The Phnom Penh Post Search

Search form




Logo of Phnom Penh Post newspaper Phnom Penh Post - មាន់​អាំង​ស្រុកពួក ល្បី​តាំងពី​សៀមរាប​មកដល់​ភ្នំពេញ




មាន់​អាំង​ស្រុកពួក ល្បី​តាំងពី​សៀមរាប​មកដល់​ភ្នំពេញ

Content image - Phnom Penh Post
មាន់អាំង​ស្រុកពួក​អម​ដោយបន្លែ​ផ្ទាប់ និង​ទឹក​ជ្រលក់ ៤ រសជាតិ​​​។ ហុង មិនា

មាន់​អាំង​ស្រុកពួក ល្បី​តាំងពី​សៀមរាប​មកដល់​ភ្នំពេញ

ភ្នំពេញ: ចង់ញ៉ាំ​មាន់អាំង​ស្រុក​ពួក (មាន់ពួក) ដែលល្បី​នៅ​ទឹកដី​ខេត្ត​សៀមរាប មិនចាំបាច់​ធ្វើដំណើរ​ឆ្ងាយទេ។

ឥឡូវនេះ អ្នក​ដែល​នឹកនា​រសជាតិ​មាន់ពួក អាចមក​កាន់​ភោជនីយដ្ឋាន Best Food ទាំងពីរ​សាខា នៅ​រាជធានី​ភ្នំពេញ។

អ្នកលក់​វ័យក្មេង សុទ្ធ វិបុត្រ ដែល​កំពុង​ឈរ​គិតលុយ​ភ្ញៀវ​បណ្តើរ លើក​ម្ហូបឲ្យ​ភ្ញៀវ​បណ្តើរ​យ៉ាង​ញាប់​ដៃជើង បាន​និយាយ​ទាំង​ទឹកមុខ​អឹមអៀន​ថា៖ «មុន​ដំបូង​ឡើយ​គឺខ្ញុំ​គ្រាន់តែ​បើកហាង​លក់​ស៊ុបក្អម​ធម្មតា​នៅ​សន្ធរម៉ុក​តែប៉ុណ្ណោះ បន្ទាប់មក​មិត្តភក្តិ​ចេះតែ​ផ្តល់យោបល់​ឲ្យបន្ថែម​នូវ​មុខម្ហូប​ប្លែក។ ខ្ញុំក៏​សម្រេចចិត្ត​ទៅ​រៀនធ្វើ​មុខម្ហូប​ថ្មី​បន្ថែម​គឺរបៀប​ធ្វើ​មាន់ពួក ដែលជា​មុខម្ហូប​ពិសេស​និងល្បី​នៅ​ខេត្ត​សៀមរាប​​តែម្តង។ ខ្ញុំ​រៀន​តាំងពី​របៀបធ្វើ​គ្រឿងផ្សំ របៀប​អាំង​យ៉ាងម៉េច​ដើម្បី​ឲ្យមាន​រសជាតិ​ឆ្ងាញ់​ដូច​រសជាតិ​ម្ចាស់​ដើម​អ៊ីចឹង»។

លោក វិបុត្រ បាន​បើកហាង Best Food នេះ​អស់​រយៈពេល​ជិត ១ ឆ្នាំ​មកហើយ ដោយ​ដំបូង​ឡើយ​ហាងនេះ​មានឈ្មោះ​ល្បីខ្លាំង​ហាង​ស៊ុបក្អម បន្ទាប់មក​គឺមាន់​ពួកនេះ​តែម្តង។ ក្នុងមួយថ្ងៃ​លោក វិបុត្រ អាច​លក់បាន ៣០ ទៅ ៤០ ក្បាល។ ដោយសារតែ​មានការ​កុម្ម៉ង់​ច្រើន អ៊ីចឹង​ភ្ញៀវខ្លះ​គាត់អាច​រង់ចាំ​បន្តិច ឬត្រូវ​កុម្ម៉ង់​អាហារ​ផ្សេងមក​ញ៉ាំ​ដូចជា មីតុមយ៉ាំ​ដាក់ក្នុង​ឆ្នាំងដី មក​ទទួលទាន​កំដរ​ចាំមាន់​ឆ្អិន។

លោក វិបុត្រ បាន​បន្តថា៖ «សម្រាប់​មាន់​ពួក​ដែល​ដាក់ក្នុង​ចង្អេរ​ទ្រាប់​ស្លឹកឈូក​អមដោយ​ទឹកជ្រលក់ ៤ ប្រភេទ​គឺ​ជ្រក់ស្វាយ អំពិល​ខ្ចីបុក ទឹកម្ទេស​ខៀវ និងទឹក​ក្រសាំង។ មាន់ពួក​មួយ​តម្លៃ ៤៥០០០ រៀលនេះ​ភ្ញៀវ​អាច​ញ៉ាំ​បានគ្នា ៤ ទៅ ៥ នាក់។

ហាង Best Food មានពីរ​សាខាទី ១ នៅផ្លូវ​លេខ ១២២ សន្ធរម៉ុក ខាងក្រោយ Tous Les Jours កម្ពុជា​ក្រោម និង​សាខាទី ២ នៅ​ផ្សារ​ទំនើបអ៊ី​អន ក្បែរ​ការ៉េម​តូតូ ទូរស័ព្ទ​លេខ ០៩៨ ៨០៩ ៧៨៩៕

អត្ថបទគួរចាប់អារម្មណ៍