The Phnom Penh Post Search

Search form




Logo of Phnom Penh Post newspaper Phnom Penh Post - សាច់​គោ​ហឹរ​បន្ទះ​ដែក​ដំឡូង​ជ្វា​នៅ គ្រៀល​វ៉ាញ​កាហ្វេ សៀមរាប​




សាច់​គោ​ហឹរ​បន្ទះ​ដែក​ដំឡូង​ជ្វា​នៅ គ្រៀល​វ៉ាញ​កាហ្វេ សៀមរាប​

Content image - Phnom Penh Post
សាច់គោ​ហឹរ​បន្ទះ​ដែក​ដំឡូង​ជ្វា នៅ​ហាង គ្រៀល​វ៉ាញកាហ្វេ។ រូប សហការី

សាច់​គោ​ហឹរ​បន្ទះ​ដែក​ដំឡូង​ជ្វា​នៅ គ្រៀល​វ៉ាញ​កាហ្វេ សៀមរាប​

សៀមរាប: ភោជ​នីយដ្ឋាន គ្រៀល វ៉ាញ​កាហ្វេ ( Grill Wine Cafe) នៅ​ទឹកដី​សៀមរាប​អង្គរ​ ដែល​បើក​ដំណើរ​ការបាន​ប្រមាណ​មួយ​ឆ្នាំ​នោះ ក្រៅពី​ល្បី​ផលិតផល​សាច់​ក្រក​ពិសេសៗ​ជាច្រើន​រស​ជាតិ ដូចជា សាច់​ក្រក​គ្រឿង សាច់ក្រក​អាម៉ុក សាច់​ក្រក​ការី ដោយ​អ្នក​ជំនាញ​ផលិត​សាច់​ក្រក​មកពី​ប្រទេស​អាល្លឺម៉ង់​ និង​ចុងភៅ​ជនជាតិ​ខ្មែរ​នោះ ក៏​ល្បី​អាហារ​សាច់គោ​ហឹរ​បន្ទះ​ដែក​ដំឡូង​ជ្វាដ៏​ឆ្ងាញ់​ពិសា​ដែរ។

សាច់គោ​ខ្មែរ​ប្រឡាក់​អំបិល​ម្ទេស​ផុយ​ងាយ​ទទួលទាន។ ផ្ទាប់​សាច់គោ​ជាមួយ​រសជាតិ​ដំឡូង​ជ្វា​ដុត ពោត​ហាវ៉ៃ រួមទាំង​បន្លែ​ខ្ទឹមបារាំង ​ម្ទេស​ប្លោក​ក្រហម​ បៃតង​ដោត​ចង្កាក់ ធ្វើឲ្យ​អាហារ​នេះ​កាន់តែ​ឆ្ងាញ់។

ឈុត​សាច់គោ​ហឹរបន្ទះ​ដែក​ដំឡូង​ជ្វា​ដែល​មាន​តម្លៃ ១០ ដុល្លារនេះ​ទទួល​បាន​ការ​ពេញ​និយម​ច្រើនពី​ភ្ញៀវខ្មែរ និង​បរទេស។

អាហារ​ពេល​ល្ងាច​ដ៏ពេញ​និយម​ផ្សេង​ទៀត​មាន ការី​នំប័ង​ដុត​ភ្លាមៗ​អាច​ញ៉ាំ​បាន​គ្នា ២ នាក់​មាន​តម្លៃ ៧ ដុល្លារ បាយឆា​តម្លៃ​ពី ៣ ទៅ ៤ ដុល្លារ។

ចំពោះ​អាហារ​ពេល​ល្ងាច​មួយ​ឈុតមាន​ សាលាដ​ត្រីសាល់ម៉ុន​ក្រូច​ពិសេស​ ស៊ុប​សាច់គោ ខសាច់​ចៀម​ជាប់​ឆ្អឹង​ និង​បង្អែម​ស្ត្រប៊ើរី​ មាន​តម្លៃសរុប ២៥ ដុល្លារ។

គ្រៀល វ៉ាញ​កាហ្វេ ក៏មាន​បម្រើ​ជូននូវ​អាហារ​ពេល​ព្រឹក​បែប​អាមេរិកាំង-អឺរ៉ុប និង​ខ្មែរ មាន​បាយ​សាច់​មាន់​ចៀន នំបុ័ង​ខ​គោ និង​ស៊ុប​គុយទាវ។

ក្រៅពី​នេះ​ក៏​មាន ការ​ប្រគំ​តន្ត្រី​ពីក្រុម​អ្នក​ចម្រៀង​ជាតិ​ និង​អន្តរជាតិ​រៀង​រាល់​ថ្ងៃពុធ និង​ថ្ងៃ​សៅរ៍៕

អត្ថបទគួរចាប់អារម្មណ៍