The Phnom Penh Post Search

Search form

Logo of Phnom Penh Post newspaper Phnom Penh Post - សាច់ជ្រូក​អាំង ២០០០ រៀល​ម្ដុំ​បាក់ទូក




សាច់ជ្រូក​អាំង ២០០០ រៀល​ម្ដុំ​បាក់ទូក

Content image - Phnom Penh Post
សាច់ជ្រូកអាំង​ដោត​ចង្កាក់​ឈ្ងុយឆ្ងាញ់​នៅ​ខាងកើត​វិទ្យាល័យ​បាក់ទូក​។ ឈឹម ស្រីនាង

សាច់ជ្រូក​អាំង ២០០០ រៀល​ម្ដុំ​បាក់ទូក

ភ្នំពេញ: ស្ថិត​នៅ​ខាង​កើត​វិទ្យាល័យបាក់ទូក រទេះ​លក់​សាច់​អាំង​តាម​ចិញ្ចើម​ផ្លូវ​មាន​ស្លាកយីហោ «ខ្ទមសាច់​អាំង» តែង​បង្ហើរក្លិនឈ្ងុយ​តាំង​ពី​ព្រឹក​រហូត​ដល់​ល្ងាច។

ផ្សែង និង​ក្លិន​ឈ្ងុយ​នោះ​ភាយ​ចេញ​ពី​ចង្អើរ​អាំង​សាច់​ជ្រូក​ដោត​ចង្កាក់​ដ៏​រលើប​រលោង។

ខុស​ប្លែក​ពី​សាច់​ដោត​ចង្កាក់​ដែល​មាន​រាងស្ដួច​ទ្រវែង សាច់​ជ្រូក​ជាប់​ខ្លាញ់ប្រឡាក់​គ្រឿង​រសជាតិ​បែបថៃ​ត្រូវ​បាន​ដោត​យ៉ាង​​ណែន​ជាប់ចង្កាក់​ខ្លីៗ​ មុន​នឹងយក​អាំងប្រើ​ភ្លើង​ក្ដៅល្មម។

ម្ចាស់​ ខ្ទម​សាច់​អាំង លោក ហេង ស៊ីណេង ដែល​មាន​គំនិត​ផ្ដួច​ផ្ដើម​អាជីវកម្ម​​នេះ​តាមរយៈការ​គាំទ្រ​​ពីឪពុកម្ដាយ បាន​ឲ្យដឹង​ថា៖ «ឪពុក​ម្ដាយ​ខ្ញុំ​គាត់​តែង​ជំរុញ លើក​ទឹក​ចិត្តដល់​ខ្ញុំ​រក​ស៊ី​ជានិច្ច ហើយ​ថែមទាំង​ផ្ដល់​លុយកាក់​ជួយ​ក្នុង​ការ​បើក​មុខ​របរ​របស់​ខ្ញុំទៀត​ផង»។

លោក​បាន​អះអាង​ថា សាច់​ជ្រូក​នេះ​ត្រូវ​បាន​ផ្សំគ្រឿង​ដោយ​រូប​លោក​ផ្ទាល់ ដែល​ក្នុង​មួយ​ថ្ងៃៗ​លោក​អាចលក់​បាន​ប្រមាណ ៣០០ ចង្កាក់ ឬ​ច្រើន​ជាង​នេះ​ទៅតាម​ការ​កុម្ម៉ង់។

សាច់ជ្រូក​អាំង​មាន​តម្លៃ ២០០០ រៀល​ក្នុង​មួយចង្កាក់ និង​មាន​រសជាតិ​កាន់តែ​ឆ្ងាញ់​នៅ​ពេល​ទទួលទាន​ជាមួយ​បាយ​ដំណើប​ស្រួយ​ ព្រមទាំង​បុកល្ហុង​ហឹរ​ឆ្ងាញ់ផង​ដែរ៕

អត្ថបទគួរចាប់អារម្មណ៍