The Phnom Penh Post Search

Search form




Logo of Phnom Penh Post newspaper Phnom Penh Post - សាច់​អន្ទង់​ជា​មុខ​ម្ហូប​ប្រពៃណី​សំខាន់​មួយ​របស់​ប្រជាជន​អង់គ្លេស

សាច់​អន្ទង់​ជា​មុខ​ម្ហូប​ប្រពៃណី​សំខាន់​មួយ​របស់​ប្រជាជន​អង់គ្លេស

សាច់​អន្ទង់​ជា​មុខ​ម្ហូប​ប្រពៃណី​សំខាន់​មួយ​របស់​ប្រជាជន​អង់គ្លេស

121113_22e
121113_22e

ក្រុងឡុងដ៍ : ជា​យូរ​យារ​ណាស់​មក​ហើយ មុខ​ម្ហូប​ធ្វើ​ពី​សាច់​អន្ទង់​បាន​ក្លាយ​ជា​អាហារ​ដ៏​ពេញ​និយម​មួយ​របស់​ អ្នក​ទី​ក្រុង​ឡុងដ៍​ហើយ ជា​ពិសេស​នោះ​គឺ​ប្រជាជន​នៅ​តំបន់​ភាគ​ខាង​កើត។ ដោយ​សារ​តែ​វា​ជា​ប្រភេទ​សត្វ​មួយ​ប្រភេទ​ដែល​សម្បូរ​នៅ​តាម​ដង​ទន្លេ​នានា ជាក់​ស្តែង​ទន្លេ​សេម (Thames)​ មាន​ទី​តាំង​នៅ​ទី​ក្រុង​ឡុងដ៍ នៃ​ប្រទេស​អង់គ្លេស ដូច្នេះ​ហើយ​ទើប​ទម្លាប់​បរិភោគ​អន្ទង់​មិន​មែន​ជា​រឿង​អ្វី​ថ្មី​សម្រាប់​ជាតិ ​សាសន៍​នេះ​ទេ។ ប្រជាជន​អង់គ្លេស​និយម​ទទួល​ទាន​អន្ទង់ ជា​ប្រភេទ​អាហារ​ចំហុយ​ជាមួយ​ទឹក​ខាប់​អន្ធិលៗ ដូច​ជា​ល្បាយ​ម្សៅ​ឆា ឬ​ចាហួយ។

តែ សត្វ​អន្ទង់​នេះ​កាល​នៅ​សតវត្សរ៍​ទី​១៨ គឺ​មាន​តែ​ក្រុម​អ្នក​នេសាទ​ទេ​ដែល​អាច​យក​វា​មក​ចរាចរណ៍​លក់​លើ​ទីផ្សារ​ នៅ​កំពង់ផែ​ប៊ីលីងហ្គេត ខណៈ​គេ​បាន​នាំ​យក​មក​ពី​ប្រទេស​ហូឡង់​ដោយ​បាន​ឆ្លង​កាត់​តាម​ទន្លេ​សេម​នេះ ​តែ​ម្តង។ ម្យ៉ាង​ទៀត​សត្វ​អន្ទង់​ គឺជា​អាហារ​ផ្គត់​ផ្គង់​មួយ​ដ៏​សំខាន់​របស់​ប្រជាជន​អង់គ្លេស​នៅ​ឯ​ទីក្រុង​ឡុងដ៍​នា​ដំណាក់​កាល​មាន​គ្រោះ​មហន្តរាយ​អគ្គិភ័យ​ដ៏​ធំ​នៅ​ឆ្នាំ​ ១៦៦៦ ហើយ​សាច់​សត្វ​នេះ​ក៏​បន្ត​ស្ថិត​ក្នុង​ផ្ទះ​បាយ​របស់​ប្រជាជន​អង់គ្លេស​មួយ​ ចំនួន​ផង​ដែរ។ ចំណែក​គ្រឿង​ផ្សំ​សម្រាប់​អាហារ​អន្ទង់​ចំហុយ​នេះ​វិញ ​មាន​អន្ទង់​២ក្បាល​ដោយ​យក​វា​មក​លាង​សម្អាត​ឲ្យ​អស់​ជាតិ​រំអិល វះ​ពោះ​និង​បក​ស្បែក​ចេញ ស្រា​ស ទឹក​ខ្មេះ​ ម្រេច អំបិល និង​ប៊័រ។

គេ ឃើញ​ថា​អន្ទង់​នេះ​ត្រូវ​បាន​គេ​យក​មក​ធ្វើ​ជា​មុខ​ម្ហូប​សំខាន់ៗ​ចំនួន​បី​ ប្រភេទ​គឺ​គេ​អាច​យក​វា​មក​ចំហុយ​លាយ​ជា​មួយ​ម្សៅ​ឆា ឬ​ភាសា​បរទេស​ហៅថា «​អន្ទង់​ចាហួយ» នោះ​គឺ​គេ​និយម​ទទួល​ទានជា​អាហារ​សម្រន់​ពេល​វា​ត្រជាក់។ មួយ​ទៀត​គឺ​គេ​អាច​យក​វា​មក​ចំហុយ​ដែរ​តែ​គេ​និយម​ទទួល​ទាន​វា​ពេល​នៅ​ ក្តៅៗ។ ចំណែក​មុខ​ម្ហូប​ចុង​ក្រោយ​គឺ​គេ​យក​អន្ទង់​មក​បំពង​ឲ្យ​ស្រួយ​ ឬ ឲ្យ​ក្រៀម មក​​ជ្រលក់​ជា​មួយ​ទឹក​ជ្រលក់​ផ្សេងៗ​ ផ្ទាប់​នឹង​បន្លែ​៕ PR

អត្ថបទគួរចាប់អារម្មណ៍