The Phnom Penh Post Search

Search form

Logo of Phnom Penh Post newspaper Phnom Penh Post - ឡុកឡាក់​សាច់​គោ​ពិសេស​ពី​ហាង សៀមរាប​ប្រ៊ូផាប់




ឡុកឡាក់​សាច់​គោ​ពិសេស​ពី​ហាង សៀមរាប​ប្រ៊ូផាប់

Content image - Phnom Penh Post
ឡុកឡាក់​មាន​រសជាតិ​ឆ្ងាញ់​ដោយសារ​សាច់គោ​ផុយល្អ​​។ ឈឹម ស្រីនាង

ឡុកឡាក់​សាច់​គោ​ពិសេស​ពី​ហាង សៀមរាប​ប្រ៊ូផាប់

សៀមរាប: ស្ថិតនៅ​កាច់ជ្រុង​ផ្លូវ​លេខ ៥ ពីក្រោយ​សណ្ឋាគារ​ Shinta mani ភោជនីយដ្ឋាន​សៀមរាប​ប្រ៊ូផាប់ មានផ្ទៃដី​ធំ​ទូលាយ ការ​តុបតែង​ស្អាត​ ដើមឈើធំៗ​នាំ​មកនូវ​ខ្យល់​អាកាស​ត្រជាក់​បរិសុទ្ធ​ដល់​ភ្ញៀវ​ដែល​មក​ទទួលទាន។

មិន​ត្រឹមតែ​ជា​ហាង​បម្រើនូវ​អាហារ​បែប​អាស៊ី​ និង​អឺរ៉ុប​នោះទេ ភោជនីយដ្ឋាន​សៀមរាប​ប្រ៊ូផាប់ ​ក៏បើក​ដំណើរ​ការ​ជា​លក្ខណៈ​ផាប់​សម្រាប់​ឲ្យ​ភ្ញៀវ​បាន​ភ្លក្ស​រស​ជាតិ​ស្រា​បៀរស្រស់​ៗដែល​ផលិត​ថ្មីៗតែម្តង។

ស្រាបៀរ​ក្នុង​ហាង​នេះមាន​ការ​ទទួល​ស្គាល់ពី​ប្រទេស​សិង្ហបុរី។ វាត្រូវ​បាន​ផលិត​ឡើង​តាម​ស្តង់ដារ​អន្តរជាតិ​ដោយ​ប្រើ​វត្ថុធាតុ​ដើម​មកពី​ប្រទេស​អាល្លឺម៉ង់ អូស្ត្រាលី និង​នូ​វែលសេ​ឡង់ ផ្សំ​ជាមួយ​ទឹកស្អាត​នៅ​សៀមរាប។

ទន្ទឹម​នឹងនោះ ម្ហូប​ខ្មែរ ថៃ អឺរ៉ុប​ គ្រឿង​ក្លែម ​ដែល​បម្រើ​ជូន​ភ្ញៀវសម្រាប់​បរិភោគ​​ជាមួយ​ស្រាបៀរ​ផលិត​ផ្ទាល់​នៅហាង​មាន​ដូចជា​ ញាំ​ត្រយូង​ចេក ភ្លាសាច់គោ ស្តេក​សាច់គោ ចៀម សាលាដ ញាំគ្រឿង​សមុទ្រ ស្តេក​ត្រី​សាលម៉ុនពិសេស ផាត់​ថៃ និង​ឡុកឡាក់​សាច់​គោ ជាដើម។

ក្នុង​ចំណោម​ម្ហូប​ទាំង​អស់នេះ ឡុកឡាក់​សាច់គោ​នៅ​ភោជនីយដ្ឋាន​សៀមរាប​ប្រ៊ូផាប់​ មាន​ការ​ពេញ​និយម​ច្រើន​ពី​អតិថិជន ​ដោយសារ​វា​មាន​រសជាតិ​ឆ្ងាញ់ សាច់គោ​ផុយផ្សំ​គ្រឿង​ពិសេស ធ្វើ​ឲ្យ​រសជាតិ​ឡុកឡាក់​នេះ​ឆ្ងាញ់​ត្រូវគ្នា​ជាមួយ​រសជាតិ​ស្រាបៀរ​ប្រចាំ​ហាង​តែម្តង៕​

អត្ថបទគួរចាប់អារម្មណ៍