The Phnom Penh Post Search

Search form




Logo of Phnom Penh Post newspaper Phnom Penh Post - មឹកអាំង​ទឹកត្រី​កោះកុង​សំដិល​លើជីរ​ពង​ទាកូន​ពី The Street




មឹកអាំង​ទឹកត្រី​កោះកុង​សំដិល​លើជីរ​ពង​ទាកូន​ពី The Street

Content image - Phnom Penh Post
មឹក​អាំងស្រូប​ទឹកត្រី​កោះកុង​ហឹរឆ្ងាញ់​ផ្ទាប់ជីរ​ពងទាកូន​។ ឈឹម ស្រីនាង

មឹកអាំង​ទឹកត្រី​កោះកុង​សំដិល​លើជីរ​ពង​ទាកូន​ពី The Street

ភ្នំពេញ: អង្គុយ​ទទួលទាន​អាហារ​ក្នុងហាង​ដ៏តូច​ល្មម​ទំហំប៉ុន​ផ្ទះល្វែង​ក៏ពិតមែន ប៉ុន្តែអ្នក​អាចមាន​អារម្មណ៍​ស្រឡះភ្នែក បីដូចជា​កំពុង​ញ៉ាំ​អាហារ​នៅ​ទីធ្លា​ជាប់​ជញ្ជាំង​ផ្ទះ។

ជាមួយ​គំនូរ​បង្អួច​ចម្រុះ​ពណ៌ អមដោយ​បង្គោល​អំពូល​ភ្លើង​បំភ្លឺ​ថ្នល់​លក្ខណៈ​បញ្ឆោត​ភ្នែក ទាំងនេះ​គឺជា​ទិដ្ឋភាព​នៅក្នុង​អាហារដ្ឋាន The Street ស្ថិតនៅ​ផ្ទះលេខ ២០២ ផ្លូវ លេខ ១៤៣ សង្កាត់​បឹងកេងកង ។

ក្រៅពី​ការ​រចនា​តុបតែង​ហាង​ឲ្យមាន​លក្ខណៈ​ដូចជា​នៅតាម​ដងវិថី រសជាតិ​ចំណីចំណុក​លក់តាម​ចិញ្ចើមថ្នល់​ដ៏ឆ្ងាញ់​ក៏បាន​អន្ទង​ចិត្ត​មនុស្ស​គ្រប់វ័យ​ឲ្យឈប់​ម៉ូតូ​រថយន្ត​ចុះសំចត​ទទួលទាន​នៅហាង The Street នេះ​ផងដែរ។ ហាង​នេះបាន​នាំយក​រសជាតិ​អាហារ​ចិញ្ចើមថ្នល់​មក​កែច្នៃ​លក់​ប្រកប​ដោយ​អនាម័យ មាន​កន្លែង​អង្គុយ​សមរម្យ និង​ចំណត​យានជំនិះ​ងាយស្រួល​សម្រាប់​ភ្ញៀវ។

សម្រាប់​អ្នក​ដែល​បាន​ទៅដល់​ហាង The Street កុំភ្លេច​ភ្លក្ស​មឹក​អាំង​ទឹកត្រី​កោះកុង។ សាច់មឹក​ស្រស់​យកមក​អាំង​ដោយ​ប្រើ​កម្ដៅភ្លើង​ត្រឹមត្រូវ នាំមក​នូវ​រសជាតិ​ឆ្ងាញ់។

បន្ថែម​ដោយ​ទឹកត្រី​កោះកុង​រូបមន្ត​ពិសេស និង​ស្លឹកជីរ​ពង​ទាកូន​ដ៏​ឈ្ងុយ​នោះ វាពិតជា​អាហារ​សម្រន់​ជាទី​ពេញចិត្ត។

អាហារ​ផ្សេងទៀត​នៅក្នុង​ហាង​រួមមាន​កោះមាន់​ក្រឡុក​ប្រៃផ្អែម គ្រំអាំង​ខ្ទឹមក្រហម ប្រហិត​ភ្នំភ្លើង កង្កែប​អាំង​អំបិលម្ទេស សាច់គោ​រុំផ្សិត​ម្ជុល និងព្រុយ​ត្រីសាល់ម៉ុន​អាំង ជាដើម។

The Street មាន​ទូរស័ព្ទ​លេខ ០១៦ ៩៣៣ ៣៨២៕

អត្ថបទគួរចាប់អារម្មណ៍