The Phnom Penh Post Search

Search form

Logo of Phnom Penh Post newspaper Phnom Penh Post - ស៊ុប​ក្អម ក្រោយ​សាលា ​វ៉ាន់ដា ​រសជាតិ​ឆ្ងាញ់​មួយឈុត ១៦០០០ រៀល​




ស៊ុប​ក្អម ក្រោយ​សាលា ​វ៉ាន់ដា ​រសជាតិ​ឆ្ងាញ់​មួយឈុត ១៦០០០ រៀល​

Content image - Phnom Penh Post
ឈុត​ស៊ុប​ក្អម​ដែលអាច​ទទួល​ទាន​បាន​ពីរ​នាក់​។ ឈឹម ស្រីនាង

ស៊ុប​ក្អម ក្រោយ​សាលា ​វ៉ាន់ដា ​រសជាតិ​ឆ្ងាញ់​មួយឈុត ១៦០០០ រៀល​

ភ្នំពេញ: ស្ថិតនៅ​ក្រោយ​សាកលវិទ្យាល័យ​ វ៉ាន់ដា ហាង​ «ស៊ុប​ក្អម​» មាន​លាបពណ៌​ស្វាយ​ស្រស់​ឆើត និង​មាន​ការតុបតែង​ដោយតុ​កៅអី​ឈើ​យ៉ាង​សាមញ្ញ។

ទីនេះ​ស័ក្ដិ​សម​ជា​កន្លែង​ទទួលទាន​កម្ដៅពោះ​នា​រដូវ​ភ្លៀង​។ អាកាស​ធាតុ​ត្រជាក់ ប្រសិន​បើ​បាន​ទទួលទាន​ស៊ុបកម្ដៅ​ពោះគឺពិត​ជា​ឆ្ងាញ់។​

អាហារដ្ឋាន​នេះ​ល្បី​ថា​ ស៊ុបក្អម ​ឆ្ងាញ់​ដែល​មាន​សរសៃ​គោ​ផុយ និង​ទឹក​ស៊ុប​ដាក់​ក្នុង​ក្អម​តូច​ និង​កម្ដៅ​នៅលើ​កូន​ចង្ក្រានដី។

ក្នុង​តម្លៃ ១៦០០០​ រៀល​ក្នុង​មួយ​ឈុត​នោះ​មាន ទឹកស៊ុប​សរសៃ​កែង​គោ សាច់គោ​ពង​មាន់​មួយចាន ពពុះ​សណ្ដែក​បំពង ត្រកួន ស្ពៃ​បូកគោ ស្ពៃ​ចង្កឹះ ផ្សិត​ចំបើង និង​ផ្សិត​ម្ជុល។ ស្រដៀង​គ្នា​នឹង​ស៊ុបគោ​ឆ្នាំង​ដី​ដែរ អតិថិជន​អាច​កុម្ម៉ង់​គ្រឿង​បន្ថែម​ដូច​ជា មី សាច់គោ និង​ទឹកស៊ុប។

ក្រៅពី​ស៊ុប​ក្អម​ឆ្ងាញ់​ហើយ​នោះ​ក៏​មាន​មុខម្ហូប​ខ្មែរ​ជាច្រើន​មុខ​ដូចជា ញាំ​កំពឹស ខួរ​ជ្រូកចំហុយ​ពិសេស ប្រហិត​ង៉ាំង៉ូវ ជើងមាន់​អាំង តៅហ៊ូឆឹង លៀស​អម្ពិល និង​បុក​បំពេញរាជ។ ថ្មីៗ​នេះ​ហាង ស៊ុបក្អម ក៏​មាន​បម្រើ​នូវម្ហូប​ច្នៃប្រឌិត​ផ្សេងៗ​ទៀត​ដូចជា បុកម្កាក់ ពោត​បារាំង​ (laldy fingers) អប់អំបិល​ម្ទេស តម្លៃ ៨០០០ រៀល លៀស​ផ្អែម​ជូរ​ហឹរ គ្រំសមុទ្រ​អាំង​គ្រឿង ១ ចាន​តម្លៃ​ពី ៨០០០ ទៅ ១០០០០ រៀល សម្បកណែម​អាំង​ និង​ត្រី​ចូកតឹង​តាំង​ជាដើម។

ក្រៅពីនេះ​ ហាង ស៊ុប​ក្អម​ ក៏​អាច​ឲ្យភ្ញៀវ​កុម្ម៉ង់​បង្ហែម​លាង​មាត់​ដូច​ជា​ បាយ​ដំណើប​ខ្នុរ ផង​ដែរ៕

អត្ថបទគួរចាប់អារម្មណ៍