The Phnom Penh Post Search

Search form

ស៊ុបជីម​ជុម រសជាតិ​ឆ្ងាញ់​ ហើយ​ជួយ​ឲ្យអ្នក​ផ្ដាសាយ​ញ៉ាំ​ទៅ​ធូរ​ច្រមុះ

Content image - Phnom Penh Post
ស៊ុបជីមជុម ត្រូវបាន​ច្នៃឲ្យ​មាន​រសជាតិ​បែប​ខ្មែរ នៅហាង​កញ្ញា​ឧត្ដម​។ ហុង មិនា

ស៊ុបជីម​ជុម រសជាតិ​ឆ្ងាញ់​ ហើយ​ជួយ​ឲ្យអ្នក​ផ្ដាសាយ​ញ៉ាំ​ទៅ​ធូរ​ច្រមុះ

ភ្នំពេញ: ភោជនីយដ្ឋាន​ខ្មែរ កញ្ញា​ឧត្តម​ជាកន្លែង​បម្រើ​មុខម្ហូប​ភាគច្រើន​មាន​ប្រភព​មកពី​ខេត្ត​សៀមរាប ដែលជា​រូបមន្ត​ច្នៃ​ប្រចាំ​គ្រួសារ​របស់​ម្ចាស់​ហាង​ផ្ទាល់​តែម្ដង។

ម្ហូប​ល្បីៗ​ប្រចាំ​ហាង កញ្ញា ឧត្តម នោះ​មាន​ដូចជា គោដុត​បំពង់​ឫស្សី ក្រពះ​ជ្រូក​ទ្រង់គ្រឿង មាន់​អាំង​ទឹកឃ្មុំ ប្រហុក​អង្ក្រង បុក​មាន់​ប្រហុក បុក​ក្រសាំង​ដុត និងសម្ល​ខ្មែរ​ជាច្រើន​មុខ​ទៀត។

ក្រោយ​ពេល​ចូលឆ្នាំ​ខ្មែរ ហាង​ក៏មាន​បន្ថែម​នូវ​ស៊ុបជីម​ជុម​ក្នុងបញ្ជី​មុខម្ហូប​របស់ខ្លួន​ផងដែរ។

អ្នកស្រី ទុំ ពិសី ជា​ម្ចាស់​ហាង​បាន​លើក​ឡើង​ថា៖ «ស៊ុប ជីម​ជុម ហ្នឹង ពេល​យើង​ផ្ដាស​សាយ តឹង​ច្រមុះ​អី ពេល​យើង​ញ៉ាំ​វាទៅ ធ្វើឲ្យ​យើង​ធូរ​ច្រមុះ​តែម្ដង»។

ម្ចាស់​ហាង និងជា​ចុងភៅ​ដ៏​ចំណាន​រូបនេះ​បាន​លើក​ឡើង​ទៀត​ថា៖ «ស៊ុបនេះ​គឺវា​ឆ្ងាញ់​ត្រង់​ថា ទឹកស៊ុប​វាសាប ហើយ​វាមាន​ទឹកជ្រលក់​ម្ទេស​បុកខៀវ ដែល​ធ្វើឲ្យ​រសជាតិ​ទឹកស៊ុប​ហ្នឹង​ឆ្ងាញ់​ខុសប្លែក​ពីគេ»។

ទឹក​ស៊ុប ជីមជុម ថ្លា និង​ទទួល​ទាន​មិន​រងាន់​ឡើយ។ វា​ត្រូវបាន​រម្ងាស់​ពីបន្លែ​ដោយ​រយៈពេល​យូរ។ ឈុត​ស៊ុបនេះ​មាន សាច់ជ្រូក សាច់​មាន់ បង្គា ជីររណារ ម្អម ឃិនឆាយ និង​សាលាដ ដែល​អាច​ញ៉ាំ​បាន​គ្នា ២ នាក់។

ភោជនីយដ្ឋាន កញ្ញា​ឧត្តម ស្ថិតនៅ​ផ្ទះ​លេខ ១៥ ផ្លូវ​លេខ ៦០៨ (ផ្លូវ​ជួសជុល​ឡាន) ខាងកើត​អតីត​រង្វង់​មូល​ទួលគោក ជិត​វត្តនាគវ័ន៕

អត្ថបទគួរចាប់អារម្មណ៍

  • គម្រោង​ធំៗ​ជាច្រើន​អាច​នឹង​លេច​ឡើង​នៅ​តាម​មាត់ទន្លេ

    ក្រុមហ៊ុន​អភិវឌ្ឍន៍​ដ៏ធំ​មួយ​របស់​ចិន​មាន​ប្លង់​រចនា​ក្នុង​ការ​អភិវឌ្ឍ​នៅ​តាម​បណ្តោយ​ឆ្នេរ​ទន្លេ​ដែល​គម្រោង​នោះ​រួម​មាន​ខុនដូ​ប្រណីត អគារ​ការិយាល័យ ខណៈ​បច្ចុប្បន្ន​ទីតាំង​នោះ​ត្រូវ​បាន​គ្រប់គ្រង​ដោយ​កំពង់ផែ​ស្វយ័ត​រាជធានី​ភ្នំពេញ​។

  • ស្ថាបត្យកម្ម និង​វិចិត្រសិល្បៈ គឺ​មិន​អាច​ញែក​ដាច់​ពី​គ្នា​បាន​ឡើយ

    នៅក្នុង​បន្ទប់​សិក្សា​ក្នុង​ផ្ទះ​ធំ​មួយ​នៅ​តាម​មាត់ទន្លេ​ក្នុង​រាជធានី​ភ្នំពេញ លោក ថាង សុធា វ័យ​ ៣៥ ​ឆ្នាំ​កំពុង​ពិនិត្យ​មើល​ប្លង់​រចនា 3D របស់​បន្ទប់​គេង​នៃ​អាផាតមិន​មួយ​ដែល​ជា​ផ្នែក​នៃ​គម្រោង​កែលម្អ​ចុងក្រោយ​បំផុត​ដែល​លោក​បាន​ចូលរួម​ធ្វើ​កាលពី​ប៉ុន្មាន​ឆ្នាំ​មុន នៅ​លើ MacBook ដើម្បី​បំផុស​គំនិត​សម្រាប់​ការងារ​នាពេល​អនាគត​។

  • ត្រី​ចិញ្ចឹម​ប្រមាណ​ ១២ ​តោន​ងាប់​ដោយ​កម្ដៅ​ពេល​ទឹក​ស្រក

    កំពង់ឆ្នាំងៈ យ៉ាង​ហោចណាស់​ត្រី​ចិញ្ចឹម​តាម​ដង​ទន្លេ​ស្ថិត​ក្នុង​សង្កាត់​ខ្សាម និង​ផ្សារឆ្នាំង ខេត្ត​កំពង់ឆ្នាំង​ប្រមាណ​ជា​ ១២ ​ពាន់​គីឡួ​បាន​ងាប់​ក្នុង​រយៈពេល​ ៣ ​ថ្ងៃ ព្រោះ​តែ​ទឹក​បាន​ស្រក​ចុះ​ជា​គំហុក និង​ក្ដៅ​ខ្លាំង​។ នេះ​បើ​យោង​តាម​ការរៀបរាប់​របស់​ប្រជានេសាទ​ក្នុង​តំបន់​នោះ​ដែល​មាន​ប្រមាណ​ជា​ ៧០ ​គ្រួសារ​។

  • ព្រះរាជអាជ្ញា​ភ្ជាប់​រឿង​ហិង្សា​នៅ​ស្ពាន​នាគ​ជា​ចលនា​បដិវត្តន៍​ពណ៌

    ភ្នំពេញៈ សាលាឧទ្ធរណ៍​នៅ​ព្រឹក​ថ្ងៃ​ពុធ​ម្សិលមិញ​បាន​បញ្ចប់​សវនការ​ជំនុំជម្រះ​សំណុំ​រឿង​ហិង្សា​នៅ​ស្ពាន​នាគ​កាលពី​ខែ​កក្កដា ឆ្នាំ ២០១៤ ដោយ​ព្រះរាជអាជ្ញា និង​មេធាវី​ការពារ​ដើមបណ្ដឹង​សម្រេច​ភា្ជប់​ករណី​ហិង្សា​នោះ​ទៅ​នឹង​បដិវត្តន៍​ពណ៌ បន្ទាប់ពី​សវនការ​រយៈពេល​ ៣ ​ថ្ងៃ​ជាប់ៗ​គ្នា​។ ទោះ​ជា​យ៉ាងណា​ក៏ដោយ​ភាគី​ជនរងគ្រោះ​ថា​គ្មាន​អំពើ​កុបកម្ម​កើតឡើង​ទេ​ និង​ស្នើ​ដល់​តុលាការ​ឲ្យ​ដោះលែង​ពួកគេ​។