The Phnom Penh Post Search

Search form




Logo of Phnom Penh Post newspaper Phnom Penh Post - ហាង​ខ្ចៅ​សាង​ស្នេហ៍​ក្រោយ​សាលា​បាក់ទូក​ល្បី​ទឹក​ជ្រលក់​២​រសជាតិ

ហាង​ខ្ចៅ​សាង​ស្នេហ៍​ក្រោយ​សាលា​បាក់ទូក​ល្បី​ទឹក​ជ្រលក់​២​រសជាតិ

ខ្ចៅ​ចំហុយ​ជ្រលក់ទឹក​ត្រី​ម្ទេស​ស្លឹកគ្រៃ​ នៅហាង​ខ្ចៅសាង​ស្នេហ៍។
ខ្ចៅ​ចំហុយ​ជ្រលក់ទឹក​ត្រី​ម្ទេស​ស្លឹកគ្រៃ​ នៅហាង​ខ្ចៅសាង​ស្នេហ៍។ រូបថត ភ្នំពេញ ប៉ុស្ដិ៍​

ហាង​ខ្ចៅ​សាង​ស្នេហ៍​ក្រោយ​សាលា​បាក់ទូក​ល្បី​ទឹក​ជ្រលក់​២​រសជាតិ

ភ្នំពេញ: ជា​រៀង​រាល់​ថ្ងៃ​នាពេល​រសៀល​ កន្លែង​លក់​ខ្ចៅ​ដូង​ និង​គ្រឿង​ម្ជូរ​មួយ​កន្លែង​ដែល​ស្ថិត​នៅ​ក្រោយ​សាលា​បាក់​ទូក តែង​តែ​មាន​សភាព​អ៊ូអរ​ជានិច្ច។

ជាមួយ​នឹង​ស្លាក​យីហោ​សរសេរ​ថា «ហាង​ខ្ចៅ​​សា​ង​ស្នេហ៍» ទាំង​អ្នកលក់ និង​អតិថិជន​ភាគ​ច្រើន​គឺ​ជា​យុវវ័យ​តែ​ម្ដង ខណៈ​ដែល​ភ្ញៀវ​វ័យ​ចំណាស់​បន្តិច​និយម​ខ្ចប់​​អាហារ​សម្រន់​នេះ​យក​ទៅ​ទទួល​ទាន​ជំនួស​ឲ្យ​ការ​អង្គុយ​ញ៉ាំ​នៅ​ក្នុង​ហាង​ផ្ទាល់​តែ​ម្ដង។

ស្ថិត​នៅ​ពីក្រោយ​ផ្ទាំង​ក្រណាត់​ដែល​គេ​ចង​បាំង​កម្ដៅ​ថ្ងៃ​ តុ​កៅអី​ឈើ​វែងៗ​​មាន​យុវតី និង​យុវជន​ក្មេងៗ​អង្គុយ​ចាក់​ខ្ចៅ​បណ្ដើរ ជជែក​គ្នា​លេង​និងសើចយ៉ាង​ក្អាក​ក្អាយ​ផង​ដែរ។

ហាង​ខ្ចៅ​សាង​ស្នេហ៍​ដែល​ដំណើរ​ការ​យ៉ាង​ជោគជ័យ​ជា​ច្រើន​ឆ្នាំ​មក​ហើយ​​នោះ​​គឺ​ ខ្ចៅ​នីមួយៗ​មាន​ទំហំ​ធំ​ល្មម និង​មាន​សាច់​ពេញៗ​សម្បក​តែ​ម្ដង។ ខ្ចៅ​ដូង​ចំហុយ​ក្ដៅៗ​នេះ​ត្រូវ​បាន​គេ​ញ៉ាំ​ជាមួយ​ទឹក​ជ្រលក់​២​ជម្រើស​គឺ ទឹក​ម្រេច​ក្រូច​ឆ្មារ និង​ទឹក​ត្រី​ម្ទេស​ក្រហម​ឆ្អៅ​។

ទឹក​ជ្រលក់​ទាំង​ពីរ​បែប​នេះ​មាន​រសជាតិ​ឆ្ងាញ់​ម៉្យាង​ម្នាក់។ ទឹក​ម្រេច​ក្រូច​ឆ្មារ​មាន​ការ​លាយ​គ្រឿង​ឆ្ងាញ់​ល្មម​ រីឯ​ទឹក​ត្រី​ម្ទេស​មាន​ឈ្ងុយ​ក្លិន​​ស្លឹក​គ្រៃ​ និង​ខ្ទឹមស​យ៉ាង​ឆ្ងាញ់។ អតិថិជន​មួយ​ចំនួន​ថែម​ទាំង​សាក​ល្បង​យក​ទឹក​ជ្រលក់​ទាំង​ពីរ​មុខ​នេះ​លាយ​ចូល​គ្នា​​បង្កើត​បាន​ជា​ទឹក​ជ្រលក់​មួយ​បែប​ថ្មី មាន​រសជាតិ​កាន់​តែ​ប្លែក​ដើម្បី​ញ៉ាំ​ជា​មួយ​ខ្ចៅ​នេះ​។

នៅ​ហាង​ខ្ចៅ​សាង​ស្នេហ៍​ ខ្ចៅ​មួយ​ចាន​មាន​តម្លៃ​៣​ពាន់​រៀល៕

អត្ថបទគួរចាប់អារម្មណ៍