The Phnom Penh Post Search

Search form




Logo of Phnom Penh Post newspaper Phnom Penh Post - រូបមន្ត​ចម្អិន​មី​កញ្ចប់​បំពង​សាច់ជ្រូក​ចិញ្ច្រាំ​ សម្រាប់​ញ៉ាំ​លេង​ពេល​រសៀល




រូបមន្ត​ចម្អិន​មី​កញ្ចប់​បំពង​សាច់ជ្រូក​ចិញ្ច្រាំ​ សម្រាប់​ញ៉ាំ​លេង​ពេល​រសៀល

Content image - Phnom Penh Post
មី​បំពង​ជាមួយ​សាច់ជ្រូក​បីជាន់​ចិញ្ច្រាំ​។ Chhim Rithychaot

រូបមន្ត​ចម្អិន​មី​កញ្ចប់​បំពង​សាច់ជ្រូក​ចិញ្ច្រាំ​ សម្រាប់​ញ៉ាំ​លេង​ពេល​រសៀល

ភ្នំពេញ: ប្រសិន​បើ​លោក​អ្នក​កំពុងតែ​នឹកចង់​ធ្វើ​អាហារ​សម្រន់​ដែល​ឆ្ងាញ់​ប្លែកឲ្យ​សមាជិក​គ្រួសារ​បាន​ភ្លក្ស​នោះ ភ្នំពេញ ប៉ុស្ដិ៍ សូមណែនាំ​វិធីធ្វើ​មី​កញ្ចប់​បំពង​ដែលមាន​គ្រឿង​ផ្សំ​ងាយៗ​ដូចជា សាច់ជ្រូក​បីជាន់ ម្សៅបំពង មី​កញ្ចប់ ពង​មាន់ ការ៉ុដ ជីរវ៉ាន់​ស៊ុយ ខ្ទឹមស ប្រេង​ឆា ទឹក​ម្ទេស ស្ករស និង​ម្សៅ​ស៊ុប។

វិធី​ចម្អិន​គឺ​ដំបូង​ត្រូវយក​សាច់​ជ្រូកបី​ជាន់​មក​ចិញ្ច្រាំ។ ខ្ទឹមស​ត្រូវ​ចិញ្ច្រាំ​ឲ្យ​ម៉ដ្ឋ។

មី​កញ្ចប់​ត្រូវស្រុស​រួច​ទុកមួយ​អន្លើសិន។ ការ៉ុដ​ត្រូវ​សាប់ហាន់​ជា​សសៃៗ​រួច​ច្របល់​ជាមួយ​សាច់​ជ្រូក​ចិញ្ច្រាំ មី​ និង​ខ្ទឹមស ដោយ​បន្ថែម​ស្ករស និង​ម្សៅស៊ុប​​តែ​បន្តិច​បាន​ហើយ ព្រោះ​សសៃ​មីមាន​រស​ជាតិ​ប្រៃ​ស្រាប់។

ក្រោយ​ពីច្របល់​ចូល​ជាតិ​រួច សឹម​ពូត​វាជា​ដុំៗមួយ​ក្ដាប់ដៃ ហើយ​យកទៅ​ជ្រលក់​ពង​មាន់​ក្រហម មុននឹង​ប្រឡាក់​ជាមួយ​ម្សៅបំពង។

បន្ទាប់មក​ទៀត​ត្រូវ​ដាក់​ខ្ទះ​លើ​ភ្លើង រួច​ចាក់​ប្រេង​ឆា​ចម្អិន​ឲ្យ​ឡើង​ក្ដៅសឹម​បង់​មី​ចូល ហើយបន្ថយ​កម្ដៅ​ភ្លើង​តិចៗ​កុំ​ឲ្យ​ខ្លោច។ នៅពេល​មីឡើង​ក្រហម​ឆ្អិន សឹម​ស្រង់​វាដាក់​ឲ្យ​ស្រក់​ខ្លាញ់។

មីបំពង​នេះ​អាច​ញ៉ាំ​ជាមួយ​ទឹក​ម្ទេស ឬ​ទឹកត្រី​ផ្អែម ជា​ចំណី​ពេល​រសៀល៕

អត្ថបទគួរចាប់អារម្មណ៍