The Phnom Penh Post Search

Search form




Logo of Phnom Penh Post newspaper Phnom Penh Post - ហាង​ស្ដេក​ពិសេស មាន​ក្ដាម​យក្ស បង្កង​បូស្ដុន




ហាង​ស្ដេក​ពិសេស មាន​ក្ដាម​យក្ស បង្កង​បូស្ដុន

Content image - Phnom Penh Post
ញូវយ៉ក​ស្ដេក​ សាច់​ចំឡក​ក្រៅ ចំឡក​ក្នុង និងជាប់​ខ្លាញ់​​។ ឈឹម ស្រីនាង

ហាង​ស្ដេក​ពិសេស មាន​ក្ដាម​យក្ស បង្កង​បូស្ដុន

ភ្នំពេញ: ស្ថិត​នៅ​បណ្តោយ​ផ្លូវ ៥៩២ ​ភោជ​នីយដ្ឋាន​ដ៏ទាក់​ភ្នែក​មួយ​រំលេច​ពណ៌​ខៀវ​ស្រស់​រចនា​បែប​បស្ចិម​ប្រទេស មាន​ដាក់​បង្ហាញ​នូវរូប​ក្តាម​យក្ស និង​ស្តេក​សាច់​គោ។

Ocean Prime Steak House គឺជា​ហាង​ដែល​រចនា​ប្លែក​ពីហាង​ដទៃ ដោយ​សារ​ផ្នែក​ខាងក្នុង​គឺធំ​ទូលាយ រំលេច​ដោយសា​ឡុង និង​កៅអី​ពណ៌​ខៀវ​គួរឲ្យ​ទាក់​ភ្នែក និង​មាន​បន្ទប់​លក្ខណៈ​ឯកជន​សម្រាប់​ភ្ញៀវ​ផង​ដែរ។

នៅ​កណ្តាល​ហាង បុគ្គលិក​ស្រី​ប្រុស​ឈរចាំ​ស្វាគមន៍​ភ្ញៀវ​នៅក្បែរ​តុ​គល់ឈើ​ដ៏​ធំមួយ មាន​ដាក់​កំព្យូទ័រ​សម្រាប់​កត់​ត្រាការ​កុម្ម៉ង់​ម្ហូប​របស់​ភ្ញៀវ។

រីឯនៅ​ឆ្វេងដៃ​មាន​អាង​កញ្ចក់​ដ៏ធំ​ដាក់​ក្តាម​ និង​បង្កង​​ សម្រាប់​ចុងភៅ​យក​ទៅ​ចម្អិន​ស្រស់ៗ​ភ្លាមៗ​តែម្ដង។

Content image - Phnom Penh Post

សម្រាប់​អ្នក​ដែល​ចូល​ចិត​ញ៉ាំ​ស្តេក​សាច់គោ ​ភោជ​នីយដ្ឋាន​នេះ​មាន​បម្រើ​នូវ​ប្រភេទ​ស្ដេក​ ពិសេស​ជាង​សាច់​គោ​ធម្មតា។​

Prime Steak ចម្អិន​សាច់គោ​យក​មកពី​អាមេរិក​តែ​ម្តង។ ក្រៅពីនេះ​ ភោជនីយ​ដ្ឋាន​ក៏មាន​បម្រើ​ជូននូវ​ប្រភេទ​ក្តាម​យក្ស​រស់និង​បង្កង​បូស្តុន​រស់ ដែល​ពុំសូវ​មាន​លក់​នៅតាម​បណ្ដា​ហាង​ក្នុង​រាជធានី​ភ្នំពេញ​ទេ។

ចំពោះ​ភ្ញៀវដែរ​ភ្លក្ស​រសជាតិ​គ្រឿង​សមុទ្រ​ដ៏​ប្លែក​មាត់​ ក្តាម​យក្ស​ស័ក្ដិសម​បំផុត​គឺការ​ចម្អិន​វា​ដោយ​ចំហុយ ឬស្រុស​មួយ​ភ្លែត រួច​ទទួលទាន​សាច់វា​ដោយ​មិនចាំ​បាច់​ប្រើ​ទឹក​ជ្រលក់​នោះទេ។

ខណៈ​ដែល​បណ្ដា​ហាង​ដទៃ​ទៀត​ទាល់តែ​មានការ​កុម្ម៉ង់ ទើប​មានការ​បម្រើ​ក្ដាម​យក្ស​នេះ នៅហាង Ocean Prime Steak House តែងមាន​ក្ដាម​យក្ស​រស់រង់​ចាំ​ភ្ញៀវ​ទទួល​ទាន​ជា​ប្រចាំ។

ក្រៅពី​បម្រើ​ជូន​នូវ​អាហារ​ពេល​ល្ងាច ភោជនីយដ្ឋាន​ក៏​ផ្តល់ជូន​ឈុត​អាហារ​ថ្ងៃត្រង់​ក្នុង​ម្នាក់ពី ១៤,៥ ដុល្លារ ឡើងទៅ។

រៀងរាល់​ថ្ងៃចន្ទ​ក៏មាន​ការបញ្ចុះ​តម្លៃ ២០ ភាគរយ​ចំពោះ​ភ្ញៀវ​កុម្ម៉ង់ឆ្អឹង​ជំនីរ​ Prime និង​ថ្ងៃពុធ​ចុះតម្លៃ ៥០ ភាគ​រយ​សម្រាប់​ភ្ញៀវ​កុម្ម៉ង់​សាច់ត្រី។

Ocean Prime steak House ស្ថិតនៅ​ផ្ទះ​លេខ ៧៤ ផ្លូវ ៥៩២ ទល់មុខ​សាលា​ឥន្ទ្រទេវី៕

អត្ថបទគួរចាប់អារម្មណ៍