The Phnom Penh Post Search

Search form

Logo of Phnom Penh Post newspaper Phnom Penh Post - សម្លម្ជូរ​ត្រីកែសឆ្អើរ​ប្រើ​ទឹកស៊ុប​សម្បក​បង្គា​ពី​ភោជនីយដ្ឋាន​ម្លិះ

សម្លម្ជូរ​ត្រីកែសឆ្អើរ​ប្រើ​ទឹកស៊ុប​សម្បក​បង្គា​ពី​ភោជនីយដ្ឋាន​ម្លិះ

សម្លម្ជូរ​ត្រីកែសឆ្អើរ​ប្រើ​ទឹកស៊ុប​សម្បក​បង្គា​ពី​ភោជនីយដ្ឋាន​ម្លិះ

131210_22d
131210_22d

ភ្នំពេញ : ថ្ងៃ​នេះ​មេចុងភៅ​ដ៏ល្បី​នៅ​ប្រទេស​កម្ពុជា​លោក លូ ម៉េង នឹង​ធ្វើការ​បង្ហាញ​វិធី​ចម្អិន «សម្លម្ជូរ​ត្រីកែសឆ្អើរ» ជាមួយ​បាយ​អង្ករ​ផ្កាម្លិះ ដែល​មាន​ការ​លាតត្រដាង​គ្រឿងផ្សំ និង​វិធី​ធ្វើ​យ៉ាង​លម្អិត​ដូច​តទៅ​នេះ:

គ្រឿងផ្សំ : ត្រីកែសឆ្អើរ ខ្ទឹមស គល់​ស្លឹកគ្រៃ សម្បក​បង្គាស្រស់ ម្អម ជីររណារ ម្លេសប្លោក​បៃតង ទឹកអម្ពិលទុំ ម្ទេសប្លោក​ក្រហម រំដេង ប្រហុក ទឹកត្រី ស្ករស ស្ករត្នោត ម្សៅស៊ុប និង​ម្ទេស​ហឹរ។

វិធីចម្អិន : គល់ស្លឹកគ្រៃ រំដេង និង​ខ្ទឹមស ត្រូវ​ដំ​វា​បន្តិច​មុន​នឹង​ស្ងោរ​វា​ជាមួយ​សម្បក​បង្គា ដើម្បី​បង្កើត​ជា​ទឹកស៊ុប​ដ៏​មាន​រសជាតិ។ បន្ទាប់មក​ទឹកស៊ុប​នោះ​ត្រូវ​កម្ដៅ​ម្ដង​ទៀត​ដោយ​បង់​ប្រហុក ត្រី ឆ្អើរ​ដែល​បេះ​រួច មុន​នឹង​បន្ថែម​គ្រឿង​ផ្សំ​រសជាតិ​ដូចជា ទឹកត្រី ស្ករស ស្ករត្នោត ម្សៅស៊ុប។ បន្ទាប់មក​ទៀត​ត្រូវ​ចាក់​ទឹក​អម្ពិល​ទុំ​ចូល​រួច​ភ្លក្ស​កម្រិត​នៃ​ភាព​ជូរ តាម​ចំណូលចិត្ត រួច​ទុក​វា​ឲ្យ​ពុះ​សឹម​បង់​ម្ទេស​ប្លោក ម្អម និង​ជីររណារ​ចូល​។ ដំណាក់កាល​ចុងក្រោយ​ត្រូវ​ដួស​ដាក់​ចាន រួច​ដាក់​ម្ទេស​ហឹរ​ទៅ​តាម​ការ​និយម​របស់​អ្នក។

សម្លម្ជូរ​ត្រីកែសឆ្អើរ​នេះ​ស័ក្ដិសម​នឹង​ទទួលទាន​ជាមួយ​អង្ករ​ផ្កាម្លិះ​ខ្មែរ​ខ្លាំង​ណាស់។

មិត្ត អ្នក​អាន​ដែល​មិន​សូវ​មាន​ពេល​ទំនេរ​នឹង​រឿង​ចង្ក្រាន​ជើង​ឆ្នាំង​នោះ លោក​អ្នក​ក៏​នៅ​តែ​អាច​ភ្លក្ស​រសជាតិ​ម្ហូប «សម្លម្ជូរ​ត្រីកែសឆ្អើរ​» នេះ​បាន ដោយ​លោក​អ្នក​គ្រាន់​តែ​អញ្ជើញ​ទៅ​កាន់​ភោជនីយដ្ឋាន​ម្លិះ​តាមរយៈ អាសយដ្ឋាន​ផ្ទះ​លេខ ១៣៦ មហាវិថី​ព្រះនរោត្តម រាជធានី​ភ្នំពេញ ឬ​ទាក់ទង​ទូរស័ព្ទ​លេខ ០២៣ ២២១០២២ និង​០៨១ ៣៤២ ៥៥៥៕

អត្ថបទគួរចាប់អារម្មណ៍