​ខ្នាត​មធ្យម​មួយ​ស្ថិតនៅ​ផ្លូវ ២៤៦ ក្រោយ​រដ្ឋសភា​ចាស់។ ហាង​ថ្មីនេះ​មានលក់​នូវម្ហូប​បន្ថែម​ជាច្រើន​មុខ​ដូចជា ជើងមាន់​ប្រឡាក់​អំបិលម្ទេស​អាំង កង្កែប​ប្រឡាក់​ទឹក​ប្រេងខ្យង​អំបិលម្ទេស​អាំង ភ្លាក្តាម​សេះ​ហឹរហោះ ងាវ​ក្រឡុក​ហឹរ នំបញ្ចុក​សម្លខ្មែរ និង​ម្ហូប​ប្លែកមាត់​ជាច្រើន​មុខទៀត។

ក្នុងចំណោម​ម្ហូប​ទាំងនោះ ភ្លាក្ដាម​កញ្ឆែត ដែល​ត្រូវបាន​តារា​ស្រី​រូបនេះ​ថតរូប​បង្ហាញ​តាមបណ្ដាញ​សង្គមនោះ ទទួលបាន​ការចាប់អារម្មណ៍​ជាខ្លាំង។ សម្រាប់​អ្នក​និយម​ញ៉ាំហឹរ គ្រាន់តែ​ឃើញ​រូបភាព​នេះភ្លាម​គឺគួរ​ឲ្យចង់​ស្រក់ទឹកមាត់​តែម្ដង។

ក្ដាមសេះ​ស្រស់​សម្បុរខៀវ​ស្រស់ៗ​បន្លែ​កញ្ឆែត​បៃតងខ្ចី និងម្ទេស​ក្រហម​ឆ្អិនឆ្អៅ ស្រូប​ទឹកត្រី​រសជាតិ​ជូរឯម​ប្រៃតិចៗ មើលទៅ​គួរ​ឲ្យចង់​ទទួលទាន​តែម្ដង។ យ៉ាងណាមិញ សម្រាប់​អ្នកដែល​មិនសូវ​ចេះ​ហឹរ គួរតែ​កុម្ម៉ង់​ចុងភៅ​ឲ្យបន្ថយ​ម្ទេសបន្តិច។

ភ្លាក្ដាម​កញ្ឆែត​នេះ ចានតូច​មានតម្លៃ ៣ ដុល្លារ និង​ចានធំ ៥ ដុល្លារ។ ទំនាក់ទំនង​ទូរស័ព្ទ​លេខ ០១៧ ៤៣៣ ២៧៩៕

អត្ថបទគួរចាប់អារម្មណ៍