The Phnom Penh Post Search

Search form




Logo of Phnom Penh Post newspaper Phnom Penh Post - រដូវរំហើយ​ធ្លាក់​ខ្យល់​បាន​សម្លម្ជូរ​ស្លឹក​អម្ពិល​កូន​ត្រី​ចង្វា ដឹង​តែ​ឆ្ងាញ់




រដូវរំហើយ​ធ្លាក់​ខ្យល់​បាន​សម្លម្ជូរ​ស្លឹក​អម្ពិល​កូន​ត្រី​ចង្វា ដឹង​តែ​ឆ្ងាញ់

Content image - Phnom Penh Post
សម្លម្ជូរស្លឹក​អម្ពិល​កូនត្រី​ចង្វា ថែម​ម្ទេស​ហឹរៗ​កម្ដៅ​ពោះ​នារដូវ​រំហើយ​។ មាតុភូមិ

រដូវរំហើយ​ធ្លាក់​ខ្យល់​បាន​សម្លម្ជូរ​ស្លឹក​អម្ពិល​កូន​ត្រី​ចង្វា ដឹង​តែ​ឆ្ងាញ់

ភ្នំពេញ: វេលា​មេឃ​ត្រជាក់ៗ នឹក​ឃើញ​ចង់​តែ​ញ៉ាំ​សម្ល​ក្តៅៗ ជាពិសេស​បើ​បាន​សម្លម្ជូរ​ក្តៅៗ និង​ហឹរៗ​គឺ​ពិតជា​ឆ្ងាញ់​មាត់​តែម្តង។

ប៉ុន្តែ​សម្រាប់​អ្នកធ្វើការ​នៅ​ទីក្រុង​ភ្នំពេញ ប្រហែល​ជា​គ្មាន​ពេល​សម្រាប់​ដាំ​ស្ល​នោះ​ទេ ដូច្នេះ​មាន​តែ​ឆ្លៀត​ទៅ​ញ៉ាំ​តាម​ហាង។

តែ​បច្ចុប្បន្ន​នេះ​មិន​សូវ​ជាមាន​ហាង​ណា​ដែល​ចម្អិន​មុខម្ហូប​ប្រភេទ​ស្រុកស្រែ ហើយ​រសជាតិ​ដើម បែប​ខ្មែរ​ទេ អ៊ីចឹង​ហើយ​បាន​ជា​ហាង​មាតុភូមិ ដែល​ល្បី​ខាង​ម្ហូប​បែប​ខ្មែរ​រសជាតិ​ប្រចាំ​គ្រួសារ ផ្សំ​គ្រឿង​ឆ្ងាញ់​មុត​ឲ្យ​ចំ​នឹង​ម្ហូប​ខ្មែរ​ពិត​ប្រាកដ បាន​បញ្ចេញ​នូវ​មុខម្ហូប​បែប​ស្រុកស្រែ​ជាច្រើន​ដូចជា​សម្ល​ស្លឹក​អម្ពិល​កូន​ត្រី​ចង្វា សម្លម្ជូរ​ខ្ជិល ម្ជូរ​ក្តាត​ខួរក្តាម ម្ជូរ​ក្រអៅ​ឈូក ម្ជូរ​ដើម​ចេក ម្ជូរ​ព្រលឹត ម្ជូរ​គ្រឿង​ត្រី​ឆ្លាំង​ស្លឹក​ម្កាក់ ម្ជូរ​ព្រៃ​សាច់គោ និង​ម្ហូប​គ្រឿង​ប្រហុក​ផ្អក​ជាច្រើន​ទៀត ដែល​ត្រូវ​រដូវ​រំហើយ​ធ្លាក់​ខ្យល់។

ទន្ទឹម​នឹង​នោះ​សម្រាប់​អ្នក​ធ្វើការ​ដែល​រវល់​ខ្លាំង​ដល់​ថ្នាក់​មិន​អាច​ចេញ​មក​ញ៉ាំ​នៅ​ក្នុង​ហាង​មាតុភូមិ​បាន ឥឡូវ​នេះ​ក៏មាន​សេវាកម្ម​ដឹកជញ្ជូន​ផងដែរ ដោយ​គ្រាន់​តែ​ធ្វើការ​កុម្ម៉ង់​មុន​ម៉ោង​បាយ​ថ្ងៃត្រង់ មួយ​ម៉ោង​មុន ទើប​អ្នក​ដឹក​ជញ្ជូន​អាច​ដឹក​ទាន់​ពេល​វេលា។

ដោយសារ​តែ​បច្ចុប្បន្ន​ភោជនីយដ្ឋាន មាតុភូមិ​ទទួល​ការ​ពេញ​និយម​ខ្លាំង​ពី​ភ្ញៀវ​គាំទ្រ​ម្ហូប​ខ្មែរ ទើប​ហាង​បាន​ពង្រីក​សាខា​បន្ថែម​ជាច្រើន​ដូចជា​នៅ​ម្តុំ​វត្តភ្នំ ផ្សារ TK (អង់តែន ទួលគោក) និង​ម្តុំ​ផ្សារ Aeon2។

អ្នក​ឃ្លាន​ម្ជូរ​ស្លឹក​អម្ពិល​កូន​ត្រី​ចង្វា អាច​ទាក់ទង​មាតុភូមិ ឬក៏​កុម្ម៉ង់​តាម​លេខ ០១១ ៨៦៨ ០១០៕

អត្ថបទគួរចាប់អារម្មណ៍