The Phnom Penh Post Search

Search form




Logo of Phnom Penh Post newspaper Phnom Penh Post - ស៊ុប​មាន់​ខ្មៅ​ផាក​កាហ្វេ​ជួយ​ប៉ូវ​​រាងកាយ​កុំ​ឲ្យ​ចាញ់​អាកាស​ធាតុ​




ស៊ុប​មាន់​ខ្មៅ​ផាក​កាហ្វេ​ជួយ​ប៉ូវ​​រាងកាយ​កុំ​ឲ្យ​ចាញ់​អាកាស​ធាតុ​

Content image - Phnom Penh Post
ឈុត​ស៊ុប​មាន់ខ្មៅ​នៅ​ផាក​កាហ្វេ​​។ ហុង មិនា

ស៊ុប​មាន់​ខ្មៅ​ផាក​កាហ្វេ​ជួយ​ប៉ូវ​​រាងកាយ​កុំ​ឲ្យ​ចាញ់​អាកាស​ធាតុ​

ភ្នំពេញ: ស៊ុប​មាន់ខ្មៅ​ត្រូវបាន​គេ​ដឹងថា​មាន​ប្រភព​ដើម​មកពី​ប្រទេស​ចិន​ ដែល​ប្រជាជន​នៅទីនោះ​និយម​បរិភោគ​ដើម្បី​ជួយ​សម្រួល​កម្ដៅនៅ​ក្នុង​ខ្លួន ដោយ​ហេតុ​ថា​ប្រទេស​នេះ​មាន​អាកាសធាតុ​ត្រជាក់​ខ្លាំង។

នៅ​តំបន់​អាស៊ី​ ស៊ុប​មាន់​ខ្មៅ​ត្រូវបាន​គេ​យក​កែច្នៃ​ចម្រាញ់​យកសារ​ធាតុល្អៗ​ដើម្បី​ជំនួយ​សព៌ាង្គ​កាយ​ទប់ទល់​នឹង​ជំងឺ​ចាញ់​អាកាសធាតុ​ ពិសេស​ក្នុង​ដូវរងា​ជាដើម។

ស៊ុប​មាន់ខ្មៅ​មួយ​ចាន​គឺ​ពោរពេញ​ទៅដោយ​សារធាតុ​ប្រឆាំង​អុកស៊ីត​កម្ម​ និង​រ៉ាឌីកាល់​សេរី​នៅក្នុង​រាងកាយ​ថែមទាំង​អាច​រក្សា​តុល្យភាព​កម្ដៅក្នុង​សរីរាង្គកាយ​បានល្អ​ ចៀស​ឆ្ងាយពី​ជំងឺ​ផ្តាសាយ។

សារធាតុ​ប្រឆាំង​អុកស៊ីត​កម្ម​ដែល​ត្រូវបាន​គេ​ហៅថា​ កា​ណូស៊ីន (Carnosine) នៅក្នុង​សាច់មាន់​ខ្មៅ ក៏មាន​វត្តមាន​ក្នុង​សាច់ដុំ​ និង​នៅក្នុង​ខួរក្បាល​របស់​មនុស្ស​ផងដែរ។

កម្រិត​កាណូ​ស៊ីន ដែលមាន​នៅ ក្នុង​សាច់មាន់​ខ្មៅ​គឺមាន​ចំនួន​ទ្វេដង​នៃ​កម្រិត​កាណូ​ស៊ីន ក្នុង​សាច់មាន់​ធម្មតា។ វាត្រូវ​បាន​រកឃើញ​ផងដែរ​នៅក្នុង​សាច់មាន់​តួកគី។

នៅ​ប្រទេស​ចិន​សាច់មាន់​ខ្មៅ​ត្រូវបាន​គេយក​ធ្វើជា​ម្ហូបអាហារ​ជា​ញឹកញាប់​ដែល​រួមទាំង​ការ​រម្ងាស់​ជាស៊ុប​រួមជាមួយ​ឱសថ​ដូចជា​យិនស៊ិន​ផង។ ​

ក្រៅពី​ការការពារ​ជំងឺ​ផ្តាសាយ រោគ​ចាញ់​អាកាស​ធាតុ​ផ្សេងៗ ហើយ​នោះ ស៊ុបមាន់​ខ្មៅត្រូវ​បានគេ​ជឿ​ផងដែរ​ថា​ វាជួយ​ដល់ សួត សម្ពាធ​ឈាម​ និង​ក្រពះ​ពោះវៀន​ផងដែរ។

ឈុត​ស៊ុប​មាន់ខ្មៅ​នៅ​ភោជនីយដ្ឋាន​ផាក​កាហ្វេ​មាន ២ ជម្រើស​គឺ ឈុត​ទីមួយ​មាន ស៊ុប​មួយ​ចាន បាយ​ឡុកឡាក់ កាហ្វេ​ភ្នំពេញ និង​ឈុត​ទីពីរមាន ស៊ុបមួយ​ចាន បាយ​មាន់​ហៃ​ណាំ និង​កាហ្វេ​ភ្នំពេញ៕

អត្ថបទគួរចាប់អារម្មណ៍