The Phnom Penh Post Search

Search form




Logo of Phnom Penh Post newspaper Phnom Penh Post - មី​ផាក់ឡូវ​ទា ១២០០០ រៀល ពេញ​និយម​ជាងគេ​នៅ King Pot




មី​ផាក់ឡូវ​ទា ១២០០០ រៀល ពេញ​និយម​ជាងគេ​នៅ King Pot

Content image - Phnom Penh Post
មី​ផាក់ឡូវ​ទា​តម្លៃ ១២០០០ រៀល ដែល​ល្បី​នៅ​ហាង King Pot។ ហុង មិនា

មី​ផាក់ឡូវ​ទា ១២០០០ រៀល ពេញ​និយម​ជាងគេ​នៅ King Pot

ភ្នំពេញ: នៅម្តុំ​សាលា​សន្ធរម៉ុក អ្នកណាៗ​ក៏ស្គាល់​ស៊ុប King Pot ដែល​មាន​ឈ្មោះ​ល្បី​ខ្លាំង​ត្រង់​មីស៊ុប​តុមយ៉ាំ​គ្រឿង​សមុទ្រ​ដែរ។

ទាំង​រសជាតិ​ទឹក​ស៊ុប​ឆ្ងាញ់​ប្លែក​មាត់ និង​គ្រឿង​សមុទ្រ​ស្រស់ៗ​ជាពិសេស​សរសៃមី បាន​ធ្វើឲ្យ​ភ្ញៀវ​នាំគ្នា​មក​ញ៉ាំ​កកកុញ។

ហាង​ស៊ុប King Pot គឺជា​ហាង​ដែល​បង្កើត​ដោយ​យុវជន​ម្នាក់​ដែល​ចូលចិត្ត​ដើរ​ភ្លក្ស​ម្ហូប​ឆ្ងាញ់ៗ​តាម​បណ្តា​ប្រទេស​នានា រួចក៏​បែក​គំនិត​បើក​ហាង​ខ្លួនឯង ជាមួយ​ចំណេះវិជ្ជា​ខាង​ចម្អិន​ម្ហូប​ដែល​ខ្លួន​រៀនពី​ចុងភៅ​កូរ៉េ​ផ្ទាល់​តែម្តង។

លោក ម៊ឹង ធារ៉ា ម្ចាស់​ហាង King Pot និង​ជា​ចុងភៅ​បាន​និយាយ​ថា៖ «ខ្ញុំសម្រេច​បើក​ហាង​នេះ​ឡើង​និយាយ​រួមទៅ​គឺ​ស្រឡាញ់​ក្នុងការ​បង្កើត​របរ​ថ្មី ជាពិសេស​គឺចង់​បង្ហាញ​នូវ​រសជាតិ​ម្ហូប​ពិសេសៗ ​ដែល​មិនទាន់​មាន​នៅ​ស្រុក​យើង ណាមួយ​ចង់ឲ្យ​ពួកគាត់​បាន​ស្គាល់​នូវ​រសជាតិ​ស៊ុប​ពិសេស និង​សាច់មី​ដែល​ខ្ញុំធ្វើ​ដោយ​ខ្លួនឯង​ផ្ទាល់​តែម្តង។ សំខាន់​មួយ​ទៀត​គឺ​ចង់ឲ្យ​ភ្ញៀវ​គាត់​បាន​ញ៉ាំ​ឆ្ងាញ់​ជាមួយ​នឹង​កន្លែង​មាន​ផាសុកភាព និង​តម្លៃ​សមរម្យ»។

លោក​បន្តថា៖ «ថ្មីៗ​នេះ​ខ្ញុំបាន​បង្ហាញ​ម្ហូប​ថ្មី​មួយទៀត​គឺ​មីផាក់ឡូវ​ទា​ដែល​ជាម្ហូប​ពិសេស និង​កំពុង​ពេញនិយម​កុម្ម៉ង់​ពីភ្ញៀវ ដោយសារ​តែ​រសជាតិ​ផាក់ឡូវ​ទា​ឆ្ងាញ់​ប្លែក​មាត់​មិន​រងាន់់​ស៊ីគ្នា​ជាមួយ​នឹង​សាច់មី​ដែល​ធ្វើថ្មី។ សម្រាប់​មី​ផាក់ឡូវ​ទា​នេះ​មួយ​ចាន​មាន​តម្លៃ ១២០០០ រៀល»។

ភោជនីយដ្ឋាន King Pot មាន​អាសយដ្ឋាន​ស្ថិត​នៅ​ផ្លូវ ២៥៧ ជិត​សាលា​សន្ធរម៉ុក ទំនាក់​ទំនង​ទូរស័ព្ទ​លេខ ០១១ ៦២ ៤៩ ៥៥៕

អត្ថបទគួរចាប់អារម្មណ៍