The Phnom Penh Post Search

Search form

Logo of Phnom Penh Post newspaper Phnom Penh Post - ស៊ុប Jim Jum មួយឆ្នាំង ២៤០០០ រៀលពី​ភោជនីយដ្ឋាន ៤៧៨




ស៊ុប Jim Jum មួយឆ្នាំង ២៤០០០ រៀលពី​ភោជនីយដ្ឋាន ៤៧៨

Content image - Phnom Penh Post
ចុងភៅថៃភាគ​ឦសាន​បង្ហាញ​ស៊ុប​ Jim Jum នៅហាង ៤៧៨។ ឈឹម ស្រីនាង

ស៊ុប Jim Jum មួយឆ្នាំង ២៤០០០ រៀលពី​ភោជនីយដ្ឋាន ៤៧៨

ភ្នំពេញ: ផ្សែងហុយ​ និងក្លិនឈ្ងុយ​ចេញពី​ហាង​អាហារ ៤៧៨ ជា​ហាង​លក់​នៅ​ប្រភេទ​ម្ហូប​ថៃ​បែបចិញ្ចើម​ថ្នល់​ជាច្រើន​ប្រភេទ ហើយ​អាហារទាំង​នោះ​គឺមាន​ការពេញនិយមញាំ​ពីភ្ញៀវខ្មែរ​ភាគច្រើន​នៅពេលដែល​គាត់​ទៅលេងនៅ​ប្រទេស​ថៃផង​ដែរ។

លោក​ សៀង គង្គារ ​ដែលជាម្ចាស់​ហាង ៤៧៨ បាននិយាយថា៖ «ដោយ​សារ​តែ​ឃើញ​ខ្មែរយើងគាត់ចូលចិត្ត​ញ៉ាំ​ម្ហូប​ថៃ​នៅពេលដែល​គាត់ទៅលេង​នៅ​ប្រទេស​ថៃ អ៊ីចឹង​ហើយ​បានជា​ខ្ញុំគិតថា​បើកហាង​នេះ​ឡើង​ដើម្បី​បំពេញតម្រូវ​ការ​របស់ភ្ញៀវ។

ក្នុង​ហាង​របស់ខ្ញុំ​គឺមាន​ចុងភៅ​ជនជាតិថៃមកពី​ប្រទេស​ថៃ​តែម្ដង​គឺ​គាត់​មាន​ជំនាញក្នុងការធ្វើ​ម្ហូប ជាពិសេស​គឺ​បុកល្ហុង​ថាស និងស៊ុប Jim Jum ឆ្នាំ​ងដី​តែ​ម្ដង គឺមាន​ការពេញនិយមខ្លាំង​ពី​ភ្ញៀវ​ដែល​គាត់​មកញ៉ាំ​នៅទីនេះ»។

ចំពោះ​ស៊ុប Jim Jum គឺ​វា​មាន​រសជាតិ​ខុសពី​ស៊ុបគោ​ឆ្នាំ​ងដី​របស់​យើង ដោយសារតែ​ទឹកស៊ុប​របស់វាប្រើបន្លែទាំងអស់​រម្ងាស់ ៤ ម៉ោង។

លោក​បាន​លើកឡើងពី​រសជាតិ​ស៊ុប​នេះ​​ថា៖ «​វាមិន​ទ្រលាន់ ដោយ​យើង​ញ៉ាំ​ជាមួយ សាច់គោ សាច់ជ្រូក គ្រឿងសមុទ្រ បន្លែ​ត្រកួន ស្ពៃបូកគោ ផ្សិត​ម្ជុល និង​មីសួ ហើយ​សម្រាប់​រសជាតិ​វិញ​គឺ ជូរ ហឹរតិចៗ»។

ភោជនីយដ្ឋាន ៤៧៨ ​អាសយដ្ឋានជិត​សាលា​បឋមសិក្សាសន្ធរ​ម៉ុក​ តាម​បណ្តោយផ្លូវ​ម៉ៅ​សេទុង មានបម្រើ​ម្ហូប​បែប​ថៃ​ដូចជា បុកល្ហុង​ថាស ២ ម៉ឺនរៀល ស៊ុប ​Jim Jum ​២៤០០០ រៀល ប្រហិត ​Jamboo សាច់​ជ្រូក​អាំង និង​ញាំ​មីសួ ជាដើម៕

អត្ថបទគួរចាប់អារម្មណ៍