The Phnom Penh Post Search

Search form

Logo of Phnom Penh Post newspaper Phnom Penh Post - លៀស​ស្រុស​ចានដែក​ដុត​ចង្ក្រាន​ដី​ក្ដៅៗ​ល្បី​ឆ្ងាញ់​នៅ​ខេត្ត​សៀមរាប




លៀស​ស្រុស​ចានដែក​ដុត​ចង្ក្រាន​ដី​ក្ដៅៗ​ល្បី​ឆ្ងាញ់​នៅ​ខេត្ត​សៀមរាប

Content image - Phnom Penh Post

លៀស​ស្រុស​ចានដែក​ដុត​ចង្ក្រាន​ដី​ក្ដៅៗ​ល្បី​ឆ្ងាញ់​នៅ​ខេត្ត​សៀមរាប

សៀមរាប: ស្ថិត​នៅ​ក្រោយ​អនុវិទ្យាល័យ​អង្គរ​កន្លែង​លក់​លៀស​ដ៏ល្បី​បាន​ទាក់ទាញ​ទាំង​​អ្នក​ទេសចរ និង​អ្នក​រស់នៅ​ខេត្ត​សៀមរាប​ផ្ទាល់​នោះ​មក​ចត​យាន​ជំនិះ​ត្រៀបត្រា​តែ​ម្ដង។

ខុស​ពី​លៀស​ហាល និង​លៀស​ឆា​ដែល​យើង​ធ្លាប់​ទទួលទាន​លៀស​ស្រុស​នៅ​ទី​នោះ​មាន​រសជាតិ​​ឆ្ងាញ់​ប្លែក​តែ​ម្ដង​។

ជា​រៀងរាល់​ថ្ងៃ​ស្ត្រី​អ្នក​លក់​ត្រូវ​ក្រោក​ពី​ម៉ោង​ ៤ ​ភ្លឺ​ដើម្បី​យក​លៀស​ដាក់​ត្រាំ​ទឹក​រយៈពេល​ ៤​​​ ម៉ោង​រួច​យក​ទៅ​ស្រុស។

បន្ទាប់មក​គាត់​យក​លៀស​ទៅ​ប្រឡាក់​គ្រឿង​ផ្សំ​រសជាតិ​ដូចជា អំបិល ម្សៅស៊ុប ម្ទេស​ឆ្អើរ​បុក​ហើយ​ផ្អាប់​ទុក​ប្រមាណ​ជា​ ១ ​ម៉ោង​ពោល​គឺ​ល្មម​ដល់​ពេល​ដួស​លៀស​ដាក់​ចានដែក​ដុត​កម្ដៅ​លើ​រងើកភ្លើង​នៃ​ចង្ក្រាន​ដី​ដើម្បី​ស្វាគមន៍​អតិថិជន​ចាប់ពី​ម៉ោង​ ៩ ​ព្រឹក​រហូត​ដល់​ម៉ោង​ ១ ​រសៀល។

លៀស​ស្រុស​មួយ​ចាន​អម​ដោយ​​ទឹកត្រី​អម្ពិល​ទុំ​មាន​តម្លៃ​ ៤០០០ ​រៀល​។

យោង​តាម​ស្ត្រី​ម្ចាស់​អាជីវកម្ម​ដែល​ដំណើរការ​អស់​ជាង​ ៩ ​ឆ្នាំ​មក​ហើយ​នេះ​ក្នុង​មួយ​ថ្ងៃ​គាត់​អាច​លក់​លៀស​ស្រុស​បាន​ប្រមាណ​ពី​ ១៣០ ​ទៅ​ ១៥០ ​គីឡូក្រាម​ឯណោះ៕

អត្ថបទគួរចាប់អារម្មណ៍