The Phnom Penh Post Search

Search form




Logo of Phnom Penh Post newspaper Phnom Penh Post - មីបុក​ពោះគោ​ទឹកប្រហុក The Snack រំឭក​អនុស្សាវរីយ៍​គ្រា​យុវវ័យ




មីបុក​ពោះគោ​ទឹកប្រហុក The Snack រំឭក​អនុស្សាវរីយ៍​គ្រា​យុវវ័យ

Content image - Phnom Penh Post
មីបុក​ពោះគោទឹក​ប្រហុក​តម្លៃ ៩០០០ រៀល​នៅហាង The Snack។ រូប សហការី

មីបុក​ពោះគោ​ទឹកប្រហុក The Snack រំឭក​អនុស្សាវរីយ៍​គ្រា​យុវវ័យ

ភ្នំពេញ: យុវវ័យ គឺជា​វេលា​ដ៏ស្រស់​បំព្រង និង​គួរឲ្យ​ចងចាំ​ក្នុងឆាកជីវិត​មនុស្ស​គ្រប់រូប។

មិន​ត្រឹមតែ​ប៉ុណ្ណោះ អាហារ​ដែល​ធ្លាប់​ញ៉ាំ​គ្រានៅ​រៀន​វិទ្យាល័យ ក៏​តែងតែ​ធ្វើឲ្យ​យើង​នឹកភ្នក​ចង់​ញ៉ាំ​ម្ដងទៀត​ផងដែរ។ សម្រាប់​អ្នក​ដែល​នឹកនា​ដល់​អនុស្សាវរីយ៍​គ្រា​ជា​យុវវ័យ ហាង The Snack ជាកន្លែង​ដែលមាន​លក់នូវ​ចំណីចំណុក​បែប​នោះ។

ម្ចាស់​ហាង លោក មាស ម៉ែន បាន​និយាយថា៖ «ហាង The Snack ជាហាង​អាហារ​សម្រន់ ដែល​យើង​ញ៉ាំ​នៅតាម​ផ្លូវ តាម​សាលារៀន​អីហ្នឹង ដោយ​យើងធ្វើ​ឡើងវិញ​យ៉ាង​មាន​អនាម័យ ដើម្បី​បំពេញ​តម្រូវការ​អតិថិជន​សម័យថ្មី និង​អតិថិជន​ដែល​គាត់ធ្លាប់​ញ៉ាំ​ពីមុន ហើយ​ពិបាក​រកកន្លែង​ញ៉ាំ​បែបនេះ»។

នៅហាង​មាន​លក់នូវ មីបុក​ខ្យង នំបញ្ចុក​ពោះគោ​ទឹកប្រហុក បុកល្ហុង​ខ្យង ខ្យង​ទឹកប្រហុក ខ្យង​ឆាម្រះព្រៅ ក្ដាម​លីង កង្កែប​បំពង​ស្លឹកគ្រៃ សាច់គោ​អាំង​ស្នៀតពោត ព្រុយ​ត្រីសាល់ម៉ុន​អាំង​អំបិលម្ទេស សាច់គោ​អាំង​ជាប់ខ្លាញ់​ទឹកប្រហុក ប្រហិត​ចៀន​ទឹកសៀង ទឹកកក​ឈូស ងាវ​ស្រុស និង​បុកល្ហុង​ជាដើម។ ក្នុង​រូបភាព​គឺជា​មីបុក​មាន​ត្រកួន ល្ហុង ជីរ សណ្ដែកកួរ ស្លឹកគ្រៃ និង​ពោះគោ​ស្រូបទឹក​ប្រហុក តម្លៃ ៩ ពាន់រៀល។

ហាង The Snack ដែល​បើក​ដំណើរការ​តាំងពី​ឆ្នាំ ២០១៥ សព្វថ្ងៃ​មាន​សាខា​នៅ​បាត់ដំបង សៀមរាប និង​រាជធានី​ភ្នំពេញ​ចំនួន ២ កន្លែង គឺម្ដុំ​ទួលស្លែង និង​ព្រះយុគន្ធរ ទូរស័ព្ទ​លេខ ០១០ ៨៣៨ ០១០៕

អត្ថបទគួរចាប់អារម្មណ៍