The Phnom Penh Post Search

Search form




Logo of Phnom Penh Post newspaper Phnom Penh Post - ម៉ាំ​ឆៅ​ពោះ​តាន់​ពី​ហាង Check in នៅ​សៀម​រាប​




ម៉ាំ​ឆៅ​ពោះ​តាន់​ពី​ហាង Check in នៅ​សៀម​រាប​

Content image - Phnom Penh Post
ម្ហូប​ម៉ាំ​ឆៅពោះ​តាន់​មាន​រសជាតិ​ហឹរ​ញ៉ាំ​ហើយ​មិនចង់​ឈប់​។ ឈឹម ស្រីនាង

ម៉ាំ​ឆៅ​ពោះ​តាន់​ពី​ហាង Check in នៅ​សៀម​រាប​

សៀមរាប: ស្ថិតនៅ​តាម​បណ្តោយ​ផ្លូវ​សាលា​បញ្ញា​សាស្ត្រ​ខេត្ត​សៀមរាប ​ភោជ​នីយ​ដ្ឋាន​មួយ​រចនា​ស្អាត​ទាន់​សម័យ ស្ថិត​លើ​ផ្ទៃដី​ធំ​ទូលាយ។ អគារ​ហាង​មាន​ម៉ូដ​បែប​ជ្រុងៗ ខាង​ក្រោម​ស្ថាបនា​ពីថ្ម​លាយ​បន្ទះ​ឈើ​ខាងលើ។

នៅជំ​ហៀង​ហាង​វិញ​មាន​ដាំ​ផ្កាឈូក​រ័ត្ន​ និង​ដើម​ឈើ​ព័ទ្ធ​ជុំវិញ រំលេច​ពណ៌​បៃតង​ស្រស់ និង​មាន​កន្លែង​ទទួល​ទាន​អាហារ​នៅ​ទោង​គ្រែធំ​អាច​អង្គុយ​បាន​គ្នា​ច្រើន។

Check in គឺជា​ហាង​កាហ្វេ​ និង​ភោជនីយ​ដ្ឋាន​ដែល​មាន​ផា​សុកភាព​អាច​អង្គុយ​លម្ហែកាយ​លេង​បាន បន្ទាប់​ពីញ៉ាំ​អាហា​រថ្ងៃត្រង់​រួច។ជា​ពិសេស​សិស្ស​សាលា​ភាគច្រើន​ចូលចិត្ត​មក​ជុំគ្នា​នៅទី​នេះ​ដើម្បី​ធ្វើ​កិច្ចការ​សាលា ឬ​ណាត់​ជួប​ជុំគ្នា​ញ៉ាំ​អាហារ​រឹត​ចំណង​​មិត្ត​ភាព​ផង​ដែរ។

សម្រាប់​អ្នកធ្វើការ​វិញ​ដែល​ស្វែង​រក​អាហារ​ថ្ងៃត្រង់​បែប​ខ្មែរ ហាង Check in មាន​បម្រើ​ម្ហូប​ខ្មែរ​រសជាតិ​ដើម ចម្អិន​ភ្លាមៗ​ដោយ​ចុងភៅ​ខ្មែរ​មាន​ថ្វីដៃ​ប៉ិន​ប្រសប់។​

បើយើង​ក្រឡេក​មើលពី​ខាងក្រៅ​គឺ​គិតថា​ហាង​នេះជា​ហាង​កាហ្វេ ដែល​បម្រើ​តែ​ភេសជ្ជៈ​ និង​អាហារ​សម្រន់​ តែ​នៅពេល​ដែល​ឈាន​ជើង​ចូលទៅ​ខាងក្នុង​ហាង​ យើង​នឹងភ្ញាក់​ផ្អើលនូវ​ជម្រើស​អាហារ​ដែល​មាន​ ទាំងម្ហូប​ខ្មែរ ថៃ និងអឺ​រ៉ុប ទាំងបី​ពេល​តែម្តង។

នៅ​ពេល​ព្រឹក​ Check in មាន​បម្រើ​បាយ​ស្រូប បាយ​ឆា​ឡុក​ឡាក់ បាយ​ឆាកា​ពិក មីឆា​បន្ទះ​ដែក ប៊ឺហ្គឺរ និង​អាហារ​ជាច្រើន​ទៀត។ រីឯ​ពេលថ្ងៃ​វិញ​ជម្រើស​ម្ហូបគឺ​ច្បាស់ជា​ពេញ​ចិត្ត​អ្នក​និយម​អាហារ​ខ្មែរ។ ក្នុង​ចំណោម​ម្ហូប​ទាំង​អស់នេះ​មាំឆៅ​ពោះ​តាន់​គឺជា​មុខម្ហូប​មាន​ការពេញ​និយម​ទាំង​ភ្ញៀវ​ខេត្ត​ និង​ភ្ញៀវ​មកពី​ទីក្រុង​ដោយសារ​វាមាន​រសជាតិ​ឆ្ងាញ់​ហឹរជាប់​មាត់់។

ម៉ាំឆៅ​ពោះ​តាន់​មួយចាន​តម្លៃ ១៦០០០ រៀល​ ត្រី​សណ្តាយ​ចៀន​គ្រឿង ១៤០០០ រៀល សម្លរ​ខ្ទិះគម​ដូង​ មានតម្លៃ ១៦០០០ រៀល។

ហាង Check in ស្ថិតនៅ​ខាង​កើត​សាលា​បញ្ញា​សាស្ត្រ ២០០ ម៉ែត្រ​ក្នុង​ភូមិ​វត្តបូព៌ ទូរស័ព្ទ ០៩៨​ ៧៧៦ ៧៧៧,០១៥ ៨៨៨ ៨៩៨៕

អត្ថបទគួរចាប់អារម្មណ៍