The Phnom Penh Post Search

Search form

Logo of Phnom Penh Post newspaper Phnom Penh Post - ស៊ុប​លៀស ​ក្ដៅៗ​សម្រួល​ផ្លូវ​ដង្ហើម​ពី​ហាង​ស៊ុប​ក្អម​




ស៊ុប​លៀស ​ក្ដៅៗ​សម្រួល​ផ្លូវ​ដង្ហើម​ពី​ហាង​ស៊ុប​ក្អម​

Content image - Phnom Penh Post
ស៊ុប​លៀស​ ផ្សិត និង​ត្រកួន​គេ​ញ៉ាំ​ជ្រលក់​ទឹក​ម្រេច​ក្រូច​ឆ្មារ​​។ ឈឹម ស្រីនាង

ស៊ុប​លៀស ​ក្ដៅៗ​សម្រួល​ផ្លូវ​ដង្ហើម​ពី​ហាង​ស៊ុប​ក្អម​

ភ្នំពេញ: ស្ថិត​នៅ​ក្រោយ​សាកល​វិទ្យាល័យ វ៉ាន់ដា ហាង «ស៊ុប​ក្អម» ដែល​ល្បី​ស៊ុប​គោ​សរសៃ​កែង​ផុយ ឆ្ងាញ់​ក៏​មាន​ជម្រើស​ស៊ុប​ពី​ប្រភេទ​ថ្មី​ទៀត គឺ​ស៊ុប​តុង​យ៉ាំ​ និង​ស៊ុប​លៀស។

ស៊ុប​ទាំងពីរ​ប្រភេទ​នេះ​មាន​ការពេញនិយម​ញ៉ាំ​ក្នុង​អំឡុង​ពេល​​ចុង និង​ដើម​ឆ្នាំ​ដោយសារតែ​វេលា​ល្ងាចមាន​ខ្យល់​ត្រជាក់​។

សម្រាប់​​ស៊ុប​លៀស​វិញ អាច​និយាយ​ថា ​វា​ជួយ​សម្រួល​ផ្លូវដង្ហើម ឬអាការតឹង​ច្រមុះ។ នៅ​ពេល​ដែល​យើង​ហុត​វា​ទៅ​ធ្វើ​ឲ្យ​មាន​អារម្មណ៍​ធូរស្រាល​ផ្នែក​ក្បាល និង​ច្រមុះ ព្រោះ​ស៊ុប​នេះ​ វា​មាន​ក្លិន​ឈ្ងុយ​ស្លឹកគ្រៃ​ និង​ទឹក​ម្រេច​ក្រូច​ឆ្មារ។

​គ្រឿងផ្សំ​ចម្បង​មាន​ដូចជា លៀស​សមុទ្រ គល់​ស្លឹក​គ្រៃ ម្នាស់ ផ្សិត​ម្ជុល ផ្សិតចំបើង ផ្សិត​ភ្លៅ​​មាន់ ផ្សិត​ដែក​គោល និង​ត្រកួន។ គ្រឿងផ្សំ​រសជាតិ​ដូចជា អំបិល ស្ករស ម្សៅ​ស៊ុប ម្រេច ក្រូចឆ្មារ និង​ម្ទេស។

របៀបចម្អិន​ មុនដំបូង ចាក់ទឹក​ចូល​ឆ្នាំ​ងដាំ​ឲ្យ​ពុះ រួច​បង់គល់​ស្លឹកគ្រៃ​ស្ងោរ​ប្រមាណ​ជា ១ ម៉ោង​ឲ្យ​វា​ចេញ​ក្លិនឈ្ងុយ​សឹម​បង់​គ្រឿង​ផ្សំ​រសជាតិ​មាន អំបិល ស្ករស ម្សៅ​ស៊ុប ចូល។ បន្ទាប់​ពីដាក់​ផ្លែ​ម្នាស់​មួយ​ផ្លែ​ស្ងោរ​វាមួយ​រំពុះ​ជាការ​ស្រេច។

នៅពេល​ទទួលទាន គ្រាន់​តែ​ដួស​ទឹក​ស៊ុប​ចាក់​ចូល​ឆ្នាំងដី ដាំ​ឲ្យពុះ រួច​បង់​​ផ្សិត​ខាងលើ​ចូល​ឲ្យ​ពុះ​ទើប​ដាក់​ត្រកួន និង​លៀស​សមុទ្រ​ចូល ទុក​វា​ឲ្យ​ពុះ​គឺ​យើង​អាចញ៉ាំ​បាន​ជាមួយ​ទឹក​ម្រេច​ក្រូចឆ្មា​រ និង​ម្ទេស។

ស៊ុប​ក្អម ស្ថិតនៅផ្ទះ​លេខ ៤C ផ្លូវ​លេខ ១៨៥ សង្កាត់​ទំនប់ទឹក៕

អត្ថបទគួរចាប់អារម្មណ៍