The Phnom Penh Post Search

Search form

ម្ហូប​ក្ដាម​ចំហុយ​មីសួ​ពី​ហាង ​ហ័ងយីង

Content image - Phnom Penh Post

ម្ហូប​ក្ដាម​ចំហុយ​មីសួ​ពី​ហាង ​ហ័ងយីង

ភ្នំពេញ: វេលា​ថ្ងៃ​ត្រង់និង​ល្ងាច ភោជនីយដ្ឋាន ហ័ងយីង (Hoang Yen) ដែល​ទើប​បើក​ដំណើរ​ការ​បាន​ប៉ុន្មាន​ខែ​ តែង​តែ​មាន​សភាពមមាញឹក​ជាមួយ​វត្តមាន​ភ្ញៀវ​ក្នុង​ស្រុក និង​អ្នកទេសចរ​មក​ស្វែងរក​ភ្លក្ស​អាហារ​ប្រពៃណី​អាស៊ីរសជាតិ​ដើម​។

ក្រៅពី​រសជាតិ​អាហារ​ឆ្ងាញ់ ​ភោជនីយដ្ឋាន​តុបតែង​ដោយ​ជញ្ជាំង​ក្បាច់​ឈើ ចាន​ធំៗ សង្ហារិម និង​អំពូលភ្លើង​រៀបចំបែប​សិល្បៈ​​គួរ​ឲ្យ​ទាក់ទាញ​។

ក្នុង​ចំណោម​ម្ហូប​ល្បីៗ​ដូចជា​ ស៊ុប​ផ្សិត​ឫស្សី សាច់​ជ្រូក​ខ​ទឹកដូង និង​បង្កង​ចៀន​ពង​ទាប្រៃ​ ជា​ដើម​នោះ ម្ហូប​ក្ដាម​ចំហុយ​​មីសួ ក៏​ទទួល​បាន​ការ​ពេញ​និយម​ច្រើន​ដែរ។

គ្រឿង​ផ្សំ: ក្ដាមថ្ម មីសួ ខ្ទឹម​បារាំង ម្រេច ប្រេង​ល្ង ខ្ទឹម​ក្រហម ខ្ទឹមស ប្រេងឆា ស្រាចិន ម្សៅស៊ុប អំបិល ស្ករស ទឹក​ប្រេង​ខ្យង និង​ប្រេងឆា។

Content image - Phnom Penh Post

វិធី​ចម្អិន: ដំបូង​ត្រូវ​យក​ក្ដាមថ្ម​ទៅ​លាង​ឲ្យ​ស្អាត រួច​យក​ទៅ​បំពង​ប្រេង​ឆា​ប្រមាណ​ជា​ ២ នាទី រួច​ទុក​មួយ​អន្លើសិន។

បន្ទាប់​មក​យក​ខ្ទឹម​ស ខ្ទឹម​ក្រហម និង​ចំណិត​ខ្ទឹម​បារាំង តម្រៀប​នៅ​បាត​ឆ្នាំង​ខ្មៅ​ រួច​យក​ក្ដាម​ដាក់​ចូលក្នុង​ឆ្នាំង​ដី​។

យក​មីសួ​ទៅ​ត្រាំ​ទឹក​ឲ្យ​រីកល្មម រួច​យក​វា​ទៅ​លាយ​ជាមួយ​​ស្រា​ចិន ដោយ​ច្របល់​ចូល​គ្នា​ឲ្យ​ស្មើសាច់ ហើយ​បន្ថែម​គ្រឿង​ផ្សំ​រសជាតិ​រួម​មាន ម្សៅស៊ុប ស្ករស ប្រេងខ្យង និង​ម្ទេសឆា។

យក​មីសួ​នោះ​ទៅ​ដាក់​ក្នុង​ឆ្នាំង​ពី​លើ​ក្ដាម រួចចាក់ទឹក​បន្តិច ហើយ​អប់​ទុក​រយៈ​ពេល ៧ នាទី​លើ​ភ្លើង​ហ្គាស នោះ​ជា​ការ​ស្រេច។

ភោជនីយដ្ឋាន ហ័ងយីង ​ស្ថិត​នៅ​ផ្ទះ​លេខ ៣៥ ផ្លូវ​លេខ ២៩៤ សង្កាត់​ទន្លេ​បាសាក់ ខណ្ឌ​ចំការ​មន រាជធានី​ភ្នំពេញ៕

អត្ថបទគួរចាប់អារម្មណ៍

  • សណ្ឋាគារ​ប្រណីត​នៅ​កោះរ៉ុង បើក​ជា​ផ្លូវការ

    ភ្នំពេញៈ សណ្ឋាគារ​ដ៏ប្រណីត Royal Sands នៅលើ​កោះរ៉ុង​របស់​លោក គិត ម៉េង បាន​បើក​ដំណើរការ​ជា​ផ្លូវការ​កាលពី​ថ្ងៃ​ម្សិលមិញ ដែល​គេ​រំពឹង​ថា​នឹង​ទាក់ទាញ​ភ្ញៀវទេសចរ​កាន់តែ​ច្រើន​។

  • ដំរី​ដែល​ចូល​ចម្ការ​អ្នក​ភូមិ​បាន​គេច​ទៅ​ភ្នំ​ដងរែក

    ឧត្តរមានជ័យៈ ក្រុម​មន្ត្រី​បាន​និយាយ​ថា​សត្វ​ដំរី​ញី​មួយ​ក្បាល​ដែល​បាន​ចូល​លុកលុយ​ក្នុង​ចម្ការ​អ្នកភូមិ​រំដួល​ចាស់ ឃុំ​អម្ពិល ស្រុក​បន្ទាយ​អម្ពិល ខេត្ត​ឧត្តរមានជ័យ​កាលពី​ព្រឹក​ថ្ងៃ​អាទិត្យ​នោះ​បាន​គេច​ខ្លួន​ចូល​ទៅ​ក្នុង​តំបន់​ជួរ​ភ្នំ​ដងរែក​វិញ​ហើយ ខណៈ​ដែល​ក្រុម​មន្ត្រី​ជំនាញ​បរិស្ថាន និង​អាជ្ញាធរ​កំពុង​បន្ត​ឃ្លាំ​មើល​ពី​ដំណើរ​របស់​វា​។

  • ព្រះមហាក្សត្រ​អំពាវនាវ​ឲ្យ​ធានា​ការពារ​យុត្តិធម៌​ និង គោរព​សិទ្ធិ​មនុស្ស

    ភ្នំពេញៈ ក្រោយពី​ឈ្នះ​អាសនៈ​ទាំង​ ៥៨ ដោយ​មិន​មាន​អតីត​បក្ស​សង្គ្រោះ​ជាតិ​ដែល​ជា​គូប្រកួត​ដ៏ស័ក្តិសម​នឹង​គ្នា​សម្រាប់​ការបោះឆ្នោត​ព្រឹទ្ធសភា​ពី​ខែ​កុម្ភៈ គណបក្ស​កាន់​អំណាច​ដែល​ទទួល​ជ័យជម្នះ​បាន​បន្ត​គ្រប់គ្រង​ស្ថាប័ន​នីតិប្បញ្ញត្តិ​ជាថ្មី​ដោយ​បើក​សម័យប្រជុំ​លើក​ដំបូង នីតិកាល​ទី​ ៤ ​នៃ​ព្រឹទ្ធសភា​ពី​ម្សិលមិញ​ក្រោម​ព្រះរាជាធិបតីភាព​ព្រះមហាក្សត្រ​ព្រះបាទ​សម្តេច​ព្រះនរោត្តម សីហមុនី ដែល​ព្រះអង្គ​អំពាវនាវ​ឲ្យ​មាន​ការធានា​ការពារ​យុត្តិធម៌ និង​គោរព​សិទ្ធិ​មនុស្ស និង​រួម​សាមគ្គី​គ្នា​ជា​ធ្លុង​មួយ​។

  • នាយក​រដ្ឋមន្ត្រី​បញ្ជា​ឲ្យ​ដកហូត​កោះ​ ៣០ ​មក​វិញ និង​ឲ្យ​ពិនិត្យ​អ្នក​នៅ​ពី​ក្រោយ​ការទន្ទ្រាន​យក​ដី

    ព្រះសីហនុៈ លោក​នាយករដ្ឋមន្ត្រី ហ៊ុន សែន បាន​បញ្ជា​ឲ្យ​ដកហូត​កោះ​ដែល​មិន​បាន​អភិវឌ្ឍ​ប្រមាណ​ ៣០ ​មក​វិញ​ ខណៈ​អត្តសញ្ញាណ​របស់​ម្ចាស់​ក្បាល​ដី​ចំនួន​ ៥៨៤ ​ដែល​មាន​ទាំង​មន្ត្រី​មាន​អំណាច​កំពុង​ត្រូវបាន​ពិនិត្យ​រឿង​នៅ​ពី​ក្រោយ​ខ្នង​ការកាប់​ទន្ទ្រាន​យក​ដី​ដ៏ក្តៅគគុក​នៅ​កោះរ៉ុង ហើយ​មន្ត្រី​ជាន់ខ្ពស់​ខ្លះ​នឹង​មិន​ត្រូវ​ឲ្យ​ចូលរួម​បង្កើត​រដ្ឋាភិបាល​ថ្មី​នៅ​​អាណត្តិ​ក្រោយ​ឡើយ​។