ភ្នំពេញ : នៅភោជនីយដ្ឋាន និងក្លិបLAVO ដែលទើបសម្ពោធដំណើរ ការកាលពីប៉ុន្មានសប្ដាហ៍មុន នេះ លោកអ្នកអាចទទួលនូវអារម្មណ៍ប្លែក ខណៈដែលទទួលទានម្ហូបបរទេស ក្នុងបន្ទប់ដែលមានការតុបតែងលំដាប់ខ្ពស់។
នៅកន្លែងទទួល ទានក្រាលដោយការ៉ូ ពណ៌ខ្មៅរលោងស្រិល ឈុតសាឡុងធំៗដ៏ប្រណីតពណ៌ក្រហម និងខ្មៅ ផ្ដល់នូវភាពឆើតឆាយទាន់សម័យ ដល់ហាងមួយនេះមួយកម្រិតទៀត។
ក្រឡេក មកមើលបញ្ជីមុខម្ហូបវិញម្ដង យើងឃើញមានសុទ្ធតែអាហារបរទេស ដូចជា ស្តេក និងអាហារប្រពៃណីដ៏ល្បីល្បាញរបស់ប្រទេសជប៉ុន។
នោះគឺ អាហារសាស៊ីមី ដែលផ្សំឡើងពីសាច់ត្រីសាលម៉ុន ត្រីធូណា ត្រីសាបាក់ និងពងបង្គាស្រស់ៗតែម្ដង។ សាច់សត្វសមុទ្រស្រស់ទាំងនេះត្រូវបានគេទទួលទានជាមួយទឹក ស៊ីអ៊ីវខាប់របស់ជប៉ុន ដោយលាយជាមួយគ្រឿងហឹរម៉្យាងពណ៌បៃតងហៅថា វ៉ាសាប៊ិ។
ការទទួលទានសាច់ត្រី និងគ្រឿងសមុទ្រស្រស់បែបនេះ ត្រូវបានមនុស្សមួយចំនួនជឿថា ជាគន្លឹះដែលធ្វើឲ្យប្រជាជនជប៉ុនមានសុខភាពល្អ និងអាយុវែងផងដែរ ដោយសារតែសាច់ត្រីឆៅមានផ្ទុកនូវអាស៊ីតខ្លាញ់ ប្រូតេអ៊ីន និងជីវជាតិសំខាន់ដទៃទៀត។
ឈុតសាស៊ីមីនេះមាន តម្លៃប្រមាណ៣៥ដុល្លារ។ លោកអ្នកអាចស្វែងរកទទួលទាននៅភោជនីយដ្ឋាន និងក្លិប LAVO ដែលមានអាសយដ្ឋាននៅផ្ទះលេខ ៩៣ E1 ផ្លូវលេខ២០៨ កែងមហាវិថីនរោត្តម ជិតធនាគារវឌ្ឍនៈ ឬទំនាក់ទំនងទូរស័ព្ទលេខ ០១២ ៩៧ ០០ ៩៨ និង ០៩៦ ២២២២ ៩៣៨៕
