The Phnom Penh Post Search

Search form




Logo of Phnom Penh Post newspaper Phnom Penh Post - ស្ដេក​សាច់គោ​បែប​ខ្មែរ​ ទឹក​ជ្រលក់​ម្រេច​ខ្ចី ពីសួន​មេអំបៅ​សៀមរាប​




ស្ដេក​សាច់គោ​បែប​ខ្មែរ​ ទឹក​ជ្រលក់​ម្រេច​ខ្ចី ពីសួន​មេអំបៅ​សៀមរាប​

Content image - Phnom Penh Post
ស្តេក​សាច់គោ​ជាប់ខ្លាញ់​ស្រូប​ទឹក​ជ្រលក់​ម្រេច​ខ្ចី។ ឈឹម ស្រីនាង

ស្ដេក​សាច់គោ​បែប​ខ្មែរ​ ទឹក​ជ្រលក់​ម្រេច​ខ្ចី ពីសួន​មេអំបៅ​សៀមរាប​

សៀមរាប: ហ៊ុមព័ទ្ធ​ទៅ​ដោយ​សំណាញ់​បៃតង ភោជ​នីយដ្ឋាន ​សួន​មេអំបៅ សម្បូរ​ផ្កាចម្រុះ​ពណ៌ ធ្វើ​ឲ្យអ្នក​មាន​អារម្មណ៍​បីដូចជា​កំពុង​ដើរក្នុង​សួនច្បារ មាន​ហ្វូង​មេអំបៅ​ហើរ​ឆ្វែល​ឆ្វាត់​ទំលើ​ខ្លួន​មនុស្ស​ឥត​ខ្លាច​ក្រែង។

បើក​ដំណើរ​ការ​តាំងពី​ឆ្នាំ ២០០៦ ​ហាងនេះ​ដើម​ឡើយ​ជា​គំនិត​របស់​ជន​បរទេស​ម្នាក់​ មុននឹង​ក្លាយ​ជា​កម្មសិទ្ធិ​របស់​ម្ចាស់​ហាងជា​ខ្មែរ។

សួន​មេអំបៅ​តាំងពី​បើក​ភ្លាម​សម្បូរ​តែភ្ញៀវ​ជនជាតិ​បរទេស​ប៉ុណ្ណោះ​ តែ​លោក ឌុក ដេត ជា​ម្ចាស់ហាង ​បាន​ព្យាយាម​កែប្រែ ដើម្បី​ទាក់ទាញ​ភ្ញៀវ​ខ្មែរ​ឲ្យបាន​ច្រើន។

នៅ​ក្នុងហាង​នេះ​ក្រៅពី​មាន​ម្ហូបខ្មែរ​ដូចជា អា​ម៉ុក ប្រហុក​ខ្ទិះសាច់​គោ​ចិញ្ច្រាំ គោ​ឡើង​ភ្នំ ការី គ្រឿង​សមុទ្រ​អាំង បាយ​ឆា ម្ហូប​ខ្មែរ អឺរ៉ុប​ជាច្រើន​មុខនោះ អាហារ​ពេញ​និយម​គឺ​ ស្តេក​សាច់គោ​បែប​ខ្មែរ។

សាច់គោ​ត្រូវបាន​គេ​ប្រឡាក់​ជាមួយ​ប៊័រ អំបិល ម្រេច ​និង​គ្រឿង​ផ្សំ​ពិសេស​ផ្សេង​ទៀត។ ក្រោយ​មក​យកទៅ​ចម្អិន​លើខ្ទះ​ឲ្យឆ្អិន​ល្មម សាច់គោ​ត្រូវ​បាន​រៀបដាក់​ចានដែក​ អម​ដោយ​បន្លែ​ឆ្អិន​រួមមាន​ដំឡូង​បារាំង ផ្កាខាត់ណា​ស ផ្កាខាត់​ណាបៃតង (ប្រូខូលី) ម្រេច​ខ្ចី សណ្ដែក​បារាំង​ ដែល​ត្រូវបាន​ចំហុយ​ឲ្យ​ឆ្អិនល្មម​។

ក្រោយពី​រៀប​ជីរនាង​វង​ រួច​ ស្រូប​ទឹក​ជ្រលក់​ម្រេច​ខ្ចីពី​លើ​នោះ​ជាការ​ស្រេច។ ភោជ​នីយដ្ឋាន​សួន​មេអំបៅ​ ស្ថិត​នៅ​ផ្លូវ​លេខ ២៥ ចន្លោះ​ស្ទឹង​សៀមរាប​ និង​ផ្លូវវត្ត​បូព៌ ទូរស័ព្ទ​លេខ ០១២ ៣៧១ ៣៣០៕

អត្ថបទគួរចាប់អារម្មណ៍