The Phnom Penh Post Search

Search form

Logo of Phnom Penh Post newspaper Phnom Penh Post - មីអ៊ីតាលី​តុមយ៉ាំ​ពី Secret Recipe




មីអ៊ីតាលី​តុមយ៉ាំ​ពី Secret Recipe

Content image - Phnom Penh Post
មីអ៊ីតាលី​ឆា​ជាមួយ​គ្រឿង​តុមយ៉ាំ និង​គ្រឿង​សមុទ្រ​បែបថៃ​ឆ្ងាញ់​ប្លែក​។ ឈឹម ស្រីនាង

មីអ៊ីតាលី​តុមយ៉ាំ​ពី Secret Recipe

ភ្នំពេញ: បើកដំណើរ​ការអស់​រយៈពេល ៣ ឆ្នាំ​នៅ​កម្ពុជា Secret Recipe មិន​ត្រឹមតែ​បម្រើ​នូវម្ហូបបែប​សិង្ហបុរី និង​ម៉ាឡេស៊ី ទេ ភោជនីយដ្ឋាន ក៏​មាន​ម្ហូបបែប​អឺរ៉ុប ថៃ និង​ខ្មែរ​ផង​ដែរ។

ស្ថិត​នៅមហាវិថី​កម្ពុជា​ក្រោម ជិត​ស្ពាន​គល់ស្ពានអាកាស ៧ មករា ភោជនីយដ្ឋាន Secret Recipe ថ្ងៃ​នេះ​បាន​លើក​យក​នូវ​ម្ហូប​បែប​ច្នៃ​ប្រឌិត​ម៉្យាង គឺ​មីអ៊ីតាលី​តុមយ៉ាំ​បែប​ថៃ។

អាហារ​នេះ​ត្រូវការ​គ្រឿង​ផ្សំ​ដូចជា មីអ៊ីតាលី បង្គា មឹក ម្ទេស​ក្រៀម ជីរនាងវង ផ្សិត​ចំបើង ផ្សិត​ស គ្រឿង​តុមយ៉ាំ ស្លឹក​ខ្ទឹមត្រសក់ ម្ទេស​ស្រស់ ក្រូច​ឆ្មារ ខ្ទឹមស ប្រេង​ឆា អំបិ​ល សក្ករស និង​ម្សៅស៊ុប។

វិធីចម្អិន​ងាយៗ​ផ្ដើម​ចេញ​ពីការ​យកមីអ៊ីតាលី​ទៅស្រុស​ឲ្យឆ្អិន​ល្អ រួច​ដួស​វា​ទុក​ឲ្យ​ត្រជាក់។ ម្ទេស​ក្រៀម និងខ្ទឹម​ស​ត្រូវ​ចិញ្ច្រាំ​ឲ្យ​ម៉ដ្ឋរួចឆា​ជាមួយ​ប្រេង។

បន្ទាប់​មក​ត្រូវ​ដាក់​ម្ទេស​ស្រស់​ចិញ្ច្រាំ​បន្តិច​ចូល មុន​នឹង​បន្ថែម​ផ្សិត​ចំបើង ផ្សិត​ស និង​គ្រឿង​សមុត្រ ហើយ​ចាក់ទឹក​បន្តិច​ចូល។

ដោយ​ឡែក​គ្រឿង​តុម​យ៉ាំ​កញ្ចប់​ត្រូវ​លាយ​ជាមួយ​​ទឹក​​រួច​ច្របាច់​ក្រូច​ឆ្មារ​ អំបិល សក្ករស និង​ម្សៅស៊ុប​លាយ​ចូលគ្នា​ហើយ​កូរ​ឲ្យ​សព្វ​សាច់ រួចចាក់​ចូល​ខ្ទះ កូរ​មួយ​សន្ទុះ សឹម​ចាក់មីអ៊ី​តាលី​ចូលឆា​ឲ្យសព្វជាកាស្រេច៕

អត្ថបទគួរចាប់អារម្មណ៍