The Phnom Penh Post Search

Search form

Logo of Phnom Penh Post newspaper Phnom Penh Post - សាច់ងៀត​ក្រពើប្រឡាក់​ម្ទេសហឹរ​ ​អ្នក​សៀមរាប​អួត​ថា​ប៉ូវ​សុខភាព​




សាច់ងៀត​ក្រពើប្រឡាក់​ម្ទេសហឹរ​ ​អ្នក​សៀមរាប​អួត​ថា​ប៉ូវ​សុខភាព​

Content image - Phnom Penh Post

សាច់ងៀត​ក្រពើប្រឡាក់​ម្ទេសហឹរ​ ​អ្នក​សៀមរាប​អួត​ថា​ប៉ូវ​សុខភាព​

សៀមរាប: ខេត្ត​សៀមរាប ដែលជា​កន្លែង​សម្បូរ​កសិដ្ឋាន​ចិញ្ចឹម​សត្វ​ក្រពើ​យក​ស្បែក​ធ្វើ​ជា​កាបូប និង​ខ្សែ​ក្រវាត់​នោះ ក៏​ជា​ទីប្រភព​ផលិតងៀត​ក្រពើ​លក់​ក្នុង​តម្លៃ​សមរម្យ​ផង​ដែរ។

អ្នកស្រី អេង​ ស្រី​ពេជ្រ អាយុ ៣៥ ឆ្នាំ ជា​អ្នកលក់​ងៀត​ក្រពើ​នៅ​ម្ដុំ​អនុវិទ្យាល័យ​អង្គរ ​បាន​ថ្លែងថា៖ «ម្តាយ​របស់ខ្ញុំ​គាត់​មាន​កសិដ្ឋាន​ចិញ្ចឹម​ក្រពើ​លក់​ស្បែក ហើយ​កាលពីមុន​នៅ​ពេល​ដែលចៀរ​យក​ស្បែក​លក់​​ហើយ ​យើង​បោះចោល​សាច់ ​ព្រោះ​មិនដឹង​ថា​ទុក​ធ្វើ​អី​ទេ»។

អ្នក​ស្រី​បាន​រំឭក​ថា៖ «បន្ទាប់​មក​ទើប​មាន​គេ​ប្រាប់​ថា​​គួរតែ​សាក​ល្បង​ប្រឡាក់​ធ្វើ​ជា​ងៀតលក់​ទៅ។ តាំងពី​ពេល​ហ្នឹង​មក​គឺ​ខ្ញុំ​ចាប់ផ្តើម​ធ្វើជា​ងៀត​លក់ ហើយ​មាន​គេ​កុម្ម៉ង់​ច្រើន»។

ក្រៅពីអះអាង​ថា សាច់​ក្រពើ​អាច​ធ្វើជា​ថ្នាំ និង​ម្ហូប​បាន​ច្រើន​មុខ​នោះ អ្នកស្រី អេង ស្រីពេជ្រ បាន​រៀបរាប់ទៀត​ថា៖«ការធ្វើ​ងៀត​ក្រពើ​គឺ​ត្រូវចៀរសាច់​ក្រពើ​ឲ្យ​ស្តើងៗ រួច​យក​ប្រឡាក់​អំបិល ប៊ីចេង ស្ករ និង​ម្ទេស តែ​មិនត្រូវ​ប្រឡាក់​ជាមួយ​ខ្ទឹមស​នោះទេ គឺ​វា​ធ្វើ​ឲ្យ​មាន​ក្លិន​ឆ្អាប​​ហើយ​ហាល​វា​ទុក​រយៈពេល​បី​បួន​ថ្ងៃ ទើប​អាច​ញ៉ាំ​បាន»។

ងៀត​ក្រពើ​លេខ​មួយ ក្នុង ១ គីឡូក្រាម​ក្នុងតម្លៃ ៤ ម៉ឺន​រៀល និង​លេខ​ពីរ ៣ ម៉ឺន​រៀល តែ​នៅ​ផ្សារ​តម្លៃ​អាច​ឡើង​ដល់ ២០ ដុល្លារ​ក្នុង ១ គីឡូក្រាម​៕

អត្ថបទគួរចាប់អារម្មណ៍