The Phnom Penh Post Search

Search form




Logo of Phnom Penh Post newspaper Phnom Penh Post - ស៊ុប​ព្រុយត្រី​ឆ្លាម​ឆ្ងាញ់​ ធូរថ្លៃ​តែ ៤ ម៉ឺន​រៀល​ប៉ុណ្ណោះ​




ស៊ុប​ព្រុយត្រី​ឆ្លាម​ឆ្ងាញ់​ ធូរថ្លៃ​តែ ៤ ម៉ឺន​រៀល​ប៉ុណ្ណោះ​

Content image - Phnom Penh Post
ស៊ុប​ព្រុយត្រី​ឆ្លាមឆ្ងាញ់​នៅហាង Combo Meatball ស្ថិត​នៅ​ជិតស្ពាន​នាគ កោះពេជ្រ។ ហេង ជីវ័ន

ស៊ុប​ព្រុយត្រី​ឆ្លាម​ឆ្ងាញ់​ ធូរថ្លៃ​តែ ៤ ម៉ឺន​រៀល​ប៉ុណ្ណោះ​

ភ្នំពេញ: ហាង Cambo Meatball ស្ថិតនៅ​ជិត​ស្ពាននាគ​កោះពេជ្រ​ដែល​ល្បីខ្លាំង​នូវម្ហូប​ដុតមីសួ​ឆ្នាំងដី​គ្រឿង​សមុទ្រ ក៏ដូចជា​នំគ្រក់​គ្រឿង​សមុទ្រ​ជាដើម​នោះ ឥឡូវនេះ​ម្ចាស់​ហាង​បាន​នឹកឃើញ​បន្ថែម​នូវ​មុខម្ហូប​ជាច្រើន​ប្រភេទ​ប្លែកៗ​ឆ្លើយតប​តាម​តម្រូវ​ការ​ចិត្តភ្ញៀវ។

សប្តាហ៍​នេះ ម្ចាស់​ហាង​ លោក ឡោ ស៊ុន​ថេង រៀបរាប់​ថា៖ «ដោយ​សារ​ភ្ញៀវខ្លះ​មិនសូវ​ចេះញ៉ាំ​គ្រឿង​សមុទ្រឆៅៗ​អ៊ីចឹង​ហើយ​ទើបខ្ញុំ​បាន​នឹកឃើញ​បង្កើត​ម្ហូបប្លែកៗ​ពីរបីមុខ​ដូចជា បុកល្ហុង​បង្គា​បំពង មឹកបំពង​ នំគ្រក់​ទឹក​ដោះគោ ឆ្អឹង​ជំនីរ​ជ្រូកអាំង ស៊ុប​មាន់ខ្មៅ​ថាសហោះ បុក​ងាវ និង​មុខម្ហូប​ជា​ច្រើនទៀត ហើយក្នុង​ចំណោម​ម្ហូប​ទាំងនោះ​ក៏យើង​បានថែម​ម្ហូបពិសេស​មួយ​មុខទៀត​ដែរគឺ​ ស៊ុប​ព្រុយត្រី​ឆ្លាម»។

លោក​បានឲ្យ​ដឹងថា៖ «សម្រាប់​មុខ​ម្ហូបនេះ​ភាគច្រើន​គឺមាន​លក់តែ​នៅក្នុង​ហាង​ចិនធំៗ​តែប៉ុណ្ណោះ អ៊ីចឹង​ហើយ​បានជា​ខ្ញុំចាប់អារម្មណ៍​យកមុខ​ម្ហូបនេះ​មក​ចែក​រំលែក​ដល់​ភ្ញៀវ​គ្រប់​រូបគាត់​អាច​ញ៉ាំ​បាន ដោយ​មិន​ចាំបាច់​ចូលទៅ​ហាងធំៗ​នោះទេ»។

លោក ឡោ ស៊ុនថេង បញ្ជាក់ថា៖ «​ព្រុយ​ត្រីឆ្លាម​គឺខ្ញុំ​នាំចូល​ដោយ​ខ្លួនឯង​ផ្ទាល់ពី​ប្រទេស​ថៃស្រស់ៗ​តែម្តង យកមក​ច្នៃ​ធ្វើជា​ស៊ុប​ព្រុយ​ត្រីឆ្លាម​ដែល​មាន​រសជាតិ​ឆ្ងាញ់​មិនចាញ់​ហាង​ចិនធំៗ​នោះទេ ហើយ​តម្លៃ​វិញគឺ​សមរម្យ​ត្រឹមតែ ៤០ ០០០ រៀល​ប៉ុណ្ណោះ​ក្នុងមួយ​ឆ្នាំង​ អាច​ញ៉ាំបាន​គ្នាពីរ​ទៅ​បីនាក់»។

ក្រៅពីរ​នេះ​ លោក​ក៏បាន​ណែនាំ ឲ្យ​អតិថិជន​ភ្លក្ស​រស​ជាតិ​ប្លែក​នៃបុក​ល្ហុង​ពិសេស​ដោយ​ប្រើ​គ្រឿងផ្សំ​បន្ថែម​គឺកាពិ​យកមក​ពីឡាវ​តែម្តង។

ចំពោះ​ភ្ញៀវ​ដែលចង់​បាន​ការ​បញ្ចុះ​តម្លៃ​ពិសេស ២០ ភាគរយ លោក ឡោ ស៊ុនថេង បាន​និយាយថា៖ «នៅពេល​គិតលុយ យើង​ប្រាប់​ថា បានអាន​ដឹង​ព័ត៌មាន​អំពី​ហាង Cambo Meatball ពី​ភ្នំពេញ​ ប៉ុស្ដិ៍ នោះ​នឹង​ទទួលការ​​ បញ្ចុះ​តម្លៃនេះ​គឺ​ចាប់ពី​ថ្ងៃទី ១៦​ រហូត​ដល់ ៣០ ខែវិច្ឆិកា ចាប់ពី​ម៉ោង ១១ ព្រឹក​រហូត ដល់​ម៉ោង ៤ រសៀល»។

ហាង ​Cambo Meatball អាច​ទំនាក់ទំនង​តាម​លេខទូរស័ព្ទ​ ០៧០ ៨៩ ៨៨ ២៣៕

អត្ថបទគួរចាប់អារម្មណ៍