The Phnom Penh Post Search

Search form

Logo of Phnom Penh Post newspaper Phnom Penh Post - ស៊ុប​ប៊ូហ្វេ​ថ្ងៃ​ត្រង់​អេស៊ីម៉ា​បណ្ដុំ​ផ្សិត ១០ ​មុខ​ប៉ូវ​កម្លាំង​បុរស​នារី




ស៊ុប​ប៊ូហ្វេ​ថ្ងៃ​ត្រង់​អេស៊ីម៉ា​បណ្ដុំ​ផ្សិត ១០ ​មុខ​ប៉ូវ​កម្លាំង​បុរស​នារី

Content image - Phnom Penh Post
​បណ្ដុំ​ផ្សិត​ប៉ូវ​កម្លាំង​នាំ​ចូល​ពី​ប្រទេស​ជប៉ុន និង​ចិន​។ ឈឹម ស្រីនាង

ស៊ុប​ប៊ូហ្វេ​ថ្ងៃ​ត្រង់​អេស៊ីម៉ា​បណ្ដុំ​ផ្សិត ១០ ​មុខ​ប៉ូវ​កម្លាំង​បុរស​នារី

ភ្នំពេញៈ ផ្សិត​ដុះ​តាម​តំបន់​ភ្នំ​ និង​ត្រជាក់​ រួម​ទាំង ផ្សិតព្រះ​ ឬ Morchella Esculenta ស្ថិត​នៅ​ក្នុង​ចំណោម​ផ្សិត ១០ ប្រភេទដ៏​ល្បី​ៗ ដែល​នាំចូល​ពី​ប្រទេស​ជប៉ុន​ និងចិន​ ជា​គ្រឿងផ្សំ​ចម្បង​ក្នុងមុខម្ហូប​ស៊ុបប៊ូហ្វេ​ថ្ងៃ​ត្រង់ថ្មី​ ត្រូវបាន​បើក​សម្ពោធ​សម្រាប់​អតិថិជន​និយម​ស៊ុប​ផ្សិត​នៅ​ភោជនីយ​ដ្ឋាន​ស៊ុប​ផ្សិត អេស៊ីម៉ា​ (Ashima)​ នៅដង​មហា​វិថីព្រះ​មុនីវង្ស។

ក្រៅពី​ប្រពៃណី​ទទួលទាន​អាហារ​កុម្ម៉ង់​តាម​លំដាប់​លំដោយ អតិថិជន​ដែល​មមាញឹក​នឹង​ការងារ​ពេល​ថ្ងៃត្រង់​ដោយ​មិនចង់​រង់ចាំយូរ នៅតែអាច​ភ្លក្ស​រសជាតិ​ស៊ុប​ផ្សិតចម្រុះ​ទាំងនេះ​ដោយ​សេរី​ឥត​កំណត់​តាមរយៈអាហារ​ស៊ុប​ប៊ូហ្វេ​ផ្សិត​ដើម្បី​បន្ថែម​ថាម​ពល​ឡើងវិញ។

ទោះបី​ជា​ស៊ុបប៊ូហ្វេ​ផ្ដោត​លើ​ការ​បម្រើស៊ុប​ដែល​មាន​គ្រឿង​ផ្សំផ្សិត​ ១០ ប្រភេទ​ជាមួយ​សាច់​ និង​បន្លែ​ដ៏​សម្បូរ​បែបយ៉ាង​ណា​ក៏ដោយ​ ក៏​ការ​ទទួល​ទានស៊ុប​នៅ​ អេស៊ីម៉ា មានលក្ខណៈ​ខុស​ប្លែក​ពី​ហាងស៊ុប​ដទៃ​ ដោយ​អតិថិជន​ត្រូវបាន​បម្រើអាហារ​សម្រន់​ជាមុន​ផ្ដើមពី​សាលាដ​លាយ​សាច់គោ ឬក៏ត្រី​សាលម៉ុន​ ឬត្រី​ធូណា ទើប​បន្ដ​ដល់​វគ្គស៊ុប​ចម្បង។

Content image - Phnom Penh Post
​ចុង​ភៅ​ភោជនី​យដ្ឋាន​ អេស៊ីម៉ា លើ​ក​បង្ហាញ​បន្លែ​ និង​ផ្សិត​សម្រាប់​ស៊ុប​ប៊ូហ្វេ​។ ឈឹម ស្រីនាង

​បន្ទាប់មក អតិថិជន​នឹង​ទទួលទាន​ស៊ុបបន្លែ និង​ផ្សិត​ជាច្រើន​ប្រភេទ រួមទាំង​ផ្សិត​ព្រះ​ដ៏ល្បី​ រួច​ភ្លក្ស​រសជាតិ​ស៊ុបសាច់​មាន់ខ្មៅ​ និង​បន្លែ​តាំង​អោ​ សាលាដសង និង​មីសារាយ​ អេស៊ីម៉ា​ ជាដើម។​ ជាចុង​ក្រោយ​បង្អស់ វគ្គបង្អែម​ ជាអាហារ​លៀង​មាត់​ដ៏​ផ្អែម​ឆ្ងាញ់ក្រោយ​ការ​ទទួល​ទាន​ចង្អាប។

អេស៊ីម៉ា ផ្ដល់​នូវ​ផ្លែឈើ​ស្រស់​ៗជា​ច្រើនមុខ​មុនពេល​វិល​ត្រឡប់​ទៅកាន់​កន្លែង​ការងារ​វិញ។ ជាទូទៅ ការ​ទទួល​ទាន​អា-ហារ​ប៊ូហ្វេ​ស៊ុប​ថ្ងៃត្រង់​ មាន​រយៈ​ពេល​ចន្លោះ​ពី ៣០ នាទី ទៅ​មួយម៉ោង​ ដោយ​សារតែ​ខណៈ​អតិថិជន​កំពុង​តែ​រីករាយ​នឹង​អាហារ​ស៊ុប​ផ្សិតពិសេស​ ក្រុម​អ្នករត់តុ​នឹង​ធ្វើការ​ពន្យល់​ពី​អត្ថ​ប្រយោជន៍​ដ៏​សម្បូរ​បែប​នៃស៊ុប​ផ្សិត​ទាំង ១០ មុខ ដែល​រួមទាំង ផ្សិត​ព្រះ មាន​ប្រភពពី​ប្រទេស​ជប៉ុន សម្រាប់​ប៉ូវ​កម្លាំង​ថាមពល​សុខភាព​ដល់មនុស្ស​ប្រុស​ស្រី​ផងដែរ។​

ស៊ុប​ប៊ូហ្វេផ្សិត​អេស៊ីម៉ា បើក​ទ្វារ​ស្វាគមន៍​អតិថិជន​សម្រាប់​អាហារ​ថ្ងៃត្រង់​ជាលក្ខណៈ​បុគ្គលិក គ្រួសារ មិត្ដភក្ដិ និង​មិត្ដរួម​ការងារ​ក្នុង​តម្លៃ ៩,៩៩ ដុល្លារសម្រាប់​មនុស្ស​ម្នាក់។

គួរ​បញ្ជាក់​ថា សម្រាប់​ឈុត​ស៊ុប​អេស៊ីម៉ា​ប៊ូហ្វេនេះ រួ​មមាន បន្លែ ផ្ទី ស្ពៃ​បូកគោ​ តាំងអោ និង​ផ្សិត​ច្រើន​ប្រភេទ ព្រមទាំង​ មាន់​ខ្មៅ សាច់​គោមកពី​អូស្ដ្រាលី ប្រហិត និង​ថ្លើម​មាន់​ជាដើម។ ភោជនីយដ្ឋាន Ashima ស្ថិត​នៅតាម​ដងមហាវិថី​ព្រះមុនីវង្ស ពី​ខាងត្បូង​អតីត​ពេទ្យ​ចិន ឬ​អគារ ៤២ ជាន់៕

អត្ថបទគួរចាប់អារម្មណ៍