ភ្នំពេញ : ស៊ុបក្ដៅៗ គឺជាជម្រើសអាហារដ៏ប្រពៃសម្រាប់ជួបជុំមិត្តភក្តិនិងក្រុមគ្រួសារ ដោយសារតែវាមានគ្រឿងផ្សំសាច់ និងបន្លែជាច្រើនមុខ ដែលអាចបំពេញតាមចំណូលចិត្តរបស់អ្នកទទួលទានបានគ្រប់ៗគ្នា។
សប្ដាហ៍នេះ ខ្ញុំនឹងនាំលោកអ្នកទៅភ្លក្សស៊ុបក្បាលត្រីសាលម៉ុន ដ៏មានរសជាតិប្លែកមាត់ នៅភោជនីយដ្ឋាន Memo ដែលទើបនឹងបើកថ្មីសន្លាង។ ចង់ដឹងថាស៊ុបនេះមានអ្វីខ្លះ សូមរីករាយនឹងការបកស្រាយអាថ៌កំបាំងគ្រឿងផ្សំរបស់វាដូចខាងក្រោមនេះ៖
គ្រឿងផ្សំទឹកស៊ុប : បន្លែគ្រប់មុខដូចជា ឆៃថាវ ប៉ិកួៈការ៉ុត ស្ពៃខៀវ ស្ពៃស និងឆ្អឹងមាន់។
បន្លែ និងសាច់ដែលអាចទទួលទានជាមួយស៊ុប : តាំងអោរ ម្អម ស្ពៃតឿ ផ្សិតម្ជុល ផ្សិតស ត្រាវ ពោតហាវ៉ៃ ការ៉ុត ត្រកួន តៅហ៊ូ ស្នៀតពោត ស្ពៃចង្កឹះ សារាយសមុទ្រពណ៌ស ក្បាលត្រីសាលម៉ុន។
វិធីចម្អិនទឹកស៊ុប : យកបន្លែគ្រប់មុខទៅលាងឲ្យស្អាត រួចទុកឲ្យស្ងួតទឹក។ យកឆ្អឹងមាន់ជាប់សាច់តិចៗទៅស្ងោររម្ងាស់រួចសឹមដាក់បន្លែខាងលើចូល ហើយដាក់អំបិលបន្តិចបន្តួចរម្ងាស់ម្ដងទៀតរយៈពេលប្រមាណ៤៥នាទី។
វិធីចម្អិនក្បាលត្រីសាលម៉ុន: យកទៅបំពងជាមួយប្រេងកុំឲ្យឆ្អិនពេក។
ប្រសិនបើលោកអ្នកចង់ដឹងថា ស៊ុបក្បាលត្រីសាលម៉ុន នេះមានរសជាតិប្លែកមាត់យ៉ាងណានោះ សូមអញ្ជើញសាកល្បងភ្លក្សនៅភោជនីយដ្ឋាន Memo ដែលមានអាសយដ្ឋានផ្ទះលេខ ១៤៤ ភូមិ១៥ វិថីសុធារស សង្កាត់ទន្លេបាសាក់ ខណ្ឌចំការមន រាជធានីភ្នំពេញ (ជាប់របងមជ្ឈមណ្ឌលភ្នំពេញសិនធើ)។ ទាក់ទងទូរស័ព្ទលេខ ០៩០ ៦២ ១៣ ៨២ និង ០២៣ ៦៧ ៧៧ ៦៦៦៕
