The Phnom Penh Post Search

Search form




Logo of Phnom Penh Post newspaper Phnom Penh Post - សាច់​ឆ្មា​ជា​អាហារ​បង្កើន​កម្ដៅ​ខ្លួន​របស់​ប្រជាជន​ចិន​ភាគ​ខាង​ត្បូង

សាច់​ឆ្មា​ជា​អាហារ​បង្កើន​កម្ដៅ​ខ្លួន​របស់​ប្រជាជន​ចិន​ភាគ​ខាង​ត្បូង

សាច់​ឆ្មា​ជា​អាហារ​បង្កើន​កម្ដៅ​ខ្លួន​របស់​ប្រជាជន​ចិន​ភាគ​ខាង​ត្បូង

121106_22e
121106_22e

ក្រុងប៉េកាំងៈ នៅ​តាម​ដង​ផ្លូវ​មួយ​គេ​បាន​ឃើញ​ទ្រុង​ដាក់​សត្វ​ឆ្មា​រាប់​ពាន់​ក្បាល​ ដែល​ក្នុង​ចំណោម​ពួក​វា​ទាំង​នោះ​អាច​ជា​សត្វ​ចិញ្ចឹម​របស់​អ្នក​ភូមិ​ខ្លះ និង​ខ្លះ​ទៀត​ត្រូវ​ក្រុម​ចោរ​លួច​យក​មក​លក់។ ហ្វូង​សត្វ​ឆ្មា​ទាំង​អស់​នេះ​ត្រូវ​បាន​ក្រុម​អ្នក​អភិ​រក្ស​សត្វ​បាន​ ពណ៌នា​ថា​ត្រូវ​ក្រុម​ពួក​កុងស៊ី​បង្អត់​អាហារ​និង​ទឹក​ដើម្បី​កាប់​សាច់​ ធ្វើ​ជា​អាហារ​ដូច​ជា​សាច់​ឆ្កែ​ដែរ។

ការ​និយម​ទទួល​ទាន​សាច់​ឆ្មា​នេះ​ វា​មាន​ទម្លាប់​រាប់​ពាន់​ឆ្នាំ​មក​ហើយ​នៅ​ប្រទេស​ចិន ​បើ​ទោះ​ជា​មាន​ក្រុម​ចលនា​នៃ​អ្នក​អភិ​រក្ស​សត្វ​បាន​បន្ត​យុទ្ធ​នាការ​ឲ្យ ​ស្វែង​ពី​ជីវិត​សត្វ​នេះ​នៅ​តាម​តំបន់​មួយ​ចំនួន​ក្តី។

អាហារដ្ឋាន នានា​ដែល​មាន​បម្រើ​មុខ​ម្ហូប​សាច់​ឆ្មា​នេះ​គេ​ឃើញ​មាន​នៅ​ភាគ​ខាង​ត្បូង​នៃ ​ខេត្ត​គ័ងដុង ដែល​ជា​កន្លែង​ទិញ​សត្វ​ឆ្មា​ដឹក​ជញ្ជូន​មក​ពី​ផ្លូវ​ឆ្ងាយ​រាប់រយ​ គីឡូម៉ែត្រ។

គួរ​បញ្ជាក់​ថា ខេត្ត​គ័ងដុង​ និង​ខេត្ត​គ័ងស៊ី ដែល​ជា​ខេត្ត​ពីរ​ស្ថិត​នៅ​ភូមិ​ភាគ​អាគ្នេយ៍​ប្រទេស​ចិន​ជា​ពិសេស​មនុស្ស​ មាន​វ័យ​ចាស់​តែង​គិត​ថា​ការ​ទទួល​ទាន​សាច់​ឆ្មា​វា​ល្អ។ ​សាច់​ឆ្មា​ត្រូវ​បាន​គេ​ចាត់​ទុក​ថា​ជា​អាហារ​ជួយ​កម្ដៅ​រាង​កាយ​ដែល​គេ​ និយម​ហូបវា​នៅ​រដូវ​រងា ដើម្បី​ទប់​ទល់​ភាព​ត្រជាក់​។ តែ​ចំណែក​តំបន់​ភាគ​ខាង​ជើង​ប្រទេស​ចិន​វិញ​ការ​ហូប​សាច់​ឆ្មា​មិន​ត្រូវ​គេ ​និយម​ឡើយ។ គេ​បាន​ប៉ាន់​ប្រមាណ​ថា​មាន​សត្វ​ឆ្មា​មិន​តិច​ជាង​៤​លាន​ក្បាល​ត្រូវ​បាន​គេ ​សម្លាប់​ធ្វើ​ជា​អាហារ​ក្នុង​មួយ​ឆ្នាំ​នៅ​ប្រទេស​ចិន។

ដោយ​ឡែក​គ្រឿង​ ក្នុង​របស់​សត្វ​ឆ្មា​មាន​ដូច​ជា​ក្រពះ ឬ ពោះ​វៀន​នោះ​គេ​ក៏​អាច​យក​វា​មក​ចម្អិន​ជា​ម្ហូប​អាហារ​បាន​ដែរ ខណៈ​សាច់​ភ្លៅ​របស់​វា​គេ​បាន​យក​ទៅ​ធ្វើ​ជា​សាច់​ប្រហិត​សម្រាប់​ហូប​ជាមួយ​ស៊ុប​ទៀត​ផង។ រីឯ​ក្បាល​របស់​វាមិន​ត្រូវ​បាន​គេ​យក​ចម្អិន​នោះ​ទេ។ ម្ហូប​​ដែល​ល្បី​ឈ្មោះ​នៅ​ខេត្ត​គ័ងដុង​គឺ​ «ខ្លា​ប្រហារ​នាគ» ដែល​ចម្អិន​ដោយ​ប្រើ​សាច់​ឆ្មា លាយ​ជាមួយ​សាច់​ពស់​តែ​ម្ដង៕ PR

អត្ថបទគួរចាប់អារម្មណ៍