The Phnom Penh Post Search

Search form

មីគីមឈី រសជាតិ​ថ្មី​ប្លែក​មាត់​ពី King Pot ម្ដុំ​សន្ធរម៉ុក

Content image - Phnom Penh Post
ទិដ្ឋភាព​ដ៏​អ៊ូអរ​នៅ​ហាង King Pot​ ដែល​មាន​កន្លែង​ផាសុកភាព​ ​និង​អាហារ​ឆ្ងាញ់ៗ​តម្លៃពី ២ ទៅ ៤ ដុល្លារ​​។ ហុង មិនា

មីគីមឈី រសជាតិ​ថ្មី​ប្លែក​មាត់​ពី King Pot ម្ដុំ​សន្ធរម៉ុក

ភ្នំពេញ: នៅម្តុំ​សាលា​សន្ធរម៉ុក អ្នកណាៗ​ក៏ស្គាល់​ស៊ុប King Pot ដែល​មាន​ឈ្មោះ​ល្បី​ខ្លាំង​ជាមួយ​រសជាតិ​មីស៊ុប​ជាច្រើន​ដែល​សរសៃ​ត្រូវបាន​វ៉ៃ​ម្សៅ​ផលិត​ភ្លាមៗ​តែម្ដង។

ខណៈ​កំពុង​មាន​ហាង​លក់មី​ជាច្រើន​បាន​ប្រើប្រាស់​មីកញ្ចប់​មក​ចម្អិន ហាង​ស៊ុប King Pot ត្រូវបាន​បង្កើត​ដោយ​លោក ម៊ឹង ធារ៉ា ដែល​ជាអ្នក​ចូលចិត្ត​ដើរលេង​ភ្លក្ស​ម្ហូប​ឆ្ងាញ់ៗ​តាម​បណ្តា​ប្រទេស​នានា រួចក៏​បែក​គំនិត​បើក​ហាង​ខ្លួនឯង ជាមួយ​ចំណេះ​ខាង​ចម្អិន​ម្ហូប​ដែល​ខ្លួន​រៀន​ពីចុងភៅ​ជនជាតិ​កូរ៉េ​ផ្ទាល់​តែម្តង។

លក្ខណពិសេស​របស់​ហាង King Pot គឺ​សរសៃ​មី​ត្រូវបាន​ធ្វើ​ភ្លាមៗ​ដោយ​មិន​ប្រើប្រាស់​មីកញ្ចប់​ដូច​ហាង​ដទៃទៀត​ឡើយ។

ក្នុងចំណោម​អាហារ​ប្រចាំ​ហាង ក្រៅពី​មីតុម​យ៉ាំ​គ្រឿង​សមុទ្រ មីគីមឈី ក៏​ទទួល​បានការ​និយម​កុម្ម៉ង់​ផងដែរ។ មីមួយ​ឆ្នាំងធំ​ដែល​មាន​តម្លៃ ប្រមាណ​ជា ៤ ដុល្លារ មានទឹក​ស៊ុបហឹរ​បែប​កូរ៉េ សរសៃ​មីទន់​ស្វិត​ល្អ បង្គា​ស្រស់ លៀស​សមុទ្រ មឹក ផ្សិត ប្រហិត តៅហ៊ូ និង​គឹម​ឈី។

មួយ​កូន​ឆ្នាំង​នេះ​មាន​បរិមាណ​ច្រើន ដែល​សម្រាប់​អ្នក​ញ៉ាំ​ច្រើន គឺ​ឆ្អែត​ពោះ​តែម្ដង។

ចង់ដឹងថា មី​គឹមឈី​នេះ​ឆ្ងាញ់​ប្លែក​ប៉ុនណា អាច​សាកល្បង​ញ៉ាំ​ផ្ទាល់​នៅ​ភោជនីយដ្ឋាន King Pot ស្ថិត​នៅ​ផ្លូវ ២៥៧ ជិត​សាលា​សន្ធរម៉ុក ទូរស័ព្ទ​លេខ ០១១ ៦២ ៤៩ ៥៥៕

Content image - Phnom Penh Post

អត្ថបទគួរចាប់អារម្មណ៍

  • សណ្ឋាគារ​ប្រណីត​នៅ​កោះរ៉ុង បើក​ជា​ផ្លូវការ

    ភ្នំពេញៈ សណ្ឋាគារ​ដ៏ប្រណីត Royal Sands នៅលើ​កោះរ៉ុង​របស់​លោក គិត ម៉េង បាន​បើក​ដំណើរការ​ជា​ផ្លូវការ​កាលពី​ថ្ងៃ​ម្សិលមិញ ដែល​គេ​រំពឹង​ថា​នឹង​ទាក់ទាញ​ភ្ញៀវទេសចរ​កាន់តែ​ច្រើន​។

  • ដំរី​ដែល​ចូល​ចម្ការ​អ្នក​ភូមិ​បាន​គេច​ទៅ​ភ្នំ​ដងរែក

    ឧត្តរមានជ័យៈ ក្រុម​មន្ត្រី​បាន​និយាយ​ថា​សត្វ​ដំរី​ញី​មួយ​ក្បាល​ដែល​បាន​ចូល​លុកលុយ​ក្នុង​ចម្ការ​អ្នកភូមិ​រំដួល​ចាស់ ឃុំ​អម្ពិល ស្រុក​បន្ទាយ​អម្ពិល ខេត្ត​ឧត្តរមានជ័យ​កាលពី​ព្រឹក​ថ្ងៃ​អាទិត្យ​នោះ​បាន​គេច​ខ្លួន​ចូល​ទៅ​ក្នុង​តំបន់​ជួរ​ភ្នំ​ដងរែក​វិញ​ហើយ ខណៈ​ដែល​ក្រុម​មន្ត្រី​ជំនាញ​បរិស្ថាន និង​អាជ្ញាធរ​កំពុង​បន្ត​ឃ្លាំ​មើល​ពី​ដំណើរ​របស់​វា​។

  • ព្រះមហាក្សត្រ​អំពាវនាវ​ឲ្យ​ធានា​ការពារ​យុត្តិធម៌​ និង គោរព​សិទ្ធិ​មនុស្ស

    ភ្នំពេញៈ ក្រោយពី​ឈ្នះ​អាសនៈ​ទាំង​ ៥៨ ដោយ​មិន​មាន​អតីត​បក្ស​សង្គ្រោះ​ជាតិ​ដែល​ជា​គូប្រកួត​ដ៏ស័ក្តិសម​នឹង​គ្នា​សម្រាប់​ការបោះឆ្នោត​ព្រឹទ្ធសភា​ពី​ខែ​កុម្ភៈ គណបក្ស​កាន់​អំណាច​ដែល​ទទួល​ជ័យជម្នះ​បាន​បន្ត​គ្រប់គ្រង​ស្ថាប័ន​នីតិប្បញ្ញត្តិ​ជាថ្មី​ដោយ​បើក​សម័យប្រជុំ​លើក​ដំបូង នីតិកាល​ទី​ ៤ ​នៃ​ព្រឹទ្ធសភា​ពី​ម្សិលមិញ​ក្រោម​ព្រះរាជាធិបតីភាព​ព្រះមហាក្សត្រ​ព្រះបាទ​សម្តេច​ព្រះនរោត្តម សីហមុនី ដែល​ព្រះអង្គ​អំពាវនាវ​ឲ្យ​មាន​ការធានា​ការពារ​យុត្តិធម៌ និង​គោរព​សិទ្ធិ​មនុស្ស និង​រួម​សាមគ្គី​គ្នា​ជា​ធ្លុង​មួយ​។

  • នាយក​រដ្ឋមន្ត្រី​បញ្ជា​ឲ្យ​ដកហូត​កោះ​ ៣០ ​មក​វិញ និង​ឲ្យ​ពិនិត្យ​អ្នក​នៅ​ពី​ក្រោយ​ការទន្ទ្រាន​យក​ដី

    ព្រះសីហនុៈ លោក​នាយករដ្ឋមន្ត្រី ហ៊ុន សែន បាន​បញ្ជា​ឲ្យ​ដកហូត​កោះ​ដែល​មិន​បាន​អភិវឌ្ឍ​ប្រមាណ​ ៣០ ​មក​វិញ​ ខណៈ​អត្តសញ្ញាណ​របស់​ម្ចាស់​ក្បាល​ដី​ចំនួន​ ៥៨៤ ​ដែល​មាន​ទាំង​មន្ត្រី​មាន​អំណាច​កំពុង​ត្រូវបាន​ពិនិត្យ​រឿង​នៅ​ពី​ក្រោយ​ខ្នង​ការកាប់​ទន្ទ្រាន​យក​ដី​ដ៏ក្តៅគគុក​នៅ​កោះរ៉ុង ហើយ​មន្ត្រី​ជាន់ខ្ពស់​ខ្លះ​នឹង​មិន​ត្រូវ​ឲ្យ​ចូលរួម​បង្កើត​រដ្ឋាភិបាល​ថ្មី​នៅ​​អាណត្តិ​ក្រោយ​ឡើយ​។