The Phnom Penh Post Search

Search form




Logo of Phnom Penh Post newspaper Phnom Penh Post - សាច់ជ្រូក​អាំង​ដោត​ចង្កាក់​​បែបថៃ ​ត្រូវ​ចិត្ត​អ្នកនិយម​ញ៉ាំ​ហឹរផ្អែម​




សាច់ជ្រូក​អាំង​ដោត​ចង្កាក់​​បែបថៃ ​ត្រូវ​ចិត្ត​អ្នកនិយម​ញ៉ាំ​ហឹរផ្អែម​

Content image - Phnom Penh Post
សាច់ជ្រូក​អាំង​ដោត​ចង្កាក់​រសជាតិ​ផ្អែម​ហឹរ​ពីហាង De Boat។ ឈឹម ស្រីនាង

សាច់ជ្រូក​អាំង​ដោត​ចង្កាក់​​បែបថៃ ​ត្រូវ​ចិត្ត​អ្នកនិយម​ញ៉ាំ​ហឹរផ្អែម​

ភ្នំពេញ: ស្ថិតនៅ​លើផ្លូវ ២៩៤ ម្ដុំផ្សារ​កាប់គោ ភោជនីយដ្ឋាន De Boat ទាក់ទាញ​ក្រសែ​ភ្នែក​អ្នកដំណើរ​ឆ្លងកាត់ ជាមួយ​ការ​រចនា​ហាង​មាន​ខ្សែពួរ ​ទូក និង​ពោង បីដូចជា​ទិដ្ឋភាព​នៅឆ្នេរ​សមុទ្រ។

ភ្ញៀវអាច​ទទួលទាន​ជាមួយ​នឹង​មិត្តភក្តិ ក្រុម​គ្រួសារ ក្នុង​បរិយាកាស​ស្រស់​ស្រាយ​ប្លែកភ្នែក ​ដោយ​មាន​ការតុប​តែង​នូវ​គ្រឿង​សង្ហារិម​ឈើ សំណាញ់ ចង្កូត​នាវា ស្អាតប្លែក​ភ្នែក​ម្យ៉ាងដែរ ហើយ​ក៏អាច​អង្គុយ​ជជែក​គ្នា​កម្សាន្ត​បណ្តើរ ដោយ​មិនបាច់​បារម្ភ​ពីសំឡេង​រំខាន​ខ្លាំងពី​ខាងក្រៅ។

ជា​ភោជនីយដ្ឋាន​បម្រើ​អាហារ​បែបថៃ ហាង De Boat ដែល​ជំនាញ​ខាង​គុយទាវ​ទូក​រសជាតិ​ដើម​បែបថៃ​តាំងពី​ឆ្នាំ ១៩៧០ និងមាន​គុយទាវ​ច្រើន​ប្រភេទ​ចម្អិន​ដោយ​ចុងភៅ​ជនជាតិ​ថៃផ្ទាល់​តែម្ដង​​ដូចជា គុយទាវ​ឈាម គុយទាវ​តុមយ៉ាំ គុយទាវ​ចំហុយ​​គោក គុយទាវ​ស៊ីអ៊ីវ គុយទាវ​ឆាការី​គ្រឿង​សមុទ្រ និង​គុយទាវ​រ៉ាតណា​សាច់ជ្រូក​ជាដើម។

ក្រៅពី​ជម្រើស​គុយទាវ​ដ៏សម្បូរ​បែប ហាង De Boat ក៏មាន​លក់សាច់​ជ្រូក​អាំង​ដោត​ចង្កាក់​ ដែល​ជា​អាហារ​ដ៏ពេញ​និយម​នៅ​ប្រទេស​ថៃផងដែរ។ ជាមួយ​តម្លៃ ៣,៩ ដុល្លារ សាច់​ជ្រូក​អាំង​មួយចាន​មាន ៤ ចង្កាក់​អម​ដោយ​ទឹក​ជ្រលក់​ហឹរ​ឆ្ងាញ់​រូបមន្ត​ពិសេស។ ចំពោះ​ភេសជ្ជៈ​វិញ De Boat មាន​លក់​នូវតែ​បៃតង តែ​ក្រហម​ទឹកដោះគោ និង​បង្អែម​បែបថៃ។

ភោជនីយដ្ឋាន De Boat ស្ថិតនៅ​ផ្ទះលេខ​ ២៣ ផ្លូវ​លេខ ២៩៤ ទល់មុខ The Summer Bar៕

អត្ថបទគួរចាប់អារម្មណ៍