The Phnom Penh Post Search

Search form

Logo of Phnom Penh Post newspaper Phnom Penh Post - ម្ហូប​កម្រ​​បង្កង​ ឈូឈី​ មាននៅ​ហាង​វ័នម័រ




ម្ហូប​កម្រ​​បង្កង​ ឈូឈី​ មាននៅ​ហាង​វ័នម័រ

Content image - Phnom Penh Post
បង្កង​ឈូឈី ក្នុង​មួយ​ចាន​មាន​តម្លៃ ១៨ ដុល្លារ​។ ហុង មិនា

ម្ហូប​កម្រ​​បង្កង​ ឈូឈី​ មាននៅ​ហាង​វ័នម័រ

ភ្នំពេញ: គ្រាន់​តែឮ​ពាក្យថា ឈូឈី អ្នកខ្លះអាច​ច្រឡំថា​ជា​ឈ្មោះ​បរទេស។ ប៉ុន្តែ​តាមការ​ពិតនេះ​ជា​ឈ្មោះ​ម្ហូប​ខ្មែរ​ដែល​មាន​តាំង​ពីយូរ​លង់​ណាស់​មក​ហើយ និង​សព្វ​ថ្ងៃ​ស្ទើរ​តែ​បាត់បង់។

ឈូឈី​ ដែល​ជា​ម្ហូប​ទឹក​ខាប់​មួយ​ប្រភេទ​​ចម្អិន​ដោយ​ចៀន ឬ​បំពង មាន​ខ្ទិះដូង ស្លឹកគ្រៃ ម្ទេស និង​ខ្ទឹម​ស​នោះ មួយ​​ភ្លែត​ទៅ​ស្រដៀង​នឹង​ការី​ដែរ ប៉ុន្តែ​រសជាតិ​របស់​វា​មាន​លក្ខណៈ​ខុស​ប្លែក​ពីគ្នា​ច្រើន។

នៅ​ភោជនីយដ្ឋាន​វ័នម័រ​ម្ដុំ​ទួលគោក ម្ហូប​ឈូឈី អាច​ចម្អិន​ដោយ​ប្រើ​បង្កង ត្រី​កេស ឬ​ត្រី​ឆ្លាំង។

ភោជនីយដ្ឋាន​ដែល​គូសប្លង់​ និង​ស្ថាបនា​ដោយ​ស្នាដៃ​ស្ថាបត្យករ​ខ្មែរមួយ​នេះ​ក៏​មាន​ជម្រើស​​ម្ហូប​ខ្មែរ​ដែលមាន​អាយុកាល​យូរ​អង្វែង មានទាំង​មុខ​ម្ហូបខ្លះដែល​បម្រើជូន​សែ​រាជវង្ស​ផង​ដែរ។

សម្រាប់​ម្ហូប​បង្កង​ឈូឈី ដែល​ប្រើ​បង្កង​ទឹក​សាប​ស្រស់ៗ​មក​ចម្អិន​នេះ កម្រ​មាន​ឃើញ​ក្នុង​បញ្ជី​មុខ​ម្ហូប​របស់​ភោជនីយដ្ឋានទូទៅ​ណាស់។

បង្កង​ឈូឈី​នេះ​ក្នុង​មួយ​ចា​ន​មានតម្លៃ ១៨ ដុល្លារ​។ ក្រៅពី​បង្កង​ឈូឈី ភោជនីយដ្ឋាន​វ័នម័រ​ក៏​មាន​បម្រើម្ហូប​ដ៏​កម្រ​ជា​ច្រើនដូច​ជា​បាយក្តាំង​ណាតាំង​ ត្រី​កប់ បុក​កំពិស ប្រហុក​អាំង​ សាច់ក្រក​ឦសាន ជាដើម។

ភោជនីយដ្ឋាន វ័នម័រ ស្ថិតនៅតាមផ្លូវ ៣១៥ ក្នុង​សង្កាត់​បឹងកក់ ១ ខណ្ឌ​ទួលគោក រាជធានី​ភ្នំពេញ​៕

អត្ថបទគួរចាប់អារម្មណ៍