ភ្នំពេញ : ជម្រាបសួរមិត្តអ្នកអានភ្នំពេញប៉ុស្ដិ៍ទាំងអស់គ្នា! ថ្ងៃនេះជាថ្ងៃបុណ្យណូអែលហើយ តើលោកអ្នកមានកម្មវិធីទទួលទានជួបជុំក្រុមគ្រួសារ មិត្តភក្តិដែរឬទេ? ប្រសិនបើមិនដឹងថា ត្រូវជ្រើសរើសហាងណាទេ ថ្ងៃនេះខ្ញុំនឹងណែនាំ «ផ្ទះឈួយ» ជាភោជនីយដ្ឋានកូរ៉េមួយមានអាហារឆ្ងាញ់ៗជាច្រើន។
គ្រឿងក្លែម : គ្រាប់សណ្ដែកខ្មៅ (យុំចាវ៉ាន់) តាក់តុគីគីមឈី កូឈូគីមឈី គីមឈីធម្មតា ភារិណាមុល ល្ហុងខ្ចី អ៊ុយគីឈី សុខជូណាមុល និងមុល គីមឈី។ គ្រឿងក្លែមខាងលើនេះត្រូវបានគេទទួលទានសម្រន់ នៅពេលបើកឆាកមុនពេលញ៉ាំសាច់អាំង។
គ្រឿងផ្សំសាច់អាំង : សាច់គោអាមេរិក ផ្សិតជលុទ ការ៉ុត ខ្ទឹមបារាំង ល្ពៅ ដើមខ្ទឹមធំ មីកូរ៉េ និងទឹកស៊ុបគោ។
វិធីចម្អិន : ដំបូងត្រូវយកសាច់គោអាមេរិកហាន់ឲ្យស្ដើងៗបំផុត បន្ទាប់មកប្រឡាក់ ហើយច្របាច់ឲ្យចូលជាតិជាមួយស្ករស ប៊ីចេងកូរ៉េ ខ្ទឹមស និងអំបិលរួចទុកមួយអន្លើសិន។ ចាប់ផ្ដើមរៀបចំបន្លែ ដោយចិតឲ្យមានសណ្ដាប់ធ្នាប់ដូចក្នុងរូបខាងលើ។ រីឯទឹកស៊ុបគោត្រូវយកឆ្អឹង និងសាច់គោមកស្ងោររម្ងាស់។
នៅពេលទទួលទាន ត្រូវដាក់ទឹកស៊ុបគោនៅបាតខ្ទះ រួចបើកភ្លើងហើយដាក់បន្លែ នឹងសាច់ពីលើជាការស្រេច។
ប្រសិនបើលោកអ្នកចង់ភ្លក្សរសជាតិសាច់អាំងបែបកូរ៉េនេះផ្ទាល់ សូមអញ្ជើញទៅកាន់ភោជនីយដ្ឋាន ផ្ទះឈួយ អាសយដ្ឋានលេខ ៣១ ផ្លូវលេខ៣៦០ សង្កាត់បឹងកេងកង១ ខណ្ឌចំការមន រាជធានីភ្នំពេញខាងជើងវិទ្យាល័យបឹងកេងកង។ ទំនាក់ទំនងលេខទូរស័ព្ទ ០៧០ ៩៧ ៨០ ០៦ និង ០២៣ ៩៦ ៤១ ១២៕
