The Phnom Penh Post Search

Search form




Logo of Phnom Penh Post newspaper Phnom Penh Post - ហាងម្ជូរ​ និងក្ដាម​ក្រឡុក​ឆ្ងាញ់​សន្លប់​ ល្បី​ខ្លាំង​ឆ្ងាញ់​ភ្លាក្ដាម​សេះ




ហាងម្ជូរ​ និងក្ដាម​ក្រឡុក​ឆ្ងាញ់​សន្លប់​ ល្បី​ខ្លាំង​ឆ្ងាញ់​ភ្លាក្ដាម​សេះ

Content image - Phnom Penh Post
ភ្លាក្ដាម​សេះ​រសជាតិ​ហឹរ​ប្រៃជូរ​ផ្អែម​ឆ្ងាញ់ញ៉ាំ​ដល់ថ្នាក់​លិទ្ធ​ដៃ​។ ឈឹម ស្រីនាង

ហាងម្ជូរ​ និងក្ដាម​ក្រឡុក​ឆ្ងាញ់​សន្លប់​ ល្បី​ខ្លាំង​ឆ្ងាញ់​ភ្លាក្ដាម​សេះ

ភ្នំពេញ: ផ្ដើមចេញ​ពីការ​ធ្វើញ៉ាំ​ជា​លក្ខណៈ​គ្រួសារ​ជួបជុំ​បងប្អូន​ ម្ចាស់​ហាងម្ជូរ និង​ក្ដាម​ក្រឡុក​ឆ្ងាញ់​សន្លប់ បាននឹក​ឃើញ​បើកតូប​តូចមួយ​នៅពី​មុខ​ផ្សារ​ផេនសល​ មាត់ទន្លេ លក់​គ្រឿង​បុកល្ហុង និង​ម្ជូរ​ក្រឡុក​ ជាការ​សាក​ល្បង​ប៉ុណ្ណោះ។

ជំនួញ​ខ្នាតតូច​នេះ​ទទួល​បាន​ភាព​ជោគជ័យ ជាមួ​យវត្តមាន​អតិថិជន​ចោមរោម​ទិញ​ជាច្រើន ទើប​ម្ចាស់​ហាងបាន​សម្រេច​ចិត្ត​បើក​សាខា​មួយ​ទៀតនៅ​ក្រោយ​វាំង ម្ដុំ​មីបួស។ កត្តា​មួយ​ដែលធ្វើ​ឲ្យមនុស្ស​ចោមរោម​ទិញនោះ គឺ​រសជាតិ​ភ្លា​ក្ដាមសេះ ឆ្ងាញ់​ដ៏ល្បី​ល្បាញ ​ដែល​គ្រាន់តែ​ឃើញ​រូបភាព​ភ្លាម​អាចធ្វើ​ឲ្យ​ប្រិយមិត្ត​ស្រក់​ទឹកមាត់​ចង់​ញ៉ាំតែម្ដង។

ភ្លាក្ដាម​សេះ​ មានបង្គា​ក្រៀម ជីរ​រណារ ប៉េងប៉ោះ សណ្ដែក​ដី ម្ទេស និងសាច់​ក្ដាមសេះ​ស្រស់​ល្អ ច្របល់​ចូលគ្នា​ជាមួយ​ទឹកត្រី​ពិសេ​ស​ប្រចាំ​ហាង មួយ​ចាន​តម្លៃ ១២០០០ រៀល។​ ការ​បន្ថែម​សាខាថ្មី បាន​ផ្ដល់​កន្លែង​អង្គុយ​ងាយស្រួល​ដល់​ភ្ញៀវ​ជជែក​គ្នា​លេង​កម្សាន្ត ក្រោយ​ពីកុម្ម៉ង់​ម្ហូប​អាហារ​​ជម្រើស​ជាច្រើន​មុខ។​

ហាង​មានមុខ​ម្ហូប​ដូចជា កំពឹស​លោត​ដាក់​កំប៉ុង តម្លៃ ១២០០០ រៀល ខ្យង​ឆាគ្រឿង ១០០០០​រៀល ងាវ​ហោះ ១០០០០រៀល កង្កែប​ស្រែ​អាំង​ជាមួយ​ក្ដឹប​អម្ពិល បង្គា​កោះកុង​ហឹរហោះ បុកល្ហុង​ណែម​ពិសេស ឡាប​ខ្យង នំបញ្ចុក​ពោះគោ និង​ម្ជូរ​ក្រឡុក​គ្រប់ប្រភេទ។

ហាង ​ម្ជូរ និង​ក្ដាម​ក្រឡុក​ឆ្ងាញ់​សន្លប់ ទំនាក់ទំនង​​ទូរស័ព្ទ​លេខ ​០៩៦ ៧៣ ៥៦ ៦៧៦៕

អត្ថបទគួរចាប់អារម្មណ៍