The Phnom Penh Post Search

Search form




Logo of Phnom Penh Post newspaper Phnom Penh Post - ម្ហូប​ស្រុកស្រែ​ផ្ទះ​ម៉ែ ឡន​ ល្បីមាន់ស្ងោរ​កាប់ ៣ កាំបិត




ម្ហូប​ស្រុកស្រែ​ផ្ទះ​ម៉ែ ឡន​ ល្បីមាន់ស្ងោរ​កាប់ ៣ កាំបិត

Content image - Phnom Penh Post
ម្ហូបស្រុកស្រែ​មានមាន់ ត្រី កង្កែប​ ពងទាស្រែ និង​បន្លែដាំ​ក្បែរផ្ទះ​។ ហុង មិនា

ម្ហូប​ស្រុកស្រែ​ផ្ទះ​ម៉ែ ឡន​ ល្បីមាន់ស្ងោរ​កាប់ ៣ កាំបិត

សៀមរាប: ស្ថិតតាម​បណ្តោយ​ផ្លូវជាតិ​លេខ៦ ឆ្ពោះទៅ​ប៉ោយប៉ែត ភូមិជ័យ ឃុំ​ទឹកវិល ខេត្ត​សៀមរាប កន្លែង​ទទួលទាន​អាហារ «ផ្ទះ​ម៉ែឡន» មាន​ក្យូស​ប្រក់ស្បូវ​បីបួន ព័ទ្ធ​ដោយ​កម្រាលព្រំ​បៃតង សំណាប​ដុះពណ៌​ខៀវខ្ចី ហើយ​ខ្យល់អាកាស​ក៏ត្រជាក់​បរិសុទ្ធ។

ផ្ទះ​ម៉ែឡន​ជាកន្លែង​ដែល​ប្រជាជន​ខេត្តសៀមរាប និង​អ្នកទីក្រុង​ច្រើនតែ​ទៅ​អង្គុយលេង​ស្រូបខ្យល់​អាកាស​ជនបទ និង​ញ៉ាំម្ហូប​ស្រុកស្រែ​ជាស្នាដៃ​របស់​ម៉ែឡន ដែល​ល្បីថា​ឆ្ងាញ់​ខាងធ្វើ​ទឹកគ្រឿង​ដ៏ចំណាន និងម្ហូប​ប្រចាំ​តំបន់​តែម្តង។

នៅ​ជិតក្យូស ភ្ញៀវ​ក៏អាច​ចុះទៅ​ស្ទូចត្រី ដែល​ម្ចាស់ផ្ចះ​បាន​ចិញ្ចឹម​តាមបែប​ធម្មជាតិ​ក្នុងស្រះ។

Content image - Phnom Penh Post
ផ្ទះម៉ែឡន មានក្យូស​កណ្តាល​ស្រែ។ ហុង មិនា

លោក ចាន់ សុភា ជា​ម្ចាស់ក្យូស និង​ជាកូន​របស់​ម៉ែឡន បាន​និយាយ​ទាំង​ទឹកមុខ​រីករាយ​ថា៖ «មុនដំបូង​ឡើយគឺ​នៅពេល​ដែល​មកលេង​ផ្ទះ​ម៉ែខ្ញុំ គឺ​ចេះតែ​កាប់មាន់​ស្ងោរជ្រក់ ធ្វើ​ទឹកគ្រឿង ចាប់ត្រី​ក្នុងស្រែ​យកមក​អាំង​ញ៉ាំ​ជាមួយ​អម្ពិល​បុក នៅក្នុង​ខ្ទម​ក្បែរ​ស្រែនៅ​ជិតផ្ទះ​ម៉ែ​តែម្តង ហើយ​បន្ទាប់​មកទៀត​ចេះតែមាន​គំនិត​ថា​ប្រសិនជា​បន្ថែម​ក្យូស​ថែមទៀត បើក​ជាកន្លែង​អង្គុយ​កម្សាន្ត​តាមបែប​ស្រុកស្រែ​គឺប្រជាជន​ខ្មែរយើង​នឹង​ចូលចិត្ត​បរិយាកាស​បែបនេះ»។

ផ្ទះម៉ែឡន ល្បី​ខ្លាំងជាងគេ​គឺទឹកគ្រឿង និង​មាន់​កាប់បី​កាំបិត​ស្ងោរជ្រក់​ភ្លាម​ឆ្ងាញ់​តែម្តង​ជាម្ហូប​ភ្ញៀវ​មិនដែល​រំលង។

លោក សុភាព​បាន​អះអាង​ឡើងថា៖ «ម្ហូបនៅ​កន្លែង​ខ្ញុំគឺ​បែប​ស្រុកស្រែ​ពិតៗ​ទៅតាម​រដូវ​កាល ដូចជា​រដូវ​កង្កែបគឺ​យើង​ដើរចាប់​តែ​ត្រីក្រាញ់​អាំង​អម្ពិល​ខ្ចីបុក មាន់ដុត​ប្រហុក​អង្ក្រង ជាដើម»៕

ផ្ទះម៉ែឡន មាន​ទូរស័ព្ទ​លេខ ០១៧ ២៥៧ ៧៥៥៕

អត្ថបទគួរចាប់អារម្មណ៍