.jpg)
បុកល្ហុងខ្មែរក្រោម ដ៏ពេញនិយមនៅខេត្តអានយ៉ាង ប្រទេស វៀតណាម។ រូបថត VNS
ក្រុងហូជីមិញ៖ ភ្ញៀវមកលេងខេត្ដតំបន់ជ្រោយទន្លេមេគង្គ អានយ៉ាង អាចរីករាយនឹងបុកល្ហុងពិសេស ដែលជាស្នាដៃរបស់ពលរដ្ឋខ្មែរក្រោម ជាមួយការច្នៃរសជាតិដើមតម្រូវការនិយមរបស់អ្នកនៅវៀតណាម។
ហៅថា ឌូឌូដាម (du du dam) ជាភាសាវៀតណាម ឬភាសាខ្មែរហៅថា បុកល្ហុង មុខម្ហូបនេះមានប្រភពមកពីប្រទេស កម្ពុជា តែត្រូវបានកែសម្រួលគ្រឿងផ្សំរសជាតិ ដើម្បីឲ្យកាន់តែពេញនិយមនៅវៀតណាម។
នៅបរិវេណបេនុយ នៃស្រុកទ្រីតុន ពលរដ្ឋងាយស្រួលរកអាហារដ្ឋានលក់បុកល្ហុង។ ល្ហុងឈូស គឺជាគ្រឿងផ្សំចម្បងរបស់អាហារបុកល្ហុង។
ល្ហុងត្រូវបានជ្រើសរើសយ៉ាងយកចិត្ដទុកដាក់ ដោយសារវាត្រូវការពេលវេលាទុំដ៏សមស្រប ដើម្បីជំនួយពណ៌ និងបង្កើនរសជាតិផ្អែមឆ្ងាញ់។
អាជីវករដែលលក់បុកល្ហុងនេះជាង ១០ ឆ្នាំ នៅក្នុងស្រុកទ្រីតុន បាននិយាយថា សរសៃល្ហុងត្រូវលាងក្នុងទឹកអំបិល និងក្លាស្សេលើដុំទឹកកកដើម្បីរក្សាឲ្យវាស្រួយល្អ។
បន្លែផ្សេងៗ ដូចជា ស្ពៃ សណ្ដែក សណ្ដែកដីលីង និងការ៉ុត ត្រូវបានដាក់ក្នុងត្បាល់ធំ និងបុកជាមួយទឹកមាំសាច់ជ្រូកបង្គា ក្ដាមប្រៃ ស្ករ អំបិល ប៊ីចេង ខ្ទឹមក្រហម ខ្ទឹមស ម្ទេស និងក្រូចឆ្មារ។
ល្បាយល្ហុងរសជាតិផ្អែម និងចម្រុះ ឈ្ងុយក្លិនរុក្ខជាតិ លាយឡំនឹងរសជាតិជូរនៃក្រូចឆ្មារ បង្គាក្រៀម និងហឹរដើម្បីបង្កើតបានជាចំណូលចិត្ដអ្នកនិយមបុកល្ហុង។
នៅតំបន់ដីសណ្ដទន្លេមេគង្គ ភ្ញៀវអាចកុម្ម៉ង់បន្ថែមពងទាស្ងោរ ដែលអ្នកស្រុកខ្មែរកម្ពុជាក្រោមពេញនិយមក្នុងការទទួលទានជាមួយបុកល្ហុង។
ភ្ញៀវអាចសាកភ្លក្សបុកល្ហុងនៅភោជនីយដ្ឋាន រីណា លើវិថី ៩៥៥ បេ ក្នុងស្រុកទ្រីតុន ដែលតែងតែទទួលភ្ញៀវកកកុញស្វែងរកអាហារសម្រន់នៅពេលល្ងាច៕ VNS/HR
